Graet e vez Europa an Norzh eus lodenn norzh kevandir Europa . En ur ster strizh e lakaer e-barzh Skandinavia hag ar broiou balt . Aozadur ar Broadou Unanet , evit e godadur stategel, a laka e-barzh ivez ar Rouantelezh-Unanet hag Iwerzhon , evit abegou geopolitikel e lakaer e-barzh ivez Jerzenez ha Gwernenez . Dre vras, en ur ster douaroniel, e lakaer e-barzh ivez ar broiou a zo en-dro da Vor an Hanternoz ha d’ar Mor Baltel . Evit a sell ar sevenadur hag ar yezhou e klot gant ul lodenn eus tachennad ar yezhou germanek , ar yezhou baltek , hag ar yezhou finnek-ougrek . Evit ar relijion ez eo ar brotestantiezh a gaver dreist-holl, gant kalzik a gatoliked (Iwerzhon, Lituania).