Zwaungsstearunga
san psichische Storungen, bai denen se de Pazientn Gedonkn und Hondlungen aufdrenga, de zwor ois gweelnd empfundn wern, owa trozzdem umgsezzt wern miassn, aa wonns vollig uwadriem oda sinnlos san. De dro Dakronktn dakennan dees zwor maistns, kennan se druwa owa ned hinweggsezzn.
Zwaungsstearunga san durch wiedakearnde Zwaungsgedonkn und/oda Zwaungshondlungen kennzaichnet, de an rituoin Karaakta onemma kennan. Zwaungsgedonkn san Ideen, Vorstellungen oda Impuise, de se dauand wiedahoin, gweelnd san und ned durch Wuinsostrengung beaiflusst wern kenna. Zwaungshondlungen san Stereotipien de standig wiedahoit wern miassn. Tipische Baispiele san da
- Woschzwaung
- Kontroizwaung
- Zwaungsgedaunkn
- maagischs Denkn
- Ordnungszwaung
Zwaungsstearunga kennan so stork auspragt sei, dass a normaale Leemsfurung nimma mear moglich is.
A aanzige auslosnde Ursoch kennd ma ned. Worschainlich is d' Kombinazion vo Faologung, Hirnstoffweggslstearunga und seelische Ursochn fir s Entstee vo aana Zwaungsstearung vaontwortlich. Nochwaisbor san zum Bsp. Vaandarungen im frontaaln Kortex vo de betroffanen Pazientn.
Mid da Vahoitnsterapie steed mittlawaile a effektiivs psichoterapaitischs Behondlungsvavorn zur Vafugung. Ondane Psichoterapievavorn san bai dera Erkronkung ned so wirksom und a friare effektive vooitnsterapaitische Behondlung soitad ned vazogat wern, wail a Behondlung am Onfong vo da Storung erfoigsvasprechnda is.
Zur Standardterapie (bsundas in da aakutn Faasn) ghert aa a Behondlung uwa langare Zaid mid Medikamente, de d' Wirkung vom Bootnstoff Serotonin im Hirn vabessan (sognonnte
Selektive-Serotonin-Wiedaaufnomehemma
). D' Terapie mid d' Medikamente is erganznd zur Vahoitnsterapie sear zum empfeeln und ko d' Sumptoome deitlich reduziarn. A voistandige Hailung is nur soitn z' daraichn, a staabile Remission is owa fost oiwai moglich.
