Suratan puniki nenten madue pranala ka suratan Wikipedia liyanan. Ngiring tulung uahin suratan puniki miwah dagingin pranala sane manut topik suratanne mawit ring kruna sane sampun wenten. (Desember 2020)

Suratan puniki Wikipedia:Ubuh , suksmanipun nenten wenten suratan liyanan sane madue pranala balik ring suratan puniki . Ngiring dagingin pranala ka suratan puniki saking suratan sane gelah hubungan utawi coba piranti pangrereh pranala .

Kanda Pat Rare
Wikipustaka
Aran liyanan	kanda?pat·?rar?
Soroh	Wariga
Kawedar kapertama ring	Wanagiri
Basa(-basa)	Basa Kawi
Lakaran	Lontar
Ukuran	18,5, 29,8, 22,3, 30, 37,8, 40,3, 42,8, 48,5 miwah 40 cm x 2,8, 2,9, 3,5, 3, 3,4 miwah 3,3 cm
Aksara	Aksara Bali
Ngranjing Koleksi ring	Wanagiri , Sawan miwah Kemenuh
Klasifikasi Gedong Kirtya	Wariga

Kanda Pat Rare inggih punika pesengan para semeton sane satata nyarengin sang maraga rare turmaning maparagayan sakala miwah niskala. Semeton inucap pacang ngraksa sang maraga rare saking kantun ring cecupu manik kantos ipun muputang swadharmannyane ngmargiang kahuripan ring marcapada. Sane kasengguh kanda pat rare wantah patpat kawentenannyane inggih punika; yeh nyom , rah , lamas , miwah ari-ari . Makapatpat semeton inucap ring kahanan sakala wantah nyarengin sang maraga rare ri kala embas.

Yening kaselehin saking kahanan niskala, Kanda Pat Rare inucap taler madue pesengan sane matios-tiosan manut ring yusan sang maraga rare. Rikala sang rare kantun ring cecupu manik, pesengan semetonnyane inggih punika Babu Lembana, Babu Abra, Babu Ugian/Sugian, miwah Babu Kakere. Risampunne sang Ibu mobot sia bulan turmaning sang maraga rare sampun medal, raris makapatpat semeton inucap magentos pesengan manados Sang Anta (ari-ari), Sang Preta (lamas), Sang Kala (rah), miwah Sang Dengen (yeh nyom). Salanturnyane, ri kala sampun mayusa awarsa, makapatpat semeton sane nyarengin inucap pacang ninggalin sang maraga rare turmaning malih magentos pesengan manados I Salahir/I Jelair (ari-ari), I Mokair (lamas), I Mekair (rah), miwah I Salabir (yeh nyom). Inggihan pamargin Sang Kanda Pat Rare inucap inggih punika I Salabir lunga nganginang, I Mekair lunga ngelodang, I Salahir/I Jelair lunga ngauhang, miwah I Mokair lunga ngalerang. Pamekasnyane, ritepengan makapatpat semeton sang maraga rare inucap sampun rauh ring genah sane katuju, raris malih magentos pesengan manados I Bhuta Anggapati (yeh nyom), I Bhuta Mrajapati (rah), I Bhuta Banaspati (ari-ari), miwah I Bhuta banaspati Raja (lamas).

Yadiastun sampun ninggalin sang sane maraga rare, makapatpat semeton sane kasengguh Kanda Pat Rare punika kantun ngraksa sang maraga rare sairing nincapang kahuripan turmaning pacang nodya ri kala kamargiang upakara sakadi dedinan , otonan , menek kelih , pawiwahan , miwah sahananing upakara manusa yadnya satmaka dados swadharmaning sang maraga semeton. ^[1]

Cingak taler [ uah | uah wit ]

• Kanda Pat
• Kanda Pat Sari
• Kanda Pat Dewa
• Kanda Pat Manusa
• Kanda Pat Bhuta

Pustaka [ uah | uah wit ]

Pranala jaba [ uah | uah wit ]

• Kanda Pat Rare ring YouTube