Klaus Werner Johannis (rumanisch: Iohannis , geboan am 13. Juni 1959 z' Hermannstadt ) is a rumanischa Politika. Er gheat zu de Simbiaga Saksn , a deitschschprochign Mindaheit in Simbiagn . Seit 2014 is a da President vo Rumanien .

Da Johannis war friara Schuirat und is anno 2000 Owabuagamoasta vo Hermannstadt worn, obwoi de Saksn do blos mehr a guats Prozent vo de Einwohna ausmachan. Er hot's gschafft, dass Hermannstadt 2007 z'sam mit Luxemburg Kultuahauptstod vo Eiropa worn is. Nochdem a dreimoi wiedagwejt worn is, is a im Juni 2014 Vorsitznda vo da Nationalliberaln Partei (PNL) worn und hot fias Staatspresidentnamt kandidiat. Sei eigntliche Oaganisation, as Demokratische Forum vo de Deitschn in Rumanien (DFDR), is namli koa anerkannte Partei und hatt koan Kandidatn aufstejn derfa.

Beim eastn Wojgang am 2. Novemba 2014 is a no 10 Prozent hintam Ministapresidentn Victor Ponta gleng, awa a Stichwoj is notwendi worn. ^[1] De war am 17. Novemba, und da Johannis hot 54,5 Prozent vo de Stimman kriagt ^[2] , obwoi Teile vo da ortodoxn Kiach gsogt ham, ma soiat doch an guatn Ortodoxn wejn (da Johannis is ois Saks a Protestant) ^[3] . Am 21. Dezemba 2014 is a vaeidigt worn.

Oans vo de Hauptanlign vom Johannis is de Bekampfung vo da Korruption in Rumanien.

Beleg [ Werkeln | Am Gwentext werkeln ]

1. ↑ Stichwahl um Rumaniens Presidentenamt: Ponta oder Iohannis (HTML) Frankfurter Rundschau. Abgerufen am 11. Juli 2015.
2. ↑ Hohe Erwartungen an eine Wende in Rumanien (HTML) Frankfurter Allgemeine. "2014-12-21. Abgerufen am 11. Juli 2015.
3. ↑ Unter Ponta wird sich Rumanien autoritaren Staaten annahern (HTML) Tagesanzeiger. "2014-11-14. Abgerufen am 11. Juli 2015.