De
Faungschreckn
(
Mantodea
) san a
Uadnung
vo de
Insektna
, und zwoa vo de
Fluginsektna
. Eanare negstn Vawaundtn san de
Schobm
und de
Termitn
, owa net de
Heihupfa
, wiar oft glaubt wiad.
De duachschnittliche Gress vo de meistn Oatn is zwischn 40 und 80 mm. De klanstn Faungschreckn san soichane aus da Goddung
Mantoidea
aus
Sudamerega
. De klanste Oat vo dene,
Mantoidea tenuis
, is grod amoi 12mm laung. De greßtn Oatn san aus de Goddungan
Toxodera
und
Ischnomantis
, woochane bis 200mm laung sei kenna. Vule Oatn haum a recht a guade Tarnung; maunge schaun aus ois wiar ausdrickate Astln oda sogoa
Bleampen
. Dazua kummt aa no, dass oft stundnlaung dositzn und si ned rian.
So wia s ausschaun, dakennt mas vo de meistn aundan Insektna ausanaund. Nebman easchtn Paarl Haxn, de wos Faunghaxn san, is vuar oim da laung auszade Hoisschud (
Pronotum
) vom Vuadakeapa (
Thorax
) typisch fiar eana. Da launge Hoischud is fia des guad, dass de Faunghaxn an greßan Radius haum. Da dreieckate Schedl hengt iwan Hois midn Hoisschud zsaumman. Aundascht ois wia bei de meistn vo de Insektna kennans eanaren Schedl frei umanaundadran. De Bsundaheitn midn laungan Thorax und in Schedl, dea wos si umananaundadran losst, findt ma bei de Insektna sunst grod amoi bei de
Kamoohoisfliagn
und de
Faunghafte
.
A Faunghaxn im Deteu
De Faunghaxn setzn si ausn Untaschengl (
Tibia
) und in Owaschengl (
Femur
) zsaumman. Da Untaschengl is vui mit Stochen und hod am End an großn Klewe. Is Gaunze losst si wiar a Toschnfeidl zsaummanklappm. Aa de Hiafal (
Coxa
) san frei beweglich und a Stickl lenga ois wia bei de meistn Insektna. Mit de Faunghaxn kau a Faungschreckn innahoib vo ana zehntl Sekundn zuaschlogn, wauns a Fuada daglenga mechat. Vule Oatn kennan mid dene Haxn sogoar a Fliagn aus da Luft owefaunga. Wauns auf eana Fuada lauan, san d Faunghaxn aughobm und zsaummglegt. Des schaut a weng a so aus, wia waun de Viecha bedtn dadatn. Vo dem hea kummt aa da Hochdeitsche Naum
Gottesanbeterinnen
.
Is wichtigste Sinnesorgan san eanare großn
Facettenaugn
, de wos weid ausanaund stengan; zweng dem kennan de Viecha
stereoskopisch
seng. Des brauchn s, dass eana Fuada findn und vafoign kenna, und aa, dass eanare Geschlechtspartna dakenna.
Dazua haum vule Oatn aa no a Organ zan Hean zwischn eanare hintan Hiafal. Des Organ kau Laute vo 25 bis 130
kHz
hean. Woascheinli brauchns as, dass dene
Fledameis
ausweichn kenna, wauns fliagn. Is Organ zan Hean is zwischnan 2. und 3. Padl Haxn und is grod amoi 0,2mm brad. D Weiwal kennan net a so guad hean ois wia d Mandln. Maunge Oatn haum zwa vo de Organe unataranaund, de wos vaschiedane Frequenzn woanehma kennan. AUndare Oatn haum goa ka Organ zan Hean.
Da greßte Deu vo de Faungschrecknoatn ? so ois wia z. B. is
Leshahnl
- lauat sein Fuada am Tog auf, des haßt se huckn stundnlaung umanaund, bis das a Fuada vuabeikummt, des wos sofuatn mit de Faunghaxn eizwickt wiad. Es gibt owar aa Oatn in de Hoibwustn und Wustn vom neadlichn Afriga bis noch Indien umma, de wos eanaren Fuada recht schnoo nochrennan. Aussa Insektna und
Spinnarinnan
ghean aa
Skorpione
und klane
Wirweviecha
zan Fuada.
Vo de 2300 Oatn, de wos ma kennt, geht nuar ane, is
Leshahnl
, bis noch Middleiropa eine; in greßtn Deu findt ma in de Tropm und Subtropm. In Eiropa findt ma ummas Middlmeea umadum aa no Oatn aus de Goddungan
Iris
,
Ameles
,
Rivetina
,
Apteromantis
,
Geomantis
,
Perlamantis
und
Empusa
.
Is
Praying Mantis
Kung Fu
- aa
Tang Lang Chuan
ghaßn - ist ana vo de Viechastile vom Kung Fu. Es hod seine Grundlogn vo de Bewegungan, de de Faungschreckn mochn. Noch ana Legendn is des Gaunze vua uma 360 Joa vom Monch Wang Lang aufbrocht wuan.
- I. & R Bischoff, C. Hessler, M. Meyer: Mantiden Faszinierende Lauerjager, Edition Chimaira, 2006
- Reinhard Ehrmann: Mantodea Gottesanbeterinnen der Welt, NTV, 2002