Dr
Vigilius
(* um 500; †
7. Juni
555
) isch vu 537 bis zue sym Dod
Papscht
un Bischof vu Rom gsii. Vu dr 14 Papscht vum 6. Johrhundert het ar am lengschte amtiert.
Dr Vigilius isch um s Johr 500 uf d Walt chuu un isch us ere wichtige Familie us dr Stadt Rom gsii. Sy Vater Johannes isch
Konsul
gsii, ar salber un sy Brueder Reparatus sin remischi Senatore gsii. Anne 531, im Johr vu syre Wie zum
Diakon
, het dr remisch Klerus ene papschtlige Dekret zur Bstimmig vu dr Noofolg zuegstimmt, wu derno zum erschte Mol bi ihm aagwandet woren isch: Ar isch vum
Bonifatius II.
as Noofolger designiert, aber wage starke Widerstand gege di nei Regle wider verworfe wore. Unter em neie Papscht
Agapitus I.
isch dr Vigilius as
Nuntius
uf
Konstantinopel
gange, wun er schyns aagfange het mit em
Monophysitismus
z sympathisiere, wu vu dr Weschtchilche aigetli strikt abglahnt woren isch, im Oschte aber vyl Aahanger ghaa het. Wage dam het en d
Augusta
Theodora
, d Frau vum Chauser
Justinian
, noch em Dod vum Agapitus im April 536 as dam sy Noofolger favorisiert, un dr Chaiser het en uf
Rom
retuurgschickt. Dr Justinian het welle s
remisch Gsamtrych
widerharstelle un het schyns ghofft, ass dr Vigilius si as neie Papscht em Monophysitismus duet aanechere, wu 451 uf em
Konzil vu Chalcedon
verurdailt woren isch, go em
Schisma
en And mache un d Chrischte im Remische Rych z aine.
Syter anne 535 het Chrieg gherrscht zwisch em Chaiser un dr
Oschtgote
, wu syter 493 Italie kuntrelliert han, un Rom isch erscht im Dezamber 536 vu chaiserlige Druppe yygnuu wore. Bi dr Aachumft vum Vigilius in dr Stadt het no dr vum Oschtgotechenig
Theodahad
duregsetzt
Silverius
as Bischof antiert. Dr Vigilius isch no am 29. Merz 537 uf oschtremische Druck
Gegepapscht
glupft un isch schließli noch em Dod vum Silverius bal druf allgmain anerkannt wore.
Gege d Hoffnig vu dr Theodora het si dr Vigilius derno strikt
gege
dr Monophysitismus ufgstellt un si dodermit dr Position aabasst, wu in dr Weschtchilche dominiert het. Schließli het dr Chaiser Justinian zum d Monophysite fir sich z ginne d Schrifte vu drei Theologe, wu si d Monophysite bsundersch draa gsetrt ghaa han, as
nestorianisch
verurdailt (Dreikapitelstryt). Die Erloss sin vum Vigilius un dr weschtlige Chilche as Aagriff uf d Bschliss vum Chalcedoner Konzil in eme Schrybe an dr Justinian vu anne 540 abglahnt un di pro-monophysitische Patriarche mitsamt em
Anthimus
as Haretiker verurdailt wore.
Dr machtig Chaiser, wu als e dogmatischi Ainigung vu dr Chrischte im Rych het welle, het druf dr Vigilius 546 vu Gardesoldaten
(excubitores)
feschtnee un uf
Konstantinopel
bringe loo, wu da zerscht 547 verdrouli un 553 schließli effetli zum Entsetze vu vyl weschtlige Bischef em Druck noogee un dr Verurdaoilig vu dr ?drei Kapitel“ dur s
Zwait Konzil vu Konstantinopel
zuegstimmt het. Dr Vigilius het dr ihm aabote Vorsitz vum Konzil abglahnt ghaa un isch nit persenli uf dr Versammlig gsii, het aber alli Bschliss akzeptiert, wu mer syni gheime Zuegstandnis vu 547 effetli vordrait ghaa het. Dodermit het s Konzil ekumenischi Giltigkait kriegt (un het si bis hite). Dr Vigilius het eso dr Autoritet vum remische Patriarchat fir Johrhundert Schade zuegfiegt. E baar Bischef z Italie han die Bschliss aafangs nit akzeptiert, eso isch s zue me neie Schisma mit Rom chuu, wu e baar Johrzehnt duurt het. Dr Vigilius salber isch uf dr Haimais am 7. Juni 555 z
Syrakus
uf Sizilie gstorbe.
Wag sym Verhalte in dare Situation isch dr Vigilius 1300 Johr speter ? im 19. Johrhundert ? nomol wichtig wore: Im Stryt um di papschtli Uufahlbarkait isch ar vu dr Gegner vu dam Dogma nab em
Honorius I.
as e Negativbyschpel aagfiert wore. Hite wird des wider vu dr Aahang vum
Marcel Lefebvre
firiglupft, zue syre Verdaidigung wird aber au betont, ass dr Vigilius d Bschliss vu dr erschte vier
ekumenische Konzilie
ufracht ghalte het.
- Claire Sotinel:
Vigilio.
In: Massimo Bray (Hrsg.):
Enciclopedia dei Papi.
Band 1:
Pietro, santo. Anastasio bibliotecario, antipapa.
Istituto della Enciclopedia Italiana, Rom 2000, S. 512?529 (
treccani.it
).
- Josef Rist:
Vigilius.
In:
Biographisch-Bibliographisches Kirchenlexikon
(BBKL). Band 12, Herzberg 1997,
ISBN 3-88309-068-9
, Sp. 1383?1387.
- Ytrag
in d
Catholic Encyclopedia
, Robert Appleton Company, New York 1913 (anglisch)
|
Da Artikel basiert uff ere fraie Ubersetzig vu
dere Version
vum Artikel ?
Vigilius
“ vu de dutsche Wikipedia. E Liste vu de Autore un Versione isch
do
z finde.
|