Batman

Batman
	Personaxe de Detective Comics (es)
Universu	Universu DC
Creador/a/es	Bob Kane y Bill Finger
Informacion
Sexu	masculin
Nacimientu	Gotham City (es) ,
Ocupacion	empresariu , detective , vixilante , direutor executivu , superheroe , filantropu y artista marcial
Padres	Thomas Wayne (es) Martha Wayne (personaje) (es)
Fios	Dick Grayson (es) , Jason Todd (es) , Cassandra Cain (personaje) (es) , Tim Drake (es) , Damian Wayne (es) y Helena Wayne (es)
Residencia	Gotham City (es)
Nacionalida	Estaos Xunios
	[ editar datos en Wikidata ]

Batman ( Home-Esperteyu n'asturianu) ye un superheroe creau polos estaoxunidenses Bob Kane y Bill Finger pa la editorial DC Comics , masque la reconocencia del llabor de Bill Finger nun se dio hasta dempues de que morriera (magar que foron de so idees como'l traxe del heroe, el Batmobile, el comisariu Gordon , el villanu Joker o'l collaciu Robin ). Apaecio por primer vez nel numberu 27 de la revista Detective Comics , datau en mayu de 1939 , y ta influyiu polos heroes El Zorro y Phantom , asina como los disenos de Leonardo Da Vinci pa los preseos qu'usa. Al aviesu qu'otros superheroes , Batman nun tien superpoder dalu, pero ye espertu n'artes marciales, cientificu y el meyor detective del mundu, amas de poseyer artiluxos teunoloxicos a esgaya. Na llucha escontra'l crime ayudenlu dellos aliaos, ente los que destaquen varios Robin socesivos (qu'al medrar tornense superheroes independientes con una identida propia), Batgirl o'l so mayordomu Alfred Pennyworth . D'enemigos principales tien al Joker, sicopata con aspeutu de payasu, y Catwoman , lladrona cola qu'amas tien un amoriu. La identida secreta de Batman ye Bruce Wayne, un empresariu multimillonariu y filantropu de Gotham City . En siendo testigu del asesinatu de so pa y so ma cuando yera nenu, xura vengase y combatir la delincuencia, pa lo que se somete a un severu entrenamientu fisicu y mental. Garra'l disenu d'un esperteyu pa la vistimienta, les armes y los vehiculos, y d'ehi'l nome.

Historia ficticia [ editar | editar la fonte ]

A lo llargu de los anos camudaron delles vegaes la continuida del Universu DC , y con ella la hestoria del personaxe.

El Batman de la Eda Dorada ( Tierra-Dos ) [ editar | editar la fonte ]

Bruce Wayne naz en 1915 o 1916, y siendo gua?e ve como un atracador, Joe Chill, mata a so padre y so madre. Darreu, so tiu Philip faise'l so tutor llegal y mandalu a la Academia Hudson, onde depriende ciencies y garra una forma fisica estraordinaria. Cuando crez quier ser policia, pero la so moza, Julie Madison, diz-y que nun podria tar con daquien qu'arriesgara la vida tolos dies. Por ello, disena'l traxe d'esperteyu y entama de combatir el crime de forma anonima. Nun escomienzu gasta una pistola pa ello, pero dexa d'usala ceo. Llueu pide a Julie que se casen y ella aceuta. Per otru llau, y por orde del presidente Roosevelt axuntase con otros superheroes, como Superman , Green Lantern o Flash pa una mision na Alemana nazi.

L'anu siguiente, Bruce asiste a una actuacion del Circu Haly, onde presencia l'asesinatu d'un matrimonioniu de trapecistes. Tres d'esto decide adoptar al fiu d'ellos, un rapaz d'once o doce anos llamau Dick Grayson al que-y desvela quien ye y lu entrena. Ceo ye'l so ayudante na llucha escontra'l crime, con un traxe colorista y el nome en clave "Robin", y xuntos enfrentense a dalgunos de los enemigos mas nomaos, como son Joker, Catwoman, Clayface , Penguin , Scarecrow o Two-Face . Mentanto, Julie ruempe la rellacion con Bruce, nun llegando a casase, y nomen a Batman miembru honorariu de la policia de Gotham y del equipu de superheroes Justice Society of America . Mientres combate escontra'l villanu Ian Karkull, un espaniu de d'enerxia mistico afeuta a Batman, Robin y a otros munchos superheroes, lo que provoca qu'avieyen mas calco.

Un home nomau Alfred Beagle llega a la casona Wayne en 1943, col envis de que lu contraten de mayordomu, y Bruce y Dick nun pensaben facelo hasta qu'Alfred descubre les sos identidaes, momentu nel qu'alcuerden que lo meyor ye convertilu nel so mayordomu y ayudante. Bien llueu, Batman amplia la base secreta d'operaciones emplegando una cueva pa ello (Batcave).

En 1948 Batman atopa por fin a Joe Chill, asesin de so pa y so ma, escorrientalu p'amedranalu y desvela-y la so identida. Esti pide sofitu a los amigos, pero estos matenlu al saber que ye quien creo a Batman.

Dempues d'esto apaecen nuevos criminales, como Riddler , Mad Hatter y Deadshot , y Batman conoz y sientese atrayiu pola reportera Vicki Vale.

Anos dempues, Batman y Catwoman revelense los sos sentimientos mutuos, Batman desvela-y la so identida y Catwoman decide entregase y dir pa la carcel pa pagar polos crimenes. Cuando sal d'esta casense, y en 1957 tienen una fia, Helena . Bruce dexa la vida superheroica, pero adunvia'l comisariu Gordon na policia cuando esti se retira.

En 1976, un antiguu collaciu de Catwoman, Silky Cernak, xantaxala pa cometer otru crime, qu'acaba cola muerte d'ella a pesar de que Bruce vuelve a poner el traxe pa evitalu. La so fia, Helena, amazcarase pa prender a Cernak, convirtiendose na nueva superheroina Huntress, y Bruce Wayne espubliza qu'el yera Batman.

En 1979, y enfermu de cancer, Bruce pon el traxe de Batman una vegada mas pa detener un supervillanu, lo qu'acaba cola muerte de dambos dos.

Doctor Fate borra entos, per aciu de maxa, les alcordances de tol mundu tocantenes a que Bruce Wayne y Batman yeren la mesma persona.

El Batman clasicu ( Tierra-Un ) [ editar | editar la fonte ]

Siendo gua?e, y poques selmanes dempues de que The Shadow lu salvara a el y a so pa d'un atracador, Bruce Wayne ve como otru, Joe Hill, mata a so pa y so ma, Thomas y Martha Wayne. Desaforau, xura qu'un dia va vengase. So tiu Philip faise'l so tutor llegal, pero esti viaxa muncho y en verda a Bruce curialu l'ama de llaves, la senora Chilton (dandose la coincidencia de que ye la ma de Joe Chill).

Una nueche ta cavilgando en despachu cuando un esperteyu entra pela ventana. Esto recuerda-y a so pa antroxau d'esperteyu nuna folixa, y decide usar l'animal como simbolu pa espantar a los criminales. El comisariu Gordon aprecia'l trabayu que fai y entama a collaborar con el.

Bruce asiste a una actuacion del Circu Haly, onde presencia l'asesinatu d'un matrimonioniu de trapecistes. Decide adoptar al fiu, un rapaz de doce anos llamau Dick Grayson, desvela-y la identida y entrenalu. Ceo ye'l so ayudante na llucha escontra'l crime, con un traxe colorista y el nome en clave "Robin". Un home, Alfred Pennyworth, apaez na casona de Bruce Wayne y ufrese como mayordomu, pos ye lo que-y a so pa, el mayordomu de Thomas Wayne. Ceo descubre la identida de Bruce y Dick, y dedicase tamien a caltener la Batcave.

Les aventures de Batman y Robin nun se restrinxen a combatir criminales en Gotham, pos davezu viaxen pel espaciu o mesmamente pel tiempu y combaten monstruos sicodelicos. Batman y Superman descubren caun la identida secreta del otru, pero xuren nun la desvelar enxamas y surde una gran amista ente ellos. Amas, la familia de xusticieros espoxiga, surdiendo una Batwoman , una Batgirl, l'indixena americanu Chief Man-of-the-Bats, el perru Bat-Hound y inclusive un trasgu, Bat-Mite. Per otru llau, Batman aliase a otros superheroes como Superman o Wonder Woman pa impidir una invasion estraterrestre, y de la axuntanza naz l'equipu de superheroes Justice League of America .

Dick comienza dir al institutu, Alfred muerre, y la tia de Dick finca na casona de Bruce, polo que los heroes han tener procuru pa que nun descubra les sos identidaes.

Batman y Robin enfrentense a nuevos villanos, ente los que destaca Posion Ivy , y un d'ellos resulta ser Alfred, resucitau, anque en venciendolu torna a la normalida. A estes, apaez una nueva Batgirl , que ye la fia del comisariu Gordon. Mentanto, Dick acaba l'institutu y matriculase na Universida Hudson.

Bruce, agora ensin collaciu, finca nun aticu nel centru la ciuda, enfosca na manera de combatir los criminales y llega a actuar fuera de la llei cuando lu acusen d'asesinatu. Nesta domina ye cuando s'enfrenta la primer vegada contra'l monstruu Man-Bat y a la organizacion "League of Assassins", encabezada pol malvau Ra's al Ghul . Cuando secuestren a Dick Grayson y a Talia al Ghul , fia de Ra's, Batman y esti aliense p'atopar el culpable, pero resulta qu'en realida ye una enganifa de Ra's, una prueba pa ver si ye dignu d'asocedelu, pos la so fia ta namorada d'el. Ra's al Ghul pasa a ser el principal antagonista, y Batman llega a finxir la muerte de Bruce Wayne pa persiguilu. Cuando por fin lu atopa engarriense, y Batman salva la vida gracies a Talia. Pa despidise, Batman da-y un besu apasionau. Tres volver al Gotham reapaez como Bruce Wayne, dando cuenta de que la muerte yera falsa.

Tornen los enemigos clasicos de Batman (amas d'otros nuevos), y tamien la compana de Robin. Amas Batman desendolca una bona rellacion con Helena Wayne, la fia del so doblu de Tierra-Dos (la que lu llama "tiu"), ya que la Justice League y la Justice Society viaxen ente dimensiones y axuntense davezu. Catwoman dexa'l crime y entama una rellacion con Batman, pero nun dura muncho y Catwoman marcha de la ciuda.

De nueves, Ra's al Ghul y Talia preparen-y una trampa. Simulen que Batman mata a Talia pa que lu detengan, pero ye a llimpiar el so nome cuando descubre la combalechadura. Tiempu dempues, Ra's droga y secuestra a Batman pa casalu cola so fia, pero el llogra fuxir enantes de tener rellaciones. Llueu, la League of Assassins mata a la antigua Batwoman.

Ye entos cuando Batman entama daveres una rellacion con Talia, lo que fai que Robin cole enfocicau. Esti amoriu tampoco nun dura, y en rompiendo tien otru cola reportera Vicki Vale. Cede'l puestu de CEO d'Industries Wayne al so ayudante, Lucius Fox , y torna a la casona. Catwoman vuelve a la ciuda, y celase de la rellacion de Bruce y Vicki.

Un criminal nuevu na ciuda, Killer Croc , asesina al pa y la ma d'un nenu llamau Jason Todd , y Bruce afialu como fizo con Dick. Nun entamu Jason tien el negazu de Batman pa ser el nuevu Robin pero, en viendo como se les arregla, Bruce cambia de paecer. Entos Jason tine'l pelo de negru pa paecer l'anterior Robin, qu'abandona tala identida pa convertise en Nightwing.

Batman combate'l villanu Thief of Night (dempues Night Slayer), que tien de socia a una antigua trabayadora de Wayne Enterprises, Nocturna. Batman namorisquiase d'esta, y ella descubre la identida secreta de Batman y igua los papeles p'adoptar a Jason Todd, tratando asina d'empobinalu a casar con ella. Nocturna acaba poniendose de llau de Batman, que priende al so collaciu y afia oficialmente a Jason.

Cuando secuestren a Lucius Fox en Markovia y la Justice League se niega a ayudar a rescatalu, pa nun producir un conflictu diplomaticu, Batman axunta dellos superheroes nun equipu nuevu del que ye cabezaleru y financieru, los Outsiders . Por embargu, los Outsiders nun aprueben el so lideralgu y Batman acaba marchando del grupu.

Batman ruempe definitivamente la rellacion con Vicki Vale y diz-y a Catwoman que nun tien nada que facer, pos ta namorau de Nocturna. Pero pescancia que lu atrayen les muyeres peligroses porque nun pue teneles, y tamien evita a esta. Pero entos a Nocturna asesinala Night Slayer, y, tres la perda, Batman retoma la rellacion con Catwoman, que s'aune al Duu Dinamicu. De nueves, la rellacion nun dura, pero ruempen de bones. En Xunetu de 1985, na "Crisis en Tierres Infinites" la entida nomada Anti-Monitor destruye tolos universos alternaticos, pero Brainiac rescata la ciuda de Gotham de Tierra-Un (con Batman y los Outsiders dientro) y ponla salva n'otru planeta con otres cincuenta y un ciudaes de cincuenta y un mundos. Un anu enteru ta la ciuda cubierta por una cupula, y los poderes de los superhomes del interior desactivaos. Nesi tiempu, Batman vuelve a axuntase colos Outsiders, que traten de facer la vida mas afayadiza pa los ciudadanos arriendes de descubrir que ye lo que pasa. Tres del anu, el planeta, que ta vivu, abre les cupules y manda a cauna de les ciudaes lluchar coles otres pola sobrevivencia. Batman y los Outsiders (de nueves colos poderes) defenden Gotham, y entos Brainiac y dellos heroes trayen de vuelta los mundos destruyios pol Anti-Monitor n'evitando la Crisis, y a la fin Brainiac unvia Gotham al so llugar.

El Batman de la Eda Escura ( Tierra Nueva enantes de Zero Hour ) [ editar | editar la fonte ]

Bruce Wayne, siendo gua?e, ve como un atracador, Joe Chill, mata a so pa y so ma. Darreu, el mayordomu Alfred Pennyworth conviertese nel so tutor llegal. Con catorce anos, Bruce entama de percorrer el mundu deprendiendo, ente otres habilidaes, artes marciales, quimica, criminoloxia, ciencia forense, escapadera y antroxamientu. Ente los profesores que tevo taben el rastrexador Henry Ducard, el ninja Kirigi y el detective Harvey Harris. Con venti anos penso en metese nel FBI, pero refugolo poles torgues que-y produciria la burocracia, asina con venticinco torna a Gotham y entama a combatir el crime antroxau d'esperteyu. La so presencia inspira tamien a los criminales, que tomen aspeutos mas paxareros y nomes en clave, siendo la primera en facelo Catwoman. La policia nun tarda n'aceutar que lu necesiten anque nun-yos guste, y creen la bat-senal pa cuando precisen pidi-y sofitu.

Cuando Superman viaxa a Gotham a la busca d'un criminal, el y Batman conocense y garrense respetu mutuu. Llueu, cuando una especie estraterrestre ataca la Tierra y dambos dos axuntense a otros superheroes pa defendela, crease la Justice League of America (anque nun entamu nun pertenez a ella nengun de los dos).

Bruce asiste a una actuacion del Circu Haly, onde presencia l'asesinatu d'un matrimonioniu de trapecistes. Decide adoptar al fiu, un rapaz de doce anos llamau Dick Grayson, desvela-y la identida secreta y entrenalu. Meses dempues el rapaz ye'l so ayudante na llucha escontra'l crime, con un traxe colorista y el nome en clave "Robin". Cuando crez y tien desavenencies con Batman, esti despidelu.

Tamien apaez una Batgirl, que ye sobrina del comisariu Gordon. Llucha escontra el crime unos anos, hasta Joker atacala brutalmente y dexala paralitica.

Batman enfrentase a la organizacion "League of Assassins", encabezada pol malvau Ra's al Ghul . Cuando secuestren a Dick Grayson y a Talia al Ghul , fia de Ra's, Batman y esti aliense p'atopar el culpable, pero en realida ye una enganifa de Ra's, una prueba pa ver si ye dignu d'asocedelu, pos la so fia namorose d'el.

Cuando secuestren a Lucius Fox en Markovia y la Justice League se nega a rescatalu, pa nun producir un conflictu diplomaticu, Batman axunta dellos superheroes nun equipu nuevu del que ye cabezaleru y financieru, los Outsiders . Por embargu, los Outsiders nun aprueben el so lideralgu y Batman acaba marchando del grupu.

Entos Batman xunese a un equipu nuevu, la Justice League International, qu'actua embaxo l'amparu la ONX .

Batman acueye un guerfanu que tenta de roba-y les ruedes al Batmobile, y nun tarda n'afialu y convertilu nel Robin nuevu, anque ye muncho mas gafu que l'anterior. Tiempu dempues Jason realcuentrase con so ma, a la que ta xantaxando Joker, y, tratando de salvala, muerre de la cuera que-y da'l Rei Payasu del Crime.

Batman, de nueves solu, afosca abondo na llucha escontra'l crime, volviendose brutal. Entos ye cuando otru rapaz, Tim Drake , averigua la so identida secreta y albidra que rique un Robin p'asosegar. Asina, buscalu y tres d'insistir n'ayudalu conviertese nel tercer Robin.

Batman tien una crisis al ver que ta apaisanando (anda pelos cuarenta anos), lo que-y fai perder la confianza en si mesmu. Ye por ello que va ver una terapeuta, mientres manda a Robin entrenar a Azrael nos llabores detectivesques pa facer d'el un nuevu aliau na llucha escontra'l crime.

Entos, el nuevu villanu Bane organiza un fuximientu del Asilu Arkham, y en dexando que los demas enemigos de Batman lu ataquen, atacalu el y ruempe-y l'espinazu, baldandolu. Nun siendo quien a siguir col llabor, Bruce pide a Azrael que lu anduvie y esti aceuta. Nesta, Bruce namoriase de la terapeuta, Shondra (que tien poderes curatibles de callao), a la que-y diz que tevo un accidente col coche. Nesta, secuestrala l'hermanu y, enantes de que Bruce la rescate, ella matalu ensin querer. De nueves con Bruce, curalu colos poderes, pero l'esfuerciu ye demasiao pa ella y la caltriadura anena la so mente pa siempres. Bruce, atristayau, costia-y una residencia perbona pa tola vida.

Al tornar a Gotham, Bruce alcuentrase con qu'Azrael foi perxabaz, matando criminales, lo que nun-y presta nada. Entendiendo que cometio un gran error, entrena pa recuperase, botalu y volver a ser el Batman. Pa ello pide ayuda a Lady Shiva, de la League of Assassins, que lu fuercia a superar pruebes mui dures. Al terminar l'entrenamientu, y col sofitu de Robin y Nightwing (como se llama agora Dick Grayson) amollenta a Azrael y angariyalu a aceutar el vencimientu.

En 1994 Green Lantern alloria y desanicia l'universu pa crear unu nuevu. Pero Brainiac rescata la ciuda de Metropolis , onde s'alcuentren Batman y Azrael nesi momentu, y ponla salva n'otru planeta con otres cincuenta y un ciudaes de cincuenta y un mundos. Un anu enteru ta la ciuda cubierta por una cupula, y mentanto los poderes de los superhomes d'esta desactivaos. Mientres, Batman y Azrael metense na organizacion criminal del mafiosu Thobias Whale pa desaniciala, axuntandose de nueves. Tres del anu, el planeta, que ta vivu, abre les cupules y manda a caun de les ciudaes lluchar escontra les otres pola sobrevivencia. Batman y Azrael lluchen escontra los Wetworks (de Tierra-50), y anque Azrael quier barrer la ciuda d'ellos, Batman convence a los Wetworks y a el de qu'han axuntase pa combatir l'enemigu comun, que ye'l que los enfrenta. Azrael entornase y decide protexer la ciuda que queria destruyir mientres los otros busquen mas aliaos.

Tres la batalla, Brainiac y dellos heroes trayen de vuelta los mundos destruyios, y a la fin Brainiac unvia Metropolis al so llugar.

El Batman de la Eda Moderna (Tierra Nueva enantes de Flashpoint ) [ editar | editar la fonte ]

Esti Batman recueye munches de les carauteristiques de tolos anteriores, teniendo vivio aventures mui asemeyaes a toes elles na primer decada de la cruzada contra'l crime.

N'apartando a Azrael, Bruce decide dexar a Dick el traxe de Batman mientres se recupera dafechu. Tres un tiempu, torna con un traxe prietu fechu de kevlar . Entos ye cuando un andanciu (una mutacion del ebola ) espardese rapido per toa Gotham, diezmando la poblacion. Descubrese que la responsable ye la Orde de San Dumas, secta al que pertenecia Azrael, y esti llogra la cura. Ra's al Ghul consigue una mutacion mas peligrosa del virus, pero Batman priendelu cola ayuda d'Oracle (como se llama Batgirl, agora paralitica, mientres da sofitu dende una base d'operaciones).

Pero enantes de que la ciuda supere la llaceria vien otra. Un terremotu de 7,6 na escala Richter barre la ciuda, Batman queda atrapau na Batcave y dase una fuxida en tropel de la carcel. Cuando Batman y los collacios son a apaciguar Gotham ya morrieren cien mil persones.

Washington, ensin presupuestu pa iguar el desastre, decide declarar la ciuda tierra de naide, dar cuarenta y ocho hores a la xente pa que marche y dempues echar abaxo les pontes. La policia, Batman y los sos collacios recuperen la ciuda cachu a cachu, y protexenla del plan de Lex Luthor de reconstruyila pa convertise nel propietariu. Tres d'llo, el gobiernu vuelve a declarar Gotham parte de los Estaos Xunios.

Talia al Ghul roba de la Batcave informes de Batman tocantenes a como derrotar a la Justice League, y so pa usalos p'atacalos. Estos, ofendios, echen a Batman, anque mas tarde vuelven a aceutalu y esti-yos desvela quien ye.

En morriendo-y la moza, Vesper Fairchild, y teniendo de demostrar que nun foi el, empecipia un amoriu con Catwoman, qu'abandono la vida criminal, y tamien a ella-y desvela que ye Bruce Wayne.

Cuando'l pa de Tim Drake descubre qu'esti ye Robin forcialu a dexalo, polo que Batman garra una nueva Robin, Stephanie Brown . Pero la compana nun dura, pos echala al poco por nun siguir los sos mandaos.

Un antiheroe nomau Red Hood entama d'espantayar los mafiosos per aciu d'aiciones perviolentes. Esti nun tarda en desvela-y a Batman que ye Jason Todd, el segundu Robin, resucitau por Talia al Ghul y rensiossu porque lu dexara morrer y nun matara a Joker, permitiendo-y siguir asesinando.

La paranoya lleva a Batman a unviar al espaciu un satelite que vixile los superhumanos, y Maxwell Lord robalu y usalu p'atacar los superheroes. Tamien ta a puntu d'asesinar a Alexander Luthor , de Tierra-Tres. Too ello llevalu a dase un anu sabaticu p'atalantar y viaxar pel mundu con Nightwing y Robin, dexando a Two-Face, que se reformo, curiando de Gotham. Cuando torna Two-Face vuelve a alloriar, y Bruce Wayne afia l'acabante quedar guerfanu Tim Drake.

Llueu d'otru ataque de la League of Assassins, Talia desvela-y a Batman que tienen un fiu, Damian Wayne , un gua?e de siete anos ya entrenau pa ser un asesin. Batman trata d'educalu, lo que resulta dificil porque ye perfaltosu. Amas, el nenu da una cuera a Tim Drake cola idea de ganase asina'l titulu de Robin. Batman aceutalu como talu y Tim Drake garra una nueva identida, Red Robin.

Convoquen a Batman y a los miembros d'un club internacional d'heroes, que fundo acuantaya, a una axuntanza nuna casona, pero resulta ser una trampa acompangada por un d'ellos, Wingman, y la organizacion Black Glove. Esti ye l'entamu d'una combalechadura escontra Batman qu'acaba alloriandolu, pero l'heroe tien preparao un plan pa tala situacion, un mecanismu sicoloxicu pa tovia neses desendolcar una nueva personalida atapada y, sicasi, convertise en Batman. Poro, cura y vuelve a lluchar escontra'l crime.

Batman investiga l'asesinatu d' Orion , y esto empobinalu hasta Darkseid , qu'aparentemente lu mata. Pero, en verda fizolu viaxar a la prehistoria desmemoriau, usandolu como una arma qu'avanza na historia pa convertise nuna bomba qu'esplote anguan. Tres de la vida de cavernicola pasa a ser cazabruxes, pirata, vaqueru y detective, pero la Justice League impide qu'esplote y salvalu.

Bruce Wayne funda entos Batman Inc., contando que ye'l financiador de Batman y que va facer lo mesmo per tol mundu, creando un exercitu d'homes-esperteyu. D'esta miente recluta heroes de paises a esgaya mientres Dick ye Batman en Gotham.

Enantes de que la llinia temporal seya camudada dafechu, Brainiac rescata la ciudad de Gotham y ponla n'otru planeta, salva, con otres cincuenta y un ciudaes de cincuenta y un mundos. Un anu enteru ta la ciuda cubierta por una cupula, mentanto los poderes de los superhomes d'esta desactivaos, y mientres Batman protexe la ciuda y cria al so fiu.

Cuando Batman y Robin defenden a Poison Ivy y el so guertu, col qu'alimenta la xente la ciuda, reapaez Red Hood y enfrentase a Robin. Batman trata d'aparalos cuando s'abre la cupula y manden a los mundos enfrentase ente si. Los tres defenden la ciuda d' Extremists , unos supervillanos d'un mundu nomau Angor, y, tres d'ello Robin y Red Hood faen les paces. Tres les batalles, Brainiac y dellos heroes trayen de vuelta los mundos destruyios, y a la fin Brainiac unvia Gotham al so llugar.

Preseos [ editar | editar la fonte ]

A lo llargu del tiempu tien gastao gran numberu de ferramientes na llucha escontra'l crime, ente les que destaquen les siguientes.

Bat-traxe : Anque ye de texiu flexible, protexelu al menos en parte de les bales, y tamien aislalu de la lletricida. La capa pue endurecer pa formar daque asemeyao a unes ales que-y permiten planiar, y la caperucha tien incorporaes lentilles con distintos tipos de vision y un sistema de telecomunicacion.

Bat-cintu : Un cintu mariellu nel que guarda munches otres coses, como camares, bombes de fumu, un laser y ferramientes de hacker . Inclusive, na serie de television de los anos sesenta, tien un "bat-espantatiburones".

Batarangs : Armes asemeyaes a los shuriken , pero con forma d'esperteyu.

Bat-ganchu : Disparador d'una gabitu retractil que s'engancha a les muries, recoyendo llueu la cuerda. Esto permite-y escalar a gran velocida los edificios.

Bat-movil : Coche d'ultima teunoloxia, que tamien tien numberosos aparatos incorporaos. Munches versiones funcionen con un motor a reaicion.

Bat-planu : Como'l bat-movil pero n'avion.

En cine y television [ editar | editar la fonte ]

En 1940 adauten la primer vegada'l comic pa un serial cinematograficu de quince episodios, onde Batman y Robin combaten a un cientificu xapones y axente del Exe, el doctor Daka, que convierte la xente en zombis.

Pero nun ye hasta 1966 que'estrenen l'afamada serie protagonizada por Adam West y Burt Ward , percolorista y d'estilu camp . Estrenaron tamien una pelicula, y la serie duro hasta 1968, convirtiendose nun referente de la cultura pop de la domina. En 1979 dambos dos actores tornarien a los papeles nel programa especial Legends of the Superheroes y Burt Ward al de Robin en 2019 pal crossover de les series de la CW, Crisis on Infinte Earths .

Dempues d'eso, Batman apaeceria en delles series de dibuxos animaos, como The Batman/Superman Hour (1968), Super Friends (1973) o The New Adventures of Batman (1977).

En 1989 estrenase Batman de Tim Burton, protagonizada por Michael Keaton y con Jack Nicholson como Joker, dando una perspeutiva de los personaxes muncho mas escura que la de la serie clasica. En 1992 estrenen la segunda parte, Batman Returns con Michelle Pfeiffer como Catwoman y Danny DeVito como Penguin.

En 1992 sal tamien la serie animada de Bruce Timm, con critiques perbones, y ye amas onde fai la primer apaicion el personaxe Harley Quinn . D'esta serie surdirien delles pelicules animaes ( Batman: Mask of the Phantasm , Batman & Mister Freeze : Subzero y Batman: Mystery of the Batwoman ) asina como otres series de television ( The New Batman Adventures y Batman Beyond ). Esti Batman ye tamien el qu'apaez nes series animaes Justice League y Justice League Unlimited , ya qu'estes se dan na mesma continuida.

En 1995 y 1998 estrenen pelicules nueves de Batman, y anque se supon que son continuacion de les de Tim Burton, el nuevu direutor Joel Schumacher cambia'l tonu, tornandoles mas hacia'l de la serie de los sesenta. En Batman Forever , Val Kilmer ye Batman, Chris O'Donnell Robin, Tommy Lee Jones fai de Two-Face y Jim Carrey de Riddler. Na segunda, Batman & Robin , George Clooney ye Batman, Chris O'Donnell repite papel y anaden una nueva heroina, Alicia Silverstone como Batgirl. De los villanos faen Arnold Schwarzenegger (Mister Freeze), y Uma Thurman (Poison Ivy). L'unicu actor que comparten les cuatro pelicules ye Michael Gough como'l mayordomu Alfred.

En 2005 entama una triloxia nueva, dirixida por Christopher Nolan y protagonizada por Christian Bale. Esta ta formada por Batman Begins (2005, con Liam Neeson como Ra's al Ghul y Cillian Murphy como Scarecrow), The Dark Knight (2008, con Heath Ledger como Joker y Aaron Eckhart como Two-Face) y The Dark Knight Rises , (2012, con Tom Hardy como Bane y Anne Hathaway como Catwoman). Lo mas carauteristico ye que dan una imaxe mas realista del personaxe, y recibieron critiques mui bones.

En 2014 empecipia tamien una serie, Gotham , que cuenta como'l nenu Bruce Wayne se convierte en Batman, los inicios del comisariu Gordon y l'orixe de dellos supervillanos. Esta termina en 2019.

En 2015 estrenen Batman vs. Superman , continuacion de Man of Steel . Nesta, un Batman veteranu ( Ben Affleck ) enfrentase a un Superman mozu, creyendolu un enemigu publicu. Esta continua en Justice League , en 2017, tres de lo que Affleck espublizo que nun va volver al papel.

Anguano apaez en Titans como personaxe secundariu (interpretau por Iain Glen ), y en dellos capitulos de Batwoman a mou de flashbacks, pos ye un heroe desapaeciu va anos.

En 2022 estrenen una pelicula nueva, The Batman, protagonizada por Robert Pattinson . Les series y pelicules animaes son perfrecuentes dende la de Bruce Timm nos anos noventa.

Referencies [ editar | editar la fonte ]

Enllaces esternos [ editar | editar la fonte ]