Us der alemannische Wikipedia, der freie Dialakt-Enzyklopedy
Dr
Walter Emil Buser
(*
14. April
1926
z
Lause
; †
17. Augschte
2019
;
[1]
haimetbrachtigt
z
Battwil
un z Lause (Ehreburger)) isch e
Schwyzer
Rachtswisseschaftler
un
Beamte
gsii. Vu 1981 bis 1991 isch er
Bundeschanzler
vu dr Schwyzerische Aidgnossenschaft gsii un s eerscht Mitgliid vu dr
SP
in dam Amt.
Dr Buser isch e Suhn vun eme Buur gsii un isch z Lause uf eme Buurehoof ufgwachse. Ar isch z
Baasel
uf s
Humanistisch Gimnasium
gange un het derno
Jurisprudanz
un
Volkswirtschaft
an dr Universideete
Baasel
un
Baarn
studiert. Anne 1958 het er z Baarn mit ere raachtshistorische Aarbet
promoviert
. Scho syter anne 1950 isch dr Buser Raachtsberooter un Redakter bi sozialdemokratische Zytige gsii. Vu 1956 bis 1962 isch er Schefredakter vu dr ≪Sozialdemokratische Bundeshauskorrespondenz≫ gsii.
Anne 1965 isch dr Buser in d
Bundesverwaltig
yydratte un isch drei Johr lang Laiter vum Raachts- un Informazionsdienscht vum
Aidgnessische Departement vum Innere
gsii. Dr
Bundesroot
het en anne 1968 zum Vizechanzler gweelt. In dare Funkzion isch er fir Raachtsdienscht un Informazion vum dr gsamte Bundersverwaltig zuestandig gsii. Anne 1977 het en d Universideet Baasel zum
usserordelige Brofasser
fir
effetli Raacht
gmacht, ar het do vor allem s Verwaltigsraacht vum Bund gleert.
Noch em Ruggdritt vum Bundeschanzler
Karl Huber
(
CVP
) isch s anne 1981 in dr
Bundesversammlig
zuen ere Kampfwahl um sy Noofolg chuu. Doderby het si dr Buser geg dr
Joseph Voyame
[2]
(CVP) un dr
Hans-Ulrich Ernst
(
SVP
) duregsetzt. Dodermit isch er dr eerscht sozialdemokratisch Bundeschanzler gsii. Dr Buser het s Amt dr gwandlete Informazionsbedirfnis aabasst, indam er reegelmaßigi Prassekumferanze yygfiert het un d
Bundeschkanzlei
zuen ere Stabsstell vum Bundesroot uusgwytet het. Derzue het in syre Amtszyt di
Elektronisch Dateverarbaitig
Yyzuug ghalte in d Bundesverwaltig. Mit em Pansionsalter isch er anne 1991 zruggdratte. Sy Noofolger isch dr
Francois Couchepin
(
FDP
) woore.
[3]
Anne 1983 isch dr Buser noch em nit erwaartete Dood vum Bundesroot
Willi Ritschard
as meeglige Noofolger ghandlet woore, het aber e Kandidatur abglaant.
Dr Buser het mit syre langjehrige Frau, wu 2001 gstoorben isch, zwoo Deechtere ghaa. Di letschte Johr het er mit syre nei Partneri in ere Altersresidanz z
Ittlige
bi Barn. Ar isch im Augschte 2019 noch ere churze Chranket im Alter vu 93 Johr gstoorbe.
[4]
- ↑
Fruherer Schweizer Bundeskanzler Walter Buser gestorben
(Memento vom 21. Augschte 2019 im
Internet Archive
)
, Tages-Anzeiger online, 21. Augschte 2019.
- ↑
Francois Kohler:
Joseph Voyame.
In:
Historisches Lexikon vo dr Schwiiz
.
- ↑
Ein Rundgang durch die Geschichte der Bundeskanzlei
, Websyte vu dr Bundeschanzlei, abgruefen am 21. Augschte 2019.
- ↑
Urs Marti:
Ein Leben fur das Bundeshaus.
(Memento vom 22. Augschte 2019 im
Internet Archive
)
In:
Neue Zurcher Zeitung
vum 21. Augschte 2019.
|
Da Artikel basiert uff ere fraie Ubersetzig vu
dere Version
vum Artikel ?
Walter_Buser
“ vu de dutsche Wikipedia. E Liste vu de Autore un Versione isch
do
z finde.
|