Alois (Louis) Grois (* 1809 in Szarvar, Konigreich Ungarn ; † 8. April 1874 in Wean , Osterreich-Ungarn ) woa'r a ostarreichischa Opansanga (Bass), Theataschauspula und Komika.

Leben [ Werkeln | Am Gwentext werkeln ]

Eigentli hat da Alois Grois a Ausbudung ois Lehra g'macht und is sogoa ab 1826 Schuig'huf' in Maria Lanzendorf g'wes'n, da wo ea aa im Kirch'nchor mitg'wiakt hat. Wia eahm owa duat'n da Direkta Louis Duport von da k. k. Hofoper in Wean amoi zuag'huacht hat, is da Grois glei augaschiat g'wes'n. Vuasichtshoiwa und g'scheitaweis' hat ea a guade Sanga-Ausbudung g'macht, de fia eahm recht nutzli und aa eafoigreich woa. Im Joahr 1828 is an Augaschmau ois easchta Bassist nach Lemberg kumma, und ois Sarastro in dera Zauberflote vom Wolfgang Amadeus Mozart woa duat'n sei Easchtauftritt. Seine nachst'n Karrier'schriatt woa'n in Ofen , in Hermannstadt und in Graz . In Graz is ma owa auf sei komisch's Talent draufkumma und von da au wo'r a nimma Opansanga, sundan a g'fragta Schauspula fua komische Roi'n. 1836 hat eahm daunn da Direkta Carl Carl aun's Carltheater nach Wean g'hoit. Sei easchte Roi'n woa da Fortunatus Wurzel im Der Bauer als Millionar vom Ferdinand Raimund . Ois Komika san etliche eafoigreiche Gastg'spul in Berlin , in Dresden , in Hamburg und in Frankfurt am Main g'foigt.

Z'saumm mit'n Carl Carl, in Johann Nestroy und in Wenzel Scholz woa da Alois Grois boid des legendare Komikaquartett aum Carltheater, wo daunn aa no da Andreas Scutta dazua kumma is. Wia da Carl aum 1. August 1854 g'stua'm is, woa da Karl Treumann da neuche viate in da Partie.

Grois in Nestroy-Stuckln [ Werkeln | Am Gwentext werkeln ]

• 1836: Der Treulose , in Fritz Grun
• 1837: Das Haus der Temperamente , in Herrn von Fad
• 1838: Gluck, Mißbrauch und Ruckkehr , in Hausmasta
• 1838: Gegen Torheit gibt es kein Mittel , in Schnapp
• 1839: Die verhangnisvolle Faschingsnacht , in Jakob
• 1840: Der Talisman , in Goat'nknecht Plutzerkern
• 1840: Der Erbschleicher , in Fuahmaunn Radschuh
• 1840: Der Farber und sein Zwillingsbruder , in Sergeant'n Schlag
• 1841: Das Madl aus der Vorstadt , in Pfaidler ^[1] Knopfel
• 1841: Prinz Friedrich von Corsica , bei ana Benefiz fua eahm sowa (wochane Roi'n is ned uwaliefat)
• 1842: Einen Jux will er sich machen , in Zangler
• 1842: Die Papiere des Teufels , in Greißla Schrollmann
• 1842: Die Ereignisse im Gasthofe , in Fuahmaunn Radschuh und in Impresario Quiriquaggio
• 1843: Das Quodlibet verschiedener Jahrhunderte , in Komika Puff, in Kaisa Altoum, in Stadtmusikus Muller und in Seutanza Mortaletto
• 1843: Liebesgeschichten und Heurathssachen , in Marchese Vincelli
• 1843: Nur Ruhe! , in Herrn von Hornissl
• 1843: Eisenbahnheirathen , in Backameista Zopak (aum Theatazedl is Procpak g'staund'n)
• 1844: Der Zerrissene , in Pachta Krautkopf
• 1845: Der bose Geist Lumpacivagabundus , in ana Kuazfassung beim Direkta Carl seina letzt'n Vuastollung im Theater an der Wien
• 1845: Unverhofft , in Modewoa'nhandla Falk
• 1845: Das Gewurzkramerkleeblatt , in Schwefel
• 1845: Die beiden Herren Sohne , in Wirt'n Pumpfinger
• 1846: Der Unbedeutende , in Thomas Pflockl
• 1846: Zwey ewige Juden und Keiner , in Mulleonaa Wandling
• 1847: Der Schutzling , in Baron Waldbrand
• 1847: Sieben Madchen in Uniform , in Briquet
• 1848: Martha oder Die Mischmonder Markt-Magde-Miethung , in Chevalier Wuklfort
• 1848: Die lieben Anverwandten , in Stachlbaum
• 1849: Die schlimmen Buben in der Schule , in Magista Wampl (de Roi'n hat a vom Wenzel Scholz uwanumma)
• 1849: Judith und Holofernes , in blind'n Daniel
• 1849: Hollenangst , in Portier Paul
• 1849: Lady und Schneider , in Sekretaa Fuchs
• 1850: Sie sollen ihn nicht haben , in G'wolbdiena ^[2] Wurler
• 1850: Verwickelte Geschichte! , in Brauhaus-Besitza Kessel
• 1851: Der gutmuthige Teufel , in Bauern
• 1851: Mein Freund , in Maura Hochinger
• 1852: Kampl , in Bernhard Brunner
• 1853: Heimliches Geld, heimliche Liebe , in Oidg'soi'n und Werckfuhrer Pemperer
• 1854: Nagerl und Handschuh , in Semmelschmarn (in ana neich'n Inszeniarung im Carltheater)
• 1854: Theaterg’schichten , in Sebastian Stoßl
• 1857: Tannhauser , in Wolfram Dreschenbach
• 1857: Umsonst! , in Finster
• 1859: Lohengrin , in Mark- und Gaugraf'n
• 1862: Fruhere Verhaltnisse , in Herrn Scheitermann
• 1862: Hauptling Abendwind oder Das grauliche Festmahl , in Biberhahn

Literatua [ Werkeln | Am Gwentext werkeln ]

• Ludwig Eisenberg: Großes biographisches Lexikon der Deutschen Buhne im XIX. Jahrhundert . Verlag von Paul List, Leipzig 1903, S. 356, ( Digitalisat ).
• Constant von Wurzbach: Alois Grois , in: Biographisches Lexikon des Kaiserthums Oesterreich, 5. Band, Wien 1859, S. 364 f.

Im Netz [ Werkeln | Am Gwentext werkeln ]

• Eindrog iwa Alois (Louis) Grois in: Austria-Forum , dem ostareichischen Wissnsnetz ? online  (auf AEIOU)

Beleg [ Werkeln | Am Gwentext werkeln ]

1. ↑ Pfaidler = weanerisch fua'r an klanan Wasch'handla
2. ↑ G'wolb = a (klana) Vakaufslad'n im Souterrain