Dr Volker Beck (* 12. Dezamber 1960 z Stuegart-Bad Cannstatt ) isch e dytsche Bolitiker ( Bindnis 90/Di Griene ) un Manscherachtler. Vu 1994 bis 2017 isch er Mitglid vum Dytsche Bundesdag gsii. Bis aafangs Merz 2016 isch er innebolitische Spracher vu dr Bundesdagsfraktion, Vorsitzer vu dr dytsch-israelische Barlemantariergruppe vum Dytsche Bundesdag un Spracher fir Religionsbolitik vu syre Fraktion gsii. Syt 2022 isch er Bresidant vu dr Dytsch-Israelische Gsellschaft.

Laabe [ andere | Qualltaxt bearbeite ]

Uusbildig [ andere | Qualltaxt bearbeite ]

Noch em Abitur 1980 z Sendelfenga un em Zivildienscht het dr Beck an dr Universitet Stuegert Chunschtgschicht, Gschicht un Germanischtik studiert, het mit em Studium aber ohni Abschluss ufghert. ^[1]

Laabespartner [ andere | Qualltaxt bearbeite ]

No 17 Johr Beziehig het dr Beck sy Partner Jacques Teyssier, e Manager un LGBT-Aktivischt, anne 2008 ghyrote . Im Juli 2009 isch dr syt vyl Johr HIV -positiv Teyssier an Chrabs gstorbe. S Paar het langi Johr z Koln , z Berlin un z Paris glabt. Wenigi Wuche vor em Dod vum Teyssier sin si zame in e Wohnig z Berlin zoge. ^[2]

Barteilaufbahn [ andere | Qualltaxt bearbeite ]

Bolitisch isch er aafangs 1980er Johr in dr Fridesbewegig aktiv gsii, het si fir dr Volkszelligsboykott engaschiert un isch anne 1985 dr Griene byydratte. 1986 isch er in dr Chraisvorstand vu dr Griene z Stuegert gwehlt wore un isch vu 1987 bis 1990 Schwulereferant vu dr Bundesdagsfraktion vu dr Griene gsi.

Bis 1994 isch dr Beck au Spracher vu dr Bundesarbetsgmainschaft Schwulebolitik vu syre Bartei gsii. Bi dr Bundesdagswahl 1994 isch dr Beck zum erschte Mol iber d Landeslischt Nordrhy-Weschtfalen in dr Dytsch Bundesdag gwehlt wore. Dert het en sy Fraktion zum rachtsbolitische Spracher gwehlt.

No dr Bundesdagswahl 1998 isch dr Beck zuesatzlig im Fraktionsvorstand Bolitische Koordinator vum Fraktionsarbetschrais Inne, Racht, Frauen un Juged wore. No der Bundesdagswahl 2002 het en d Fraktion zum erschte Mol zum Erschte Barlemantarische Gschaftsfierer im Fraktionsvorstand gwehlt, 2005 un 2009 isch er widergwehlt wore. Ar het zum nyynchepfige Spitzeteam vu syre Bartei bi dr Bundesdagswahl 2005 ghert. Fir d Bundesdagswahl sin d Barbel Hohn un a ras Sptzekandidate uf dr erschte beede Blatz vu dr Landeslischt vu dr nordrhy-weschtfalisch Griene gstande, un des au bi dr Bundesdagswahl 2013 . No dr het dr Beck aagchindet, ass er nimi fir s Amt vum barlemantarische Gschaftsfierer wett kandidiere. ^{[3] [4]}

Dr Volker Beck isch bis 2013 Mitglid vum Barteirot vu Bindnis 90/Di Griene gsii un Spracher vu dr Landesgruppe vu Bindnis 90/Di Griene NRW im Bundesdag.

Vu 2014 bis Merz 2016 isch dr Volker Beck Spracher fir Innebolitik un Religionsbolitik vu dr Griene-Fraktion im Bundesdag gsii. ^[5]

Wu am 2. Marz 2016 bi re Bolizeikontroll z Berlin bim Beck 0,6 Gramm vun ere ?drogesuspekte Substanz“ gfunde wore sin, het er am namlige Dag alli Fraktionsamter niderglait. ^[6] D Staatsaawaltschaft het am 17. Merz 2016 Ermittlige gege ihn ufgnuu, wu dr Bundesdag d Immunitet vun em glupft ghaa het. ^[7] Die Ermittlige sin am am 13. April 2016 wage ?gringer Schuld“ gege ne Zahlig vu 7000 Euro yygstellt wore. ^[8]

Abgordnete [ andere | Qualltaxt bearbeite ]

In syre Funktion im Dytsche Bundesdag isch dr Beck Mitglid vu verschidene Ususschiss vum Bundesdag gsii. In dr 16. un 17. Wahlperiod isch er Mitglid im Elteschterot vum Barlemant gsii. In dr 17. Wahlperiod isch er erschte Barlemantarische Gschaftsfierer, Spracher fir Manscherachtsboliti un stellverdrattende Vorsitzer vu dr dytsch-franzesische Barlemantariergruppe gsii, in dr 18. Wahlperiod isch er Vorsitzer vu dr dytsch-israelische Barlemantariergruppe gsii. ^[9]

Wel er zue dr Bundesdagswahl 2017 nit uf e sichere Lischteblatz vu dr nordrhy-weschtfalische Landeslischt gwehlt woren isch, isch er nimi as Kandidat aadratte. ^{[10] [11]}

Sunschtigs Engaschmant [ andere | Qualltaxt bearbeite ]

Lesben- un Schwuleverband z Dytschland [ andere | Qualltaxt bearbeite ]

Anne 1986 het dr Beck bi Aktionen gege d AIDS-Bolitik vum Peter Gauweiler mitgmacht. Dr Beck isch Mitglid im Bundesverband Homosexualitat (BVH) gsii un het no dr Wandi mitgschafft an dr Uuswytig vu ?Schwuleverband in dr DDR“ zum ?Schwuleverband z Dytschland“ (SVD). Ar isch vu 1991 bis 2004 ain vu dr Spracher vu dam mittlerwyli greschte lesbisch-schwule Burgerrachtsverband gsii, wu si as Lesben- un Schwuleverband z Dytschland (LSVD) au fir Lesbe ufgmacht het. ^[12]

Stiftig ?Erinnerung, Verantwortung und Zukunft“ [ andere | Qualltaxt bearbeite ]

Ass ehmoligi NS-Zwangsarbaiter e finanzialle Uusglych ibercheme, het dr Dytsch Bundesdag anne 2000 unter dr Faderfierig vum Volker Beck un em Otto Graf Lambsdorff d Bundesstiftig ?Erinnerung, Verantwortung, Zukunft“ grindet. ^[13] D Stiftig het bis 2007 Entschadigigen an 1,7 Millione Zwangsarbaiter us iber 100 Landern´uuszahlt. ^[13]

Anderi [ andere | Qualltaxt bearbeite ]

Dr Beck isch Mitglid un zum Dail Spracher vu verschidene Manscherachts- un Opferorganisatione.

Weblink [ andere | Qualltaxt bearbeite ]

  Commons: Volker Beck  ? Album mit Multimediadateie

• Websyte vum Volker Beck
• Biografy bi dr Bundestagsfraktion Bundnis 90/Die Grunen (Memento vom 13. April 2009 im Internet Archive )
• Biographie beim Deutschen Bundestag
• Volker Beck uf abgeordnetenwatch.de

Fueßnote [ andere | Qualltaxt bearbeite ]

1. ↑ Markus Wehner: Deutsche Spitzenpolitiker verschleiern ihre Studienabbruche . In: Frankfurter Allgemeine Sonntagszeitung. 26. Mai 2013, abgruefen am 26. Mai 2013.
2. ↑ Anne-Kattrin Palmer: Sein Ehemann starb an Krebs. Archivlink (Memento vom 29. Septamber 2009 im Internet Archive ) In: Express , 26. Juli 2009.
3. ↑ Grunen-Spitze bietet Rucktritt an. Archiviert vom Original am 27. September 2013 ; abgruefen am 2. Marz 2016 .   In: tagesschau.de. 24. Septamber 2013.
4. ↑ Gesamte Fuhrung tritt zuruck. In: FAZ. 23. Septamber 2013.
5. ↑ die Kirche.Evangelische Wochenzeitung, Nr. 1, 5. Januar 2014.
6. ↑ Suddeutsche.de : Volker Beck mit Drogen erwischt - Grunen-Politiker legt Fraktionsamter nieder , abgruefen am 2. Merz 2016.
7. ↑ Immunitat aufgehoben: Staatsanwaltschaft ermittelt gegen Volker Beck , Spiegel-online, 17. Merz 2016
8. ↑ Ermittlungen gegen Volker Beck eingestellt , n-tv.de, 13. April 2016
9. ↑ Vorstand vu dr Barlemantariergruppen in dr 18. Wahlperiod Archivlink (Memento vom 3. Novamber 2014 im Internet Archive ) uf dr Websyte vum Dytsche Bundesdag, abgruefen am 25. Juli 2014.
10. ↑ Kirsten Bialdiga: Grunen-Parteitag in Oberhausen. Der Abschied des Volker Beck . In: Der Abschied des Volker Beck ; abgruefen am 4. Dezamber 2016
11. ↑ Gruner Beck mit schlechten Karten fur nachsten Bundestag ; abgruefen am 4. Dezamber 2016
12. ↑ Vorstand des Gesamtverbandes. Archiviert vom Original am 10. November 1999 ; abgruefen am 2. Marz 2016 .   lsvd.de , 10. November 1999.
13. ↑ ^{13,0 13,1} 7500 Euro je KZ-Sklavenarbeiter. In: WirtschaftsWoche , 27. Septamber 2010.

Da Artikel basiert uff ere fraie Ubersetzig vu dere Version vum Artikel ? Volker_Beck “ vu de dutsche Wikipedia. E Liste vu de Autore un Versione isch do z finde.