|
- Setu ur pennad
diechu
hag a denn d'an
istor
. Gallout a rit rein un tamm skoazell, ha kreskin ar pennad : krogit e-barzh !
|
Arzhur I
an
, pe
Arthur Plantagenet
, ganet d'an 29 a viz Meurzh
1187
e
Naoned
ha marvet d'an 3 a viz Ebrel
1203
e
Rouen
, a voe
Dug Breizh
eus 1201 betek e varv. Dibabet e oa da bennher gant e eontr
Richarzh Kalon Leon
, a oa divugel, ha dezhan e tlee bezan kurunenn e eontr.
Mab e oa da
Jafrez II Plantagenet
, dug Breizh, breur da
Richarzh Kalon Leon
ha
Yann Dizouar
, rouaned Bro-Saoz, ha da
Konstansa Breizh
, merc'h d'an dug
Konan IV
.
Mab
dalif
e oa pa oa ganet daou viz goude marv e dad, e
1187
. E vamm,
Konstansa Breizh
, intanvez, a oa dugez Breizh.
En an hini a dlee bezan roue Bro-Saoz war-lerc'h Richarzh.
E
1196
e voe embannet gant he mamm e oa dug Breizh
Fulub II an Aogust
,
roue Bro-C'hall
a glaske digreskin beli an
tiegezh Plantagenet
en e
rouantelezh
hag broudan
gwizien
ar Saozon da stourm outo. Arzhur, hag en
her
yaouank dug
Breizh
, a oa spi ar Vrezhoned evit ma vije dieub an
dugelezh
, met Richarz Kalon Leon a yeas da aloubin
Breizh
hag a vac'has an dugez, met trec'h a vo warnan gant ul
lu
brezhon e
Karaez
(1197).
Kaset e oe ar bugel davet Filip Aogust evit ma vije diwallet-mat. Goude marv Richarzh e
1199
ez eas
Yann Dizouar
, e vreur, war
tron
Bro-Saoz. Mignon e oa bet da Fulup evit klask freuzan galloud Richarzh, met enebourien e oant en taol-man. Broudet gant Fulup Aogust e embannas diouzhtu Arzhur bezan her gwirion Bro-Saoz koulz hag hini Breizh,
Normandi
hag
Akwitania
hag an darn-vuian eus an
noblansed
c'hall a eas d'e heul.
Neuze e aloubas Yann Dizouar Bro-C'hall e
1202
. Pa oa Arzhur o sezizan
Mirebeau
, e-lec'h ma oa e vamm-gozh,
Eleanora Akitania
, o chom, e oe trubardet gant Guillaume des Roches ha, diwar urzhiou Yann Dizouar, kaset d'an
toull-bac'h
da
Falaise
hag alese da
Rouan
. N'eo ket sklaer penaos e varvas Arzhur e miz Ebrel
1203
. Brud a zo bet e voe lazhet gant e
eontr
Yann e-unan, met ne c'heller ket en asurin.
Pa oe kaset kelou an
torfed
e c'houlennas ar Vrezhoned ma vo tamallet Yann Dizouar evel
trubard
ha
karlazher
hag evitan da vezan kondaonet da vezan dizouaret e kollas Akwitania,
Anjev
, Normandi ha Breizh (orin e
lesanv
eo). Er c'hontrol e c'hounezas Filip Aogust bezan mestr war dugelezh Breizh pa oa hanter-c'hoar Arzhur, Aziliz, ur
vinorez
ha ne oa ket e dad, Guy de Thouars, "baillif" an dugelezh, evit mont a-enep ar roue. E
1212
e terras Filip Aogust an emglev-dimezin en doa aotreet evit Aziliz hag Herri a Bentevr hag e kavas gwelloc'h rein evel
pried
da Alis unan eus ar brinsed
kapetian
, Per a Dreux, a zeuio da vezan
Per I
an
a Vreizh
.
Savet ez eus bet ur
ganaouenn
diwar-benn buhez Arzhur I
an
gant ar
strollad-sonerezh
folk
breizhat
Tri Yann an Naoned
.