Luis Vaz de Camoes
ape koe
Lisboa
bak 1525 koblir. Tir nazbeik ke Simao Vaz de Camoes, oluazanisik koe Gazaxe pasus va yasa xantafa gu Galicia, is Ana de Sa Macedo kou Santarem. Icde inafa jotuca abiccoba zo gruper. Yoke inafa pulukafa araya, in zo seriur da koe Coimbra kotla al ape vayar. Bak 1547 ko
Magriba
wetce sayakik mallapir. Batlize va roneita drasur. Kaiki dimlapira ko Lisboa, sakion blir. Bak 1552, larde va Gazaxeoluazanisik al bakayar, zo koflintar. Divflintayan ba 13/05/1553 arti sanka ta Roneka totarundanyar.
Wali 1556 is 1560, koe Macau soker aze va Moluka tursia worar aze koe Kwantung jonvieler. Kene Kamputcea bopelawer, aze, artlapison va Goa tapedon landume zo koflintar, aze arti tolda ok barda zo tunuyar. Mali 1564, va dendara ke dom Antao de Noronha warzaf ikagazik impavantar. Bak 1567 va dimkoyara van Lisboa bokar. Radimi abrotcifa soktara koe
Mozambika
, ba 07/04/1570, ko Lisboa erbiskapon artlapir. Remi koyara va
Os Lusiadas
intaf vartaf kind al suter aze bak 1572 koe Lisboa vaon rubiar. Pu Sebastiao jotaf gazik va bat tarizar acum ganon zo turwimir inde kali awalkera moron di blir. Inaf suteroteem loon dam bat kind tir. Camoes va yona wenyaxa isu ezla dere al warzer, va grabom askis da tir ezlopikany ke intafe sare.
Ba notrara va intafo vo gan Espana awalker. Nekev intaf abdumimaks va Parnassos, Camoes va mekara ropiskutuna ezla iskeyer.
|
Luis Vaz de Camoes
|
|
Blira
|
1525-1580
|
Ava
|
Portugalava
|
Suterind
|
Ezlopa
|
|
Suterot
- Os Lusiadas
(1572)
- Cancoes
- Eclogas
- Elegias
- Epigramas
- Odes
- Oitavas
- Redondilhas
- Sextinas
- Redondilhas
|
|
|