Us der alemannische Wikipedia, der freie Dialakt-Enzyklopedy
E
Supercomputer
oder
Superrachner
isch e
Hochleistigsrachner
, wo zum Ziitpunggt won er iigfuehrt wird im oberste realisierbare Leistungsberiich schafft. Drbii isch s nid wichdig, wien er ufbaut isch.
E typischs Merkmol vom ene modarne Supercomputer isch die grossi Zahl vo
Prozasser
, wo uf gmeinsami
Peripheriigrat
und uf e
Hauptspiicher
, wo deilwiis gmeinsam isch, chonne zuegrife. Die groossi Zahl vo Prozasser chunnt drvo, ass me d Gschwindigkeit vom ene einzelne Prozasser nid cha beliebig hocher mache. Dorum warde vili einzelni Rachner parallel gschaltet, wo jede drvo obbe gliichziitig e chliine Deil vo dr Arbet macht. Alli Rachner warde zentral gstuurt mit Programm wo bsundrigs uf Parallelitet usgrichdet si.