A Internet Protocol Adress oda kuaz IP-Adress is a oadeitige numerische Zuaoadnung fia Gerate in an Computer-Netzweak, des wo s Internet Protocol fia de Kommunikation nutzt. ^[1] A IP-Adress ko an oanzlnan Empfanga, oba aa ana Gruppm vo Empfangan (Broadcast, Multicast) zuagoadnet sein. Umgekeat kennan an Computer aa mearane IP-Adressn zuawiesn sei.

A IP-Adress hod voa oim zwoa Funktiona: Easchtns de Identifikation vo am Host bzw. Netzweakinterface und zwoatns de Lokalisiarung vo da Adress. Vaoafocht ko ma si des so voastejn: A Host zoagt wos ma suacht. A Adress zoagt wo s is. A Route zoagt wia ma do hinkimmt. ^[2]

De bekonntaste Notation vo de heit glaifign IPv4-Adressn bsteht aus via Zoin, de Weate vo 0 bis 255 onehma kena und mit am Punkt trennt wean, beispuisweis 192.0.2.42 . Technisch gsegn is de Adress a 32-stejige (IPv4) oder 128-stejige (IPv6) Bineazoi.

Grundlogn [ Werkeln | Am Gwentext werkeln ]

Wen zwoa technische Gerad midnanda kommunizian woin, nacha muaß a Jeds in da Log sei, am andan Gerad Datn z sendn. Damid de Datn be da richtign Gengstejj ookemma, muaß mas oateite benenna oda adressian. In IP-Netz macht ma des mid na IP-Adress.

So sprichd da Webbrausa an Webserver direkt iwa sei IP-Adress o. Da Brausa fragt dazua fua an Domainnam. z. B. "www.example.com". de IP-Adress bei am Namseava (Nameserver) o, und sprichd nacha den Webserver direkt unta seina IP-Adress "208.77.188.166" o.

Geratekonfiguration [ Werkeln | Am Gwentext werkeln ]

Manuelle Konfiguration [ Werkeln | Am Gwentext werkeln ]

Fia Administratorn gibts Programme, um de IP-Adress ozumzoagn und z konfigurian. In Unix Betriebsystemen (und Variantn davo) wead dafia s Kommando ifconfig , fur Linux steht ip vawendt, DOS oda Windows vawendn, je noch Version, ipconfig oda winipcfg .

Beispui

Da Netzschnittstej eth0 wead de IPv4-Adress 192.168.0.254 in am /27-Subnetz zuagwiesn.

• Unix (FreeBSD, Mac OS X): ifconfig eth0 192.168.0.254/27
• Linux : ip addr add 192.168.0.254/27 brd + dev eth0
• Linux (alt): ifconfig eth0 192.168.0.254 netmask 255.255.255.224 broadcast 192.168.0.255

De Ogob vo de Tei ?broadcast 192.168.0.255“ bzw. ?brd +“ san optional. (?brd +“ steht do fia de automatische Berechnung vo da Broadcast-Adress, es ko aa a spezifische Adress ogem wean. ifconfig berechnet die Broadcast-Adress in neian Versiona automatisch, z. B. ab FreeBSD 4.x.).

Automatische Konfiguration [ Werkeln | Am Gwentext werkeln ]

Iba Protokolle wia z. B. BOOTP, DHCP oda NDP kena IP-Adressn beim Hochfoan vom Rechna duach an Server automatisch zuagwiesn wean.

Vortei is dobei de zentrale Vawoitung vo de Adressn. Bei an Netzzuagriff miassen koane weidan Einstellunga voagnumma wean.

Beleg [ Werkeln | Am Gwentext werkeln ]

1. ↑ RFC 760 , DOD Standard Internet Protocol (january 1980)
2. ↑ RFC 791 , Internet Protocol - DARPA Internet Program Protocol Specification (September 1981)

Im Netz [ Werkeln | Am Gwentext werkeln ]

• IANA ? Internet Assigned Numbers Authority
• IANA ? Ipv4-address-space
• RFC 3330 Special-Use IP Addresses (englisch)
• RIPE ? Reseaux IP Europeens
• Netzinterface zua Berechnung vo Netzmaskn, Netzgrenzn usw.