Masha and the Bear animation logo
Togog Masha and the Bear
Masha and the Bear
inggih punika silih tunggil serial animasi saking
Rusia
sane kamedalang olih
Animaccord Studios
. Serial animasi puniki nyaritayang indik anak alit isteri sane mawasta Masha miwah buron marupa beruang, Masha sareng Beruang punika salanturnyane masawitra. Beruang seneng maplalianan sareng Masha, wiadin Masha puniki madue sifat usil. tokoh-tokoh sane wenten ring serial puniki, inggih punika:
- Masha inggih punika karakter pinih utama ring serial puniki. Sane ngisinin suara ring karakter puniki mawasta Elsie Fisher, Alina Kukushkina, Rebecca Bloom, salanturnyane Angelica Keamy, Kaitlyn McCormick, miwah Varvara Sarantseva. Masha ketahnyane nganggen kain marupa krudung mawarna barak, madue poni, bola matanyane mawarna gadang, miwah seneng sareng lolipop.
- Misha inggih punika beruang satmaka pemain sirkus sane hebat,tur meneng ring silih tunggil alas sane kakaryanin olih dewekne. Misha prasida mlalianang gitar, trombon, miwah piano, miwah prasida menekin sepeda miwah montor ski.
Serial punika kaadegang olih Andrei Dobruniv, Oleg Kuzockov, miwah Dmitry Loveiko. Serial punika pinih kapertama katayangan ring Rossiya tanggal 7 Januari warsa 2009. Serial punika taler kaalihsuarayang ka Basa Indonesia kadadosang Masha and the Bear saking tanggal 1 April warsa 2013.
