D'an 23 a viz Mezheven 1894 , da genver klozadur ar c'hentan Kendalc'h Olimpek , e oa bet diazezet ar Poellgor Olimpek Etrebroadel gant Pierre de Coubertin e Pariz . Kavout a rae dezhan e oa kozh poent adsevel C'hoariou Olimpek ha ne oant ket bet dalc'het abaoe ouzhpenn 1 500 vloaz. C'hoant bras en devoa da rein e skodenn evit ma vije savet ur bed habaskoc'h dre ar sport o vroudan an darempredin, ar c'hoari reizh hag ar c'henemglev etre ar poblou. Ar Poellgor Olimpek Etrebroadel zo un aozadur e bal dezhan lec'hian meran ha pennadurezh evit ar C'hoariou kement ha bezan an ensavadur lezennel nemetan o terc'hel an holl wiriou ha merkou. Meret e vez al logo olimpek, ar banniel olimpek, ar sturienn hag an himn olimpek gant ar Poellgor Olimpek Etrebroadel a zo perc'henn warne. Dileuriet e vez ar Poellgor en e bezh gant ar prezidant ha gant an izili anezhan en o broiou.

Ar c'hant pemzek ezel (hiniennou an holl anezhe) a ya d'ober ar Poellgor Olimpek Etrebroadel en em vod ur wech ar bloaz d'an nebeutan. Gante e vez dilennet ur prezidant, eizh bloavezh e gefridi dezhan. En o zouez e kaver atletourien gozh pe er vuhez sportel c'hoazh, prezidanted pe bennou-bras kevreadou etrebroadel sport pe aozaduriou etrebroadel anavezet gant ar Poellgor. Eman sez ar Poellgor Olimpek Etrebroadel e Lausanne ( Suis ).

An arc'hant a zeu eus gwiriou an adkasadennou skinwel ha kevelerezhiou gant embregerezhiou liesvroadel. E-kerzh prezidantelezh Juan Antonio Samaranch (etre 1980 ha 2001 ) e oa bet tizhet liveou uhel-spontus gant ar gwiriou-se. E miz Kerzu 1988 e oa bet diskoachet ar voualc'h war he neizh gant droukskouer Salt Lake City ?: gwalc'het e oa bet o daouarn da izili 'zo evit ma vije roet C'hoariou olimpek goanv 2002 d'ar ger amerikan -man.

Pennadurezh veur an Emsav olimpek eo ar Poellgor Olimpek Etrebroadel. Da genver he dalc'hiou e vez dibabet ar c'heriou a zegemero ar C'hoariou olimpek goanv ha hanv. Dilennet e vez ar ger ostiz dre muianiver dreistel ar mouezhiou (a chom kuzh).

E miz Eost 2012 ?:

Citius-Altius-Fortius a zo un dro-lavar latin hag a dalv kement ha buanoc'h, uheloc'h, krenvoc'h .

Perc'hennet e oa bet gant Coubertin goude klevet an Tad dominigat Henri Didon oc'h ober ganti pa gomze eus troiou-kaer-sport e studierien. Rener skolaj Albert-le-Grand Arcueil ( Val-de-Marne ) e oa hag engravet ar sturienn latin-man er maen a-us dor-dal ar skolaj.

≪?En anv an holl genstriverien, prometin a ran e kemerimp perzh er C'hoariou olimpek-man en ur zoujan ouzh ar reloennou a ren anezhe, spered ar sport ennomp, evit gloar ar sport hag enor hon skipailhou.?≫

Bet skrivet gant Coubertin, al le a vez dibunet gant un atletour(ez) eus ar vro ostiz en ur zerc'hel ul lodenn eus ar banniel olimpek gant e zorn/he dorn kleiz. Ur barner eus ar vro ostiz a zibun ivez ul le peuzhenvel. Gant ar c'hlezeiataer belgian Victor Boin e oa bet rannet al le olimpek evit ar wech kentan e 1920 en Antwerpen .

Skrivet e oa bet ar poziou gant ar barzh gresian Kostis Palamas ha sonaozet gant Spyros Samaras ?: sonet e oa bet evit ar wech kentan da genver digoradur 1an C'hoariou olimpek modern d'ar 25 a viz Meurzh 1896 en Aten .

Dilezet e oa bet a-raok bezan dibabet ez-ofisiel da vat gant 55 vet dalc'h ar Poellgor etrebroadel olimpek e Tokyo e Mae 1958 . Adsonet e oa bet e Roma e 1960 eta.

• Demetrius Vikelas ,   Gres , eus 1894 betek 1896 ,
• Baron Pierre de Coubertin ,    Bro-C'hall , eus 1896 betek 1925 ,
• Kont Henri de Baillet-Latour ,   Belgia , eus an 28 a viz Mae 1925 betek e varv e 1942 ,
• Johannes Sigfrid Edstrom ,   Sveden , eus ar 4 a viz Gwengolo 1946 betek 1952 ,
• Avery Brundage ,   Stadou-Unanet , eus ar 15 a viz Eost 1952 betek 1972 ,
• Lord Killanin ,    Iwerzhon , eus an 22 a viz Eost 1972 betek 1980 ,
• Markiz Juan Antonio Samaranch ,   Spagn , eus ar 17 a viz Gouere 1980 betek 2001 ,
• Kont Jacques Rogge ,   Belgia , eus 2001 da 2013
• Thomas Bach    Alamagn , abaoe 2013