Ed Sheeran
utawi
Edward Christopher Sheeran
(embas ring Halifax, West Yorkshire,
17 Pebruari
1991
;yusa 33) inggih punika silih tunggil pagending, pangripta gending, produser, miwah aktor sane
berkebangsaan
Inggris
. Ida embas ring Halifax, West Yorkshire, tur kelihnyane meneng ring Framlingham, Suffolk. Ida ngranjing ring
Academy of Contemporary Music
ring Guildford tur dados sarjana ri tatkala mayusa plekutus tiban ring warsa 2009. Ring warsa 2011, ida nyobyahang extended play sane mamurda No. 5 Collaboration Project. Salanturnyane ida ngamedalang album debutnyane sane mamurda + (plus) ring bulan September warsa 2011. Album punika manados album sane pinih utami ring
Britania Agung
miwah
Australia
, dados nomer lima ring
AS
. Album punika ngamedalang single "The A Team", punika mawinan ida ngamolihang Ivor Novello Award manados Best Song Mussically and Lyrically. Ring warsa 2012, Sheeran dados jayanti ring Brit Award pinaka Best British Male Solo Artist miwah British Breakthrough Act.
Album studionyane sane kaping kalih inggih punika x (
multiply
), kasobyahang ring bulan Juni 2014. Album punika manados sane nomer pertama ring Britania Raya miwah AS. Ring warsa 2015, ida manados jayanti ring Brit Award dados Album of the Year, tur ngamolihang Ivor Novello Award dados Songwritter of the Year saking British Academy of Songwritters, Composers and Authors. Single saking album punika mamurda "Thinking Put Loud" ngamolihang kalih jayanti ring Grammy Award ring warsa 2016 antuk kategori Song of the Year miwah Best Pop Solo Perfomance. Ring bulan Mei album punika manados album sane pinih akeh kaadol ring sajebag jagate duk warsa 2015.
Album sane kaping tiga inggih punika: Mamurda (
Divide
), kasobyahang ring bulan Maret 2017. Album punika dados nomer pertama ring Britania Raya, AS, miwah negara sane lianan. Gending sane wenten ring album punika, minakadi "
Shape of You
" miwah "
Castle on the Hill
", sane kasobyahang ring bulan Januari 2017. Kakalih single puniki kasub ring makasami krama jagate. Ring bulan April 2018, album punika kadadosang pinaka album sane pinih lais ring sajebag jagate duk warsa 2017.
[1]
- ↑
Ed Sheeran: Biography
, Albums All Music