Bresol (Vulpes lagopus)
tir tana moukolafa katca ke
Vulpes
oxi vey
Canidae
yasa ke
CARNIVORA
veem (
CANIFORMIA
volveyveem ). Gan
Linnaeus
bak 1758 taneon zo pimtayar.
Im ke bat
arktikaf
bresitoldunol
sotir vapaf is ton uka amidafa kare cadim : fentugalon batakafa vox udulugalon lukoptaberetrafa.
Bresol
koe ruga soblir lize va luva koe mandi ok arestaxo gisuxar. Somefentugalur volse va sinka dun aneyar. Inafa abdualbana wivga tid
tovukol
videten koe luva. Va sulemaf xim dere malestur, suzdason va
naelaf rupol
tcabanes, az estuson va inaf wivgaf xim.
Bak bareaksat giwalikrar ugale aultove dem tovukoloc va sinka stapesa va titisa gadikya ravaldar.
KAS GRUPEL ?
Fentugalon, bresol va batakaf myot dojes va opra sodir. Miledje koe krimtaxo ik xo dem jontik luctum, lan bresol va aftaf beretralukoptaf im dem faltamafa tcaza did.
Bresol koe luva koe birtaf lupaxatum giblir lize oceem zo preyutar.
|
Bresol (
Vulpes lagopus
) ekwe naelaf bresitol tir lumamaf govitol ise valente Eurasia is
Lentefa Amerika
blir ise kare cadim irubaxoarur : va idulugal koe ruga is arktikafa ewala tiskir ; voxe kabdi fentugal, va aala ok aalafa ruga vanlanir. Koe
Sibira
, bresol va lo 125 sulemafa katca is 25 ruxafa katca malestur ! Sebadadunolam ton dalon tovukol va 99 % ke kotafa sinka dile kaatoed. Voxen bak cadimany va ato is zverioc ok milgafi zveri almotcesi num volrode-talasi jontiktode loplekur. Va lospa dem tcubay ok lakro ok lofta belon nobar.
Nitca
va fentugalafa wivga moekote tadled. Idulugalon, kabay is beza is lonadunol is tulwadunol toleodon yordad, vaxede
sebadadunol
turiawed. Bresol va awalkoda ke
bedakol
awalkeyes nope ciondawera bak fentugal dere impavantar voxise tukatcatorawer larde va ikseyen milkatcik malestur. Va vebdi is voja dere me ikudar. Tir blottoraf : va kotcoba rotestur. Bresol rodegetineper, ise trasitison va blot, va solumapa exuler. Edje aelakola gazar, pune va lamara en bokar, ont van
taiga
aala geon, ont van oprukxo lenton.
Tawaz tis luva ke bresol tir dem remak vakrile mandi ok krant ok moe arestafa temba ke uzda ok kene bixefo juro ke ruga. Bata brava bak konaka tanda jontikviele zo kereler ise dun zo senur ( dace dile remi konaka sanda ) nume vas 2 ik 80 bexoda is lupaxa abrotcafa vas 8 ik 9 m- tere ruldar. Toloya yasa va bata gelawa dile milugalon kereled, i va gelawa welmoton ice 100 ik 200 m² ok loon. Koe lanyono xo dum ewala, tawaz moe tawovanok mantaf vas 1 ik 2 km- kene bira vegungon tigid.
Sedme
Mammal Species of the World
(siatos ke 2005), bata katca vas 4 apta ruldar :
- (en) vuest- : Mammal Species of the World (v- 3, 2005) :
Vulpes lagopus
(
Linnaeus
, 1758)
- (en) vuest- : CITES :
Vulpes lagopus
- (en) vuest- : UICN : katca
Vulpes lagopus
(
Linnaeus
, 1758)
- (en, fr) vuest- : ITIS :
Vulpes lagopus
(
Linnaeus
, 1758)
- (en) vuest- : Tree of Life Web Project :
Vulpes lagopus
- (en) vuest- : Catalogue of Life :
Vulpes lagopus
(
Linnaeus
, 1758)
- (en) vuest- : Paleobiology Database :
Vulpes lagopus
(
Linnaeus
, 1758)
- (en) vuest- : Animal Diversity Web :
Vulpes lagopus
- (en) vuest- : NCBI :
Vulpes lagopus