Dont a ra an anv eus hini an impalaer roman Augustus ( Aogust e brezhoneg). Er bloavezh 8 kent JK e voe lakaet gantan un deiz ouzhpenn er miz, tennet digant C'hwevrer, evit ma vije kement-ha-kement a zeiziou e miz Eost hag e miz Gouhere, miz Julius Caesar , e ziagentour e penn gouarnamant Roma .
En e raok, en deiziadur roman , e oa ar c'hwec'hvet miz , anvet sextilis diwar sextus , "c'hwec'hvet". Kregin a rae ar bloaz e miz Meurzh abaoe 750 kent JK , en amzer kentan roue Roma, Romulus .
An eizhvet miz e teuas da vezan pa voe ouzhpennet Genver ha C'hwevrer e penn-kentan ar bloaz en amzer ar roue Numa Pompilius war-dro 700 kent JK, pe pa voe tennet ar miziou-se eus dibenn ar bloaz d'o lakaat en derou gant an decemviri ^[1] , war-dro 450 kent JK?; dizemglev a oa etre ar skrivagnerien roman war ar poent-se.
Roet e voe anv an impalaer Augustus e 8 kent JK abalamour ma c'hoarvezas meur a zarvoud a bouez en e vuhez er miz-se, evel trec'h Alexandria .

Eus augustus e teu ar geriou:

• eost?;
• eostad, ar pezh a vez dastumet pa reer an eost?;
• eost-du, pa vez eostet gwinizh-du ?;
• eost-gwenn, pa vez eostet gwinizh ?;
• eostin, a zo dastum an eost?;
• eoster(ez), un den hag a ra an eost?;
• eosterez, a zo ur vederez , ur mekanik da eostin?;
• eostus, pa gomzer eus bloavezhiou ma vez puilh an eost?;
• eostvezh, koulz an eost.
• eostig , ul labous eus ar Kerentiad c'herentiad Muscicapidae ?;
• eostig-laeron, ur benveg implijet gant an alc'hwezerien (hag al laeron ) da zigerin potailhou ^[2] ?;
• dibenn-eost , a reer eus an daiskaramzer ?;
• hanter-Eost, an anv a vez roet d'ar 15 a viz Eost .

• Iwerzhoneg ?: Lunasa , diwar Lughnasadh , diwar anv an doue Lugh , pe Lug ?; La Lunasa eo anv ar c'hentan a viz Eost.
• Finneg ?: elokuu , a dalv "miz an eost".

• ≪?E-pad miz Eost / E ya ar mevel da vestr / Pa vez aet an eost er c’hrignol / E tistro adarre da vevel.?≫
• ≪?Mar bez glav da ouel hanter-Eost / Kenavezo d'ar c'hraon-kelvez?≫
• ≪?Pa vez Eost ma chom al labourer war e skaon /E varvo an dudjentil gant an naon.?≫
• ≪?Avel sant Laorans a zishilh kerc'h / Pa ne vez ket a-raok e vez war-lerc'h?≫ ^[3]
• ≪?Da c'houel Itron Varia an Erc'h / Pa vez avel grenv e vez ed kaer?≫ ^[4]
• ≪?Da c'houel Per, plantan kignen / Da c'houel Per, skoulman kignen / Da c'houel Per, tennan kignen?≫ ^[5]
• ≪?Da c'houel sant Lug ez astenn an deiz amzer d'ar sailh da ziskenn er puns?≫ ^[6]
• ≪?Hadan lann e pep miz / Nemet e miz Eost ha pa vez avel viz?≫
• ≪?Pask gleborek / Eost baraek?≫