Agostinho Neto
Antonio Agostinho Neto
(17 a viz Gwengolo 1922 - 10 a viz Gwengolo 1979) a oa ur politikour ha prezidant kentan
Angola
.
Agostinho Neto, ganet e
Bengo
(Angola), a oa mab d'ur
pastor
metodour
. Kas a reas e studiou e
Luanda
a-raok mont da studian ar
vezegiezh
da
Bortugal
(e
Coimbra
hag e
Lisbon
). Harzet e voe e 1951 gant polis
Salazar
en abeg d'e oberou politikel evit dizalc'hiezh Angola. Dieubet e voe e 1958 ha distrein da Angola e 1959. Dont a reas da vezan prezidant an
MPLA
(
Movimento Popular de Libertacao de Angola
- Luskad Poblek evit Dieubidigezh Angola).
En Angola e voe harzet adarre gant ar Bortugiz e 1960. Tennet e voe gant ar soudarded ouzh tud a vanifeste evit e dieubidigezh ha lazhet un 30 den bennak. Agostinho Neto a voe kaset daou vloaz d'an toull-bac'h d'ar
C'hab Glas
ha goude-se da Lisbon. Dont a reas a-benn da dec'hel kuit da
Varoko
ha da
Zair
war-lerc'h.
Klask a reas skoazell a-enep Portugal digant ar
Stadou-Unanet
. Ar gouarnamant stadunanat a nac'has sikour anezhan ha kavout a rejont gwelloc'h rein dorn da
Holden Roberto
ha d'e strollad, an
FNLA
(
Frente Nacional de Libertacao de Angola
).
D'an 11 a viz Du 1975 e voe embannet dizalc'hiezh Angola ha Neto en em lakaas e penn ar Stad nevez. Krouin a reas liammou gant
URSS
ha Stadou
komunour
all,
Kuba
dreist-holl, hag a sikouras anezhan hag e strollad, an MPLA, a-enep an FNLA hag an
UNITA
e-pad ar brezel diabarzh a renas er vro er bloavezhiou da heul.
Neto a varvas e 1979 e
Moskou
ma oa bet kaset da vezan ospitalizet en abeg d'ur c'hrign-bev.
Jose Eduardo dos Santos
a voe prezidant d'e heul.
