Tong sampa (basa Inggris: waste container ; hurup Arab Gundul: ??? ????) nya'entu tempat bakal ngumpulin sampa bakal sebentaran nyang sokanan kekeja deri besi atawa pelastik.

Di dalem pangkeng, tong sampa lumbrahnya ditaro di dapur bakal muang bekas dapur kaya' kulit buah atawa peles. Ada ge tong sampa kusus keretas nyang dipake bakal kantor. Berapa tong sampa ada punya tutupan di palanya bagen bau sampanya ora kuar. Kebanyakan kudu dibuka sorangan, cuman enni wayah uda banyak nyang make jejegan bagen gampangin buka-tutup tong sampanya. Tong sampa dalem pangkeng lajimnya diisiin keresek bakal ngegampangin buang sampanya tepinan ora usah lagi minda-mindain tong sampanya seumpama uda pol, tinggal mawa kereseknya, buang keresek pol sampanya, ganti ama keresek anyar. Enni ihwal gampangin wayah buang sampa. Berapa tempat kaya' taman ada punya tong sampa nyang ditaroin di pinggir jalan terus-terusan. Enni ihwal diarepin bakal ngebisain orang bakal ogah buang sampa tambarakan nyang ganggu keendaan en kesihatan lingkungan serenta tata krama masarakat bakalan.

Ruju'an [ permak | permak sumber ]