Teruel (en catalan Provincia de Terol ) ye una provincia situata a o sud d'a Comunidat Autonoma d' Aragon , con capital en a ciudat de Teruel . A suya superficie ye de 14.809? km² , y a suya poblacion ye de 141.091 habitants ( 2003 ), d'os cuals a cuatrena parti viven en a capital. A suya densidat de poblacion ye de 9,53 hab./km². Tien 236 municipios, d'os cuals a metat son lugars de menos de 200 habitants.
De cheografia monteriza, o suyo clima ye un d'os mas duros d' Europa por a suya sequera y por as diferencias termals de 20 graus en pocas horas en bellas epocas de l'anyo. En a capital os records de temperatura son de 39° ( 3 de chulio de 1994 ) y -19° ( 26 d'aviento de 2001 ).
A suya economia s'alaceta prencipalment en o cautivo de cerials y en o turismo . En o sector industrial no ha tenito un desarrollo industrial completo. En tien dos estacions d'esqui: Chabalambre y Valdelinars , as dos en as sierras de Chabalambre y Gudar a o sud d'a provincia.
Como reyacion a la despoblacion y a o baixo desarrollo economico, existe un movimiento ciudadan clamato Teruel Existe ta impulsar a provincia.
Baixo Martin , Xiloca , Cuencas Meneras , Andorra-Sierra d'Arcos , Baixo Aragon , Comunidat de Teruel , Mayestrato , Sierra d'Albarracin , Gudar-Chabalambre , Matarranya .