D Sophie Tschorn (* 1. Dezember 1891 en Cannstatt, heitzodag a Stadtdoil vo Stuegert ; † 24. Mai 1975 z Stuegert), ischt a deitscha Journalischdin, Pioniire vom Siddeitscha Rundfunk (seit 1998 Sidweschtrundfunk ) ond Autorin vo Sachlitradur gwaa.

Aus ihrem Leaba [ andere | Qualltaxt bearbeite ]

D Sophie Tschorn kommt am 1. Dezember 1891 z Cannstatt uff d Welt. Ihr Vadder Christian Peter ischt oiner vo de bekannde Mondlescher en sellra Stadt. ^[1] Noch dr Schuelausbildong dat des Sophiele am gernschda Lehrere werda, abr do drzua reicht s Geld halt et. Drom macht-se e-ma Stuegerter Kaufhaus a Lehr zor Vorkaifere.

Noch-em Erschda Weltkriag macht d Sophie Tschorn Bekanntschaft mit-em Leiter vo dr Cannstatter Volkshochschuel, em Lehrer August Lammle , wo sich en Wirdaberg als schwabischer Mundartdichter scho an Nama gmacht hot. Der ermondret dui jonga Frau, sich bei deam ganz nei grendeda Sudfunk Stuttgart ^[2] zo erkundiga, ob mr se deet villeicht braucha kennt. Des isch dr Fall, ond bald kriagt d Sophie Tschorn da Ufftrag, a Sendong fir Kender ens Leaba zo ruafa. S dauret et lang, ond dui Frau vorzehlt ondr ihrem Kinschtlernama Gretle von Strumpfelbach uff dr Welle 443 an jedem Samschdich en ihrer Kinderstunde Gschichtla ond Marla em schwabischa Dialekt .

Wia 1933 z Deitschland d Nazionalsozialischda an d Macht kommet ond alle Rundfunk-Ostalda gleichschaldet, hot d Sophie Tschorn koi Luscht meh, do mitzoschaffa. Erscht noch-em Zwoida Weltkriag goht-se zruck zom Sender, wuud Redakdeere ond erfendet au neie Sendonga, zom Beispiil ibr Bloama. Neabaher schreibt-se Biacher ond Ardikel fir regionale Zeidonga.

Am 24. Mai 1975 schliaßt d Sophie Tschorn en ihrer Hoimetstadt ihre Auga fir emmer. 83 Johr alt ischt-se worra.

Ehronga [ andere | Qualltaxt bearbeite ]

Em Stuegerter Stadtdoil Bad Cannstatt ischt a Stroß noch dr Sophie Tschorn benannt worra. ^[3]

A Auswahl vo ihre Werk [ andere | Qualltaxt bearbeite ]

• 1922: So mueß komma!
• 1925: Marle ond Gschichtle fur liabe Kender verzahlt
• 1939: Kleines Blumenpflege-ABC
• 1939: Umgang mit Blumen

Quella [ andere | Qualltaxt bearbeite ]

• Helmut Engisch: Pionierin des Rundfunks , an Ardikl en dr Stuegerter Zeidong em Rahma vo dr Reihe Landsleute , Ausgab fir da Kreis Beblenga, Wochaendbeilag vom 24. Dezember 2016, S. W 23
• Lueg d Weblink

Weblinks [ andere | Qualltaxt bearbeite ]

  Commons: Sophie Tschorn  ? Sammlig vo Multimediadateie

Oinzlne Nochweis [ andere | Qualltaxt bearbeite ]

1. ↑ Mondlescher ischt a Spitznama fir d Cannstatter ond goht zruck uff-en Fehlalarm vo dr Feierwehr em Johr 1887, wo durch-en Vollmond ausgleest worra ischt.
2. ↑ Spaderer Nama Suddeutscher Rundfunk , seit 1998 Sudwestrundfunk
3. ↑ Andrea Jenewein: Die Tochter eines Mondloschers . Archiviert vom Original am 5. Marz 2016 ; abgruefen am 1. Januar 2017 .