Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Un productor cinematografico u simplament productor ye, en o mundo d'o Cine , qui financia u coordina a financiacion antes d'a filmacion d'una cinta y/u qui, mientres a suya filmacion, fa o control d'os gastos feitos t'achustar-los a o presupuesto que teneba la cinta en prencipiar o rodache. Tamien fa bellas labors d'aduya a o director cinematografico , como a contractacion d'os actors , y gosa estar l'interlocutor entre os actors y o director si amanixen problemas mientres o rodache, tenendo-ie asinas tamien un papel artistico y no nomas que financiero.

Inicialment o productor gosaba estar qui financiaba dreitament a cinta, pero dende que facioron a suya aparicion as grans empresas ditas productoras , son mas que mas treballadors en as productoras, estando lo suyo treballo a coordinacion d'a produccion d'a cinta.