In dr Muusig isch e Thema e charakteristische musikalische Gedanke, wo in sich zue oder offe cha si und wo s Resultaat isch us Motiv und wie si witergspunne und im ene Stuck , Satz oder Satzdail witerverarbaitet und veranderet warde.

Nit jeedi Muusig basiert uf Themene. S Thema spiilt in dr oiropaische Muusig sit dr Ronessans e wichdigi Rolle fur Komposizioone, bsundrigs vom Barock und dr Klassik aa. In dr Volksmuusig , wo mundlig uberliiferet wird, reedet ma nit vo Themene, sondern vo charakteristische Lied-, Danz- und Melodieforme. Im Modern Jazz und speziell im Bebop brucht ma vilmol au dr Begriff bebop head .

Dr Begriff vom ?Thema“ brucht ma vor allem in dr strange Form vo dr Fuge , wo fur d Muusig vom Barock tupisch isch: D Fuge foot immer mit ere ainzelne Stimm aa, wo s Thema vorstellt. Die Iigangsmelodii vo dr Hauptstimm, wo denn nonig beglaitet isch, isch also mit em Thema identisch. Witeri Stimme chomme drzue, wo s Thema duen ufnee, wo s uf andere Doonstuefen widerhole und sich mit de andere Stimme zum ene kunstvolle Gflacht duen verbinde. S Thema isch nit s ainzige Material, wo kompositorisch witerverarbaitet wird und dr Lauf vom Wark bestimmt, aber s isch s waasentlige. Drbi cha s noch de Reegle vom Kontrapunkt uf e Hufe Arte veranderet warde.

In dr Klassik het s Thema die zentrali Stelli in dr Exposizioon vo dr Form vom Sonatesatz uberchoo. Es chunnt dort as Melodii vor, wo beglaitet wird und maistens strang summetrisch gliideret isch. Naben em git s e Kontrastthema. Us de Motiv und Figure vo baide Themene entwicklet dr Komponist denn dr middleri Dail vom Haupsatz vo dr Sonate, d ?Duurefuerig“, bevor d ?Reprise“ d Usgangsthematik widerholt und s Stuck abschliesst.

In dr Romantik isch ma mit em Thema as salbstandigi Idee, wo melodisch, harmonisch und rhythmisch isch, weniger strang umgange, und ma het s nume so klar chonne abgranze wie vorhaar. Bim Schumann het zum Bischbil s Ideal vo dr ?unandlige“ Melodii, wo nie ufhoort, e wichdigi Rolle gspiilt.

Da Artikel basiert uff ere fraie Ubersetzig vum Artikel ? Thema_(Musik) “ vu de dutsche Wikipedia. E Liste vu de Autore un Versione isch do z finde.