Se conoix con o nombre d'
Imperio Aleman
a o rechimen politico que bi heba en
Alemanya
dende o
18 de chinero
de
1871
, cuan remato a
Unificacion d'Alemanya
dimpues d'a
Guerra Franco-Prusiana
, dica noviembre de
1918
, cuan Alemanya perdio a
Primera Guerra Mundial
y o
emperador
Guillen II
abdico en esclatar a dita
Revolucion de Noviembre
.
O Imperio Aleman yera una
confederacion
d'estatos, que heba succedito a la
Confederacion Alemana d'o Norte
y que, como ista atra confederacion, yera controlata por o
Reino de Prusia
, estando o
rei
d'iste pais l'emperador d'Alemanya. Yera consecuencia d'una unificacion d'Alemanya seguntes a
Kleindeutsche Losung
(u "solucion d'a chicota Alemanya"), dita asinas por estar una unificacion d'os paises de
luenga alemana
sin os territorios d'Austria, que feban parte de l'
Imperio Austrohongaro
.
D'o Imperio feban parte 22
monarquias
, 3
republicas
y un territorio imperial,
Alsacia-Lorena
, y teneba a suya
capital
en a ciudat de
Berlin
, que yera amas a capital d'o
Reino de Prusia
, o estato dominant de l'Imperio. O
poder lechislativo
yera bicameral, con una primera cambra esleyita por
sufrachio universal
(354 deputatos) y una segunda cambra con representants nombratos por os reis (u grandes duques u duques) de l'imperio, encara que proporcionalment a l'importancia relativa d'o suyo reino, con a cual cosa o
Reino de Prusia
yera l'arbitro, nombrando 17 deputatos d'un total de 54.
Mientres os
anyos 1930
y
anyos 1940
o
nazismo
clamaba a o periodo de l'Imperio Aleman
Segundo Reich
, estando considerato como o
Primer Reich
o
Sacro Imperio Romano Chermanico
y o
Tercer Reich
o mesmo rechimen nazi, marcando asinas una pretesa continidat historica entre l'Imperio de radices medievals, o militarismo de l'Imperio Aleman y o nazismo d'o Tercer Reich.
