Festival Internacional de Cine de Berlin

Festival Internacional de Cine de Berlin
	festival de cine (es) y acontecimientu anal
Direicion	Alemana
Historia
Fundacion	6 xunu 1951
	Web oficial

El Festival Internacional de Cine de Berlin (ingles: Berlin International Film Festival , aleman: Internationale Filmfestspiele Berlin ), tamien nomau Berlinale , ye un de los festivales de cine mas perimportantes del mundu. Tien llugar na ciuda de Berlin (Alemana) dende 1951, celebrandose nel mes de febreru dende 1978.

Anguano, en cauna de les ediciones del festival vendense mas de 300.000 entraes y entren a los cines unes 475.000 persones, siendo 3.700 el numberu de periodistes (de mas de 80 paises) y 16.000 el de profesionales (de mas de 120 paises) que s'acrediten. Amas, son mas de 1.000 les proyeiciones anales de les mas de 400 pelicules que participen nes distintes seiciones. Pa too ello, el festival cunta con un presupuestu de 19,5 millones d'euros.

El direutor de la Berlinale ye, dende mayu de 2001, Dieter Kosslick. Na seicion competitiva del festival, al rodiu de venticinco pelicules lluchen por algamar el premiu principal: l'Osu d'Oru a la Meyor Pelicula. Repartense tamien dellos premios secundarios nesta seicion, nomaos Osos de Plata.

El 64? Festival Internacional de Cine de Berlin ta programau pa celebrase del 6 al 16 de febreru de 2014.

Seiciones [ editar | editar la fonte ]

El festival ta compuestu por nueve seiciones, escoyendo el direutor o la direutora de cauna les pelicules que nella participen. Nesta xera participa tamien un comite d'espertos qu'ayuda na seleicion.

Competicion ( Wettbewerb ): ye'l corazon del festival dende'l so entamu en 1951. Cada anu acueye los estrenos internacionales y mundiales de unes venticinco pelicules que participen nella. La seleicion final de les pelicules cuerre a cuenta del direutor de la Berlinale.

Curtios Berlinale ( Berlinale Shorts ): la Berlinale entrega premios especificos pa curtiumetraxes dende 1955 pero ye solo dende 2003 que'l festival cunta con un xurau internacional esclusivu pa esti tipo de trabayos. La seicion naz en 2007 dempues de la xuntura de los programes de curtiumetraxes de les seiciones Competicion y Panorama . Cola creacion d'esta nueva seicion dixebrada, el festival quier destacar la importancia de los curtios na industria del cine.

Panorama : anque naz en 1986, el so orixe ye'l programa Info-Schau de los anos 70. En 1980 encargase-y a Manfred Salzgeber da-y forma al conteniu y en 1982 Salzgeber xunio al so equipu a Wieland Speck (que diba pasar a ser el cabezaleru de la seicion en 1992), col que desarrollo un programa dirixiu a lluches sociales ensin evitar pelicules incomodes. La seicion fai de puente ente la vision artistica y los intereses comerciales, pudiendo topase nella pelicules nueves de direutores renomaos, operes primes y nuevos descubrimientos. Tradicionalmente, esta seicion acueye cine d'autor (esto ye, pelicules con una firma individual). Toles pelicules de Panorama estrenense a nivel europeu o mundial na Berlinale.
- Panorama : unes 18 pelicules dirixies al publicu de cine d'autor en xeneral.
- Panorama Dokumente : al rodiu de 16 documentales sobre temes sociales actuales, reportaxes en fondura, documentales musicales o retratos d'artistes.
- Panorama Special : otres 14 producciones independientes y pelicules de les grandes productores de los Estaos Xunios d'America.

Forum : l'orixe de la seicion ye'l International Forum of New Cinema que se fundara nos caberos anos de la decada de los anos sesenta. Nesa epoca de fondu debate politicu publicu, Ulrich y Erika Gregor (que dirixeron la seicion hasta qu'en 2001 -y dieron el relevu a Christoph Terhechte) xunto al Freunde der Deutschen Kinemathek e.V. querien facer del cine un sitiu d'intercambiu cultural como contrapesu a la Berlinale. Dende 1970, el Forum ye un elementu permanente del programa del festival que lu ayuda a ser mas diversu. Esta ye la seicion mas atrevida de la Berlinale y tien poques llendes formales no tocante a la seleicion de les pelicules: cine esperimental, de vanguardia, ensayos, reportaxes politicos,... En 2006 entamo'l Forum Expanded , que da una perspeutiva critica y un sentiu mas ampliu de la cinematografia.

Xeneracion ( Generation ): dende 1978 el programa d'esta seicion incluye cine pa nenes y nenos y xente mozo asina como pelicules pa tolos publicos que son tamien afayadizos pa xente xoven. Cada anu asisten a les sesiones d'esta seicion mas de 60.000 visitantes. La seicion ta formada por dos competiciones: Generation Kplus y Generation 14plus .

Perspeutiva de cine aleman ( Perspektive Deutsches Kino ): ye un escaparate pa les tendencies tematiques y artistiques de la siguiente xeneracion de cineastes alemanes. Esta seicion abelluga a los talentos na direicion que tan faciendose un nome propiu na escena alemana. Escueyense al rodiu de 12 pelicules del anu anterior, tanto pelicules documentales como de ficcion, con una duracion de polo menos 20 minutos.

Berlinale Especial ( Berlinale Special ): nesta seicion, el festival ensena producciones nueves y estraordinaries y honra a grandes personalidaes del mundu del cine proyeutando les sos pelicules. Tamien puen programase nesta seicion pelicules que merecen una atencion especial.

Retrospeutiva ( Retrospektive ): seicion dedicada a la historia del cine que programase dende 1977. La retrospeutiva siempre ta dedicada a a un direutor importante o a un tema historicu. Normalmente proyeutense verisones restauraes de les pelicules o copies nueves. Dende 2013 la seicion incluye Clasicos de la Berlinale ( Berlinale Classics ) y presentense restauraciones o reconstrucciones independientes del tema de la Retrospeutiva . En 2014, el tema de la seicion ye La estetica de la solombra. Estilos d'illuminacion. 1915-1950 y va a facese l'estrenu mundial de la version restaurada dixitalmente de la pelicula Das Cabinet des Dr. Caligari (Robert Wiene, 1920).

Homenaxe ( Hommage ): proyeucion de los trabayos mas importantes de la personalida a la que se-y entrega'l Osu d'Oru Honorificu, premiu a los llogros de toa una vida.

Analmente presentense amas un programa de presentaciones especiales qu'abren neuves perspeutives y echen-y un gueyu a temes claves, faen neuves conexones y expolern campos onde'l cine cruzase con otres disciplines creatives. En 2014, estes presentaciones van ser: Cine Culinariu ( Kulinarisches Kino ), La Berlinale va al barriu ( Berlinale goes Kiez ) y Nativu, un viaxe al cine indixena ( Native - a journey into indigenous cinema ).

Xuraos y premios [ editar | editar la fonte ]

Xurau Internacional: polo menos por siete personalidaes alemanes y estranxeres nomaes pol direutor del festival, que pue participar nes deliberaciones del xurau pero nun tien votu. Los premios qu'entrega esti xurau, son los que vienen darreu (nengun premiu pue quedar ermu, na mas un premiu pue concedese ex aequo y nun pue dase mas de un premiu a cada pelicula, esceuto los premios interpretativos):
- Osu d'Oru a la Meyor Pelicula, qu'entregase al productor de la pelicula.
- Osu de Plata - Gran Premiu del Xurau.
- Osu de Plata - Premiu Alfred Bauer, en memoria del fundador del festival pa una pelicula qu'abra nueves perspeutives.
- Osu de Plata al Meyor Direutor.
- Osu de Plata a la Meyor Actriz.
- Osu de Plata al Meyor Actor.
- Osu de Plata al Meyor Guion.
- Osu de Plata a un Llogru Artisticu Estraordinariu nes categories de camara, montaxe, banda sonora, vestuariu o direicion d'arte.

Xurau Internacional de Curtios: compuestu por tres personalidaes alemanes ya internacionales. El direutor del festival pue participar nes deliberaciones del xurau pero nun tien votu. Los premios concedios por esti xurau son:
- Osu d'Oru al Meyor Curtiumetraxe.
- Osu de Plata - Premiu del Xurau.
- Premiu al Curtiu DAAD.
- Curtiu candidatu de Berlin pa los Premios del Cine Europeu.

Xuraos de la seicion Xeneracion : cauna de les competiciones d'esta seicion tien dos xuraos. Un xurau mozu, compuestu por once nenes y nenos d'ente 11 y 14 anos nel casu de Xeneracion Kplus y por siete nenes y nenos d'ente 14 y 18 anos nel casu de Xeneracion 14plus , y un xurau internacional compuestu por tres profesionales pa cauna de les competiciones. Los premios daos en cada competicion son:
- Osu de Cristal a la Meyor Pelicula.
- Osu de Cristal al Meyor Curtiumetraxe.
- Gran Premiu del Xurau Internacional.
- Premiu Especial del Xurau Internacional.
- Menciones Especiales (del xurau mozu o del xurau internacional).

Premiu GWFF a la Meyor Opera Prima: concediu dende 2006, el xurau del premiu ta compuestu por tres persones y dotau con 50.000€ que repartense ente'l productor y el direutor de la pelicula ganadora. Amas, al direutor entregase-y un visor de alta calida, que sirve al tiempu como instrumentu util y como trofeu. Opten al premiu les operes primes de les seiciones Competicion , Panorama , Forum , Xeneracion y Perspeutiva de cine aleman .

Osu d'Oru Honorificu: col que la Berlinale paga-y tributu a figures relevantes del mundu del cine con una carrera artistica esceicional. El premiu dase-y al convidau d'honor de la seicion Homenaxe .

Xuraos independientes (nos que nengun de los sos miembros ye escoyiu pola Berlinale).
- Premios del Xurau Ecumenicu: dende 1992, esti xurau representa a les organizaciones INTERFILM y SIGNIS (de la ilesia protestante y catolica, respeutivamente). Ta formau por seis miembros y premia a una pelicula de la seicion Competicion y otros dos premios (de 2.500 € caun) a una pelicula de la seicion Panorama y otra de la seicion Forum . Los premios danse a direutores que triunfen al retratar aiciones o esperiencies humanes en rellacion colos evanxelios o que sensibilicen nos valores espirituales, humanos o sociales.
- Premiu del Gremiu de Cines d'Arte y Ensayu d'Alemana: el xurau ta compuestu por tres miembros del gremiu y premia una pelicula de la seicion Competicion .
- Premiu Panorama del Publicu.
- Premios del Xurau FIPRESCI: la Federacion Internacional de Prensa Cinematografica premia la meyor pelicula de cauna de les seiciones Competicion , Panorama y Forum .
- Premiu C. I. C. A. E.: la Confederacion Internacional de Cines d'Arte y Ensayu forma un xurau pa la seicion Panorama y otru pa la seicion Forum . Caun d'estos xuraos premia una pelicula de la so seicion.
- Etiqueta Cine Europa: llanzau per primer vegada en 2003 nel Festival de Cannes, el premiu crease pa ayudar a les pelicules europees a meyorar la so distribucion. El xurau ta formau por cinco miembros y dende 2005 premia una pelicula de la seicion Panorama .
- Premios Teddy: son los premios al cine LGTB mas destacaos del mundu, compiten les pelicules de toles seiciones de la Berlinale y danse a les categories Meyor Pelicula, Meyor Pelicula Documental y Meyor Curtiumetraxe.
- Premiu Amnistia Internacional.
- Premiu Heiner Carow, col sofitu de la Fundacion DEFA.

Referencies [ editar | editar la fonte ]

Enllaces esternos [ editar | editar la fonte ]