Us der alemannische Wikipedia, der freie Dialakt-Enzyklopedy
Dr
Ursinus
(† no
384
) isch vu 366 bis 367
Gegebischof vu Rom
gsii.
Wu dr Bischof
Liberius
am 24. Septamber 366 gstorben isch, isch s zue re Doppelwahl chuu. Scho zum Liberius isch 355 dr
Felix II.
as Gegebischof gwehlt wore. Wage dam het s zwoo großi Fraktione in dr Chilche gee, wu s 355 entstande Schisma wytergfiert han. D Aahanger vum Liberius han 366 dr Ursinus gwehlt, di friejere Aahanger vum 365 verstorbene Gegebischof Felix II. dergege dr
Damasus I.
as Noofolger.
Vor allem d Barteiganger vum Damasus han e Heer uusglupft, us Katakombenarbaiter un Fuerlyt, in han si mir dr Ursinianer bluetigi Stroßeschlachte z Rom gliferet. Wag dr Brutalitet het di staatli Exekutive in Person vum haidnische Stadtprefakt Vettius Agorius Praetextatus Bartei fir dr Damasus griffe un het dr Ursinus un syni Aahanger us Rom verdrybe loo.
Ai Johr speter han si unter em Chaiser
Valentinian I.
chenne retuurchuu. S han aber mieße versprache, ass si Fride mit dr andere Bartei halte. D Kampf sin aber bal wider ufgflammt. Die neie Kampft han zue re Verbannig vum Ursinus uf Gallie am 16. Novamber 367 gfiert.
D Aahanger vum Gegebischof han si uf Norditalie zrugzoge, wu si si ohni Erfolg fir ihre Bischof yygsetzt un uf juristischem Wag versuecht han, dr Ursinus zrugzhole. Wu dr Bischof Damasus I. im Dezamber 384 gstorben isch, het dr Ursinus wider Aasprich uf dr Bischofstitel gstellt. D Wahl vum
Siricius
han aber alli wytere Versuech vu dr Ursinianer zwacklos gmacht.
|
Da Artikel basiert uff ere fraie Ubersetzig vu
dere Version
vum Artikel ?
Ursinus_(Gegenpapst)
“ vu de dutsche Wikipedia. E Liste vu de Autore un Versione isch
do
z finde.
|