Si
Merlinda Carullo Bobis
(
25 Nobyembre
1959
) sarong premyadong kagubay na
Bikolana
-
Australyang
parasurat
, parabayle, artistang biswal, asin paratukdo. Namundag siya sa mga magurang niyang sinda Nicolas Bobis asin Amparo Carullo, asin nagdakula siya sa
Tabaco
,
Albay
. An saiyang mga dula naipahiling na sa entablado siring man sa radyo sa
Filipinas
,
Pransya
,
Tsina
,
Tailandya
,
Slobakya
asin
Australya
, kun sain siya ngunyan nag-eerok. Nanggana si Bobis kan 2016 Christina Stead Prize for Fiction sa NSW Premier's Literary Awards para sa saiyang librong, Locust Girl: A Lovesong.
[1]
Nag-adal si Bobis nin elementarya sa
Kolehiyo nin Divine World
asin
Akademiya nin San Rafael
, nin sekondarya sa
Unibersidad nin Bikol
, asin nagtapos na
Summa cum Laude
sa
Aquinas na Unibersidad kan Legazpi
, ngunyan Unibersidad kan Santo Tomas-Legazpi, nin Batsilyer nin Artes sa Administrasyon nin Publika kan
1980
. Nagtapos man siya na Meritissimus sa
Unibersidad kan Santo Tomas
sa
Manila
nin Master nin Artes sa Literatura kan
1987
, asin nin Doktorado sa Artes sa Unibersidad kan Wollongong sa Australya kan
1994
kun sain siya ngunyan nagtutukdo.
Tulong pagkakataon na tinawan an saiyang mga tukda sa
Gawad Pagromdom ki Carlos Palanca para sa Literatura
. An enot iyo kan 1987 para sa
Peopleness,
sarong katiriponan nin mga rawitdawit sa
Ingles
na isinurat niya asin kaibahan/sama na ganador, enot na premyo. Sinundan ini kan 1989 para sa
Lupang di Hinirang: Kuwento at Sikreto
(Dagang Dai Padaba: Usipon asin Rirong/Land Not Dearest: Story and Secret) sarong katiriponan nin mga rawitdawit sa Pilipino, ikaduwang premyo. Asin, kan 1995 para sa
Ms. Serena Serenata
, sarong halipot na dula, na ginawadan nin kagalanggalang na sambit.
An saiyang dulang
Rita's Lullaby
nanggana sa
1998
Australian Writers' Guild Awards para sa pinakamarhay na panradyong dula, asin an pangkinaban na Prix Italia sa parehong taon. Kan taon
2000
, an saiyang
White Turtle
nanggana kan Steele Rudd Award para sa pinakamarhay na katiriponan nin Australyanong mga halipot na usipon. Siring man kaini duman sa 2000 Philippine National Book Award. kaidtong 2006, nagkamit siya kan Librong Bulawan Award (Gintong Aklat Award/Golden Book Award, Philippines) gikan sa Book Development Association of the Philippines para sa saiyang pinakahuring nobelang
Banana Heart Summer
.
Nagtukdo nin 10 taon si Bobis nin literatura, humanidades, asin
Ingles
sa
De la Salle na Unibersidad
,
Unibersidad kan Santo Tomas
, asin
Colegio de San Juan de Letran
, antes na natawan nin grant nin pampag-adal sa Unibersidad kan Wollongong kan 1991.
Mga rawitdawit
- Rituals: Selected poems, 1985-1990
. (1990)
- Summer was a Fast Train without Terminals
. (Melbourne: Spinifex,
1998
)
ISBN 1-875559-76-0
- Puso ki Batag.
(
Sagurong: 100 na Kontemporanyong Rawitdawit sa Manlain-lain na Tataramon Bikol
(DLSU Press, 2011)
Mga halipot na usipon
Mga nobela
- Banana Heart Summer
(Murdoch Books, 2005)
ISBN 1-74045-590-8
- The Solemn Lantern Maker
(Sydney: Murdoch Books, 2008)
- A Novel In Writing
(UST Press: 2004)
- Pag-uli, Pag-uwi, Homecoming
(UST Press: 2004)
- Locust Girl: A Lovesong
(North Melbourne: Spinifex, 2015)
- Finalista: Australian Classical Music Award (Best Vocal/Choral Work of the Year) para sa
Daragang Magayon Cantata
(sarong kolaboratibong opera kan rawitdawit ni Bobis asin musika ni Bruce Crossman), 2007
- Gawad Pambansang Alagad ni Balagtas (National Balagtas Award: sarong habambuhay na premyo para sa saiyang rawitdawit asin prosa sa Ingles, Pilipino, Bikol) gikan sa Unyon nin mga Parasurat sa Filipinas (Unyon ng Manunulat ng Pilipinas/Union of Philippine Writers), 2006
- Gawad Librong Bulawan (Gintong Aklat Award/Golden Book Award: Philippine publishers' award) para sa
Banana Heart Summer
(nobela), 2006
- Halipot na lista: Australian Literature Society Gold Medal para sa
Banana Heart Summer
, 2006
- Nominasyon: Pinakamarhay sa Dayong Tataramon sa Kathang-isip gikan sa Manila Critics’ Circle para sa
Banana Heart Summer
, 2006
- Judges’ Choice Award, Bumbershoot Bookfair, Seattle Arts Festival para sa
Kissing (katiriponan nin mga halipot na osipon, napalagdang
White Turtle
sa Australya asin Filipinas), 2001
- Arts Queensland Steele Rudd Australian Short Story Award (para sa pinakamarhay na napalagdang katiriponan nin Australyanong mga halipot na usipon, sama na ganador) para sa
White Turtle
, 2000
- Philippine National Book Award for Fiction (sama na ganador) gikan sa Manila Critics’ Circle para sa
White Turtle
, 2000
- NSW Ministry for the Arts Writers’ Fellowship para isinusurat na nobelang
Fish-Hair Woman
, 2000
- Canberra Writing Fellowship turuwang an Australian National University, an Unibersidad nin Canberra, asin an Australian Defence Force Academy, 2000
- Prix Italia (internasyunal na premio) para sa
Rita's Lullaby
(dulang pangradyo), 1998
- Australian Writers' Guild Award (AWGIE) para sa
Rita’s Lullaby
, 1998
- Pamana Philippine Presidential Award for achievement in the arts (for Filipino expatriates), 1998
- Halipot na lista: The Age Poetry Book of the Year Award for Summer Was A Fast Train Without Terminals (katiriponan nin mga rawitdawit), 1998
- Ganador, Out of the Ashes Trans-Tasman Short Story Competition para sa
White Turtle
(halipot na usipon), 1998
- Commended: National Short Story Competition, Society of Women Writers para sa
The Sadness Collector
(halipot na usipon), 1998
- Sama na ganador, Books & Writing Short Story Competition kan ABC Radio National para sa
The Tongue (bantagan na The Parable of Illawarra Street), 1997
- Ian Reed Foundation Prize for Radio Drama para sa
Rita's Lullaby
, 1995
- Carlos Palanca Memorial Award in Literature (Philippine national award), kagalanggalang na sambit para sa Ms. Serena Serenata (halipot na dula), 1995
- Gawad Cultural Centre of the Philippines (nasyunal na gawad para sa rawitdawit sa Pilipino) para sa
Mula Dulo Hanggang Kanto
(Poon Puro Sagkod Kanto/From End to Corner, katiriponan nin mga rawitdawit), 1990
- Likhaan Award para sa
Daragang Magayon
asin iba pang mga rawitdawit
, University of the Philippines Writers' Workshop, 1990
- Carlos Palanca Memorial Award in Literature, ikaduwang premyo para sa
Lupang di Hinirang: Kuwento at Sikreto
(Dagang Dai Padaba: Usipon asin Rirong/Land Not Dearest: Story and Secret, katiriponan nin mga rawitdawit sa Pilipino), 1989
- Carlos Palanca Memorial Award in Literature, sama na ganador, enot na premyo para sa
Peopleness
(katiriponan nin mga rawitdawit sa Ingles), 1987
- Caracoa Award for Outstanding Contributions 1987