D’ Sibylle Stefanie Anderl (* 29. Nowamber 1981 z’ Oldenburg (Oldb) im Niedersachsa ) isch a diitscha Astrophysikera , Filosoofa un Wissaschaftsschurnalischta .

ihra Laawa [ andere | Qualltaxt bearbeite ]

D’ Anderl isch im Norda vu Ditschland ufgwacksa. Ihra Vatter isch Kinschtler gsii. ^[1] D’ Anderl hat d’ Abituur bschtanda un hat ab 2000 z’ Berlin gschtudiart: d’ Physik hat sa am Zantrum fir Astronomii un Astrophysik vu dr Tacknischa Uniwarsiteet vu Berlin gschtudiart, un d’ Filosofii am Inschtituut fir Filosofii, Wissaschafts- un Tacknikgschicht vu dr salwa Uniwarsiteet; drfir hat sa Abschlussarweta im Braich Astrophysik ^[2] un Filosofii vum Gaischt gmacht. ^[3] Naawa-n-ihra Schtudia hat sa pedagoogischa Schrifta fir Kinder iwwer d’ Gsundhait bebildert.

Ihra Dokterarwet hat sa unter’m Frank Bertoldi am Argerlander-Inschtituut fir Astronomii vu dr Rhainischa Friedrich-Wilhelms-Uniwarsiteet z’ Bonn gmacht. Anna 2013 hat sa ihra Dokterwirda im Fach Astrophysik bschtanda mit’ma Arwet um d’ Schtoosswalla -n-im interstellara Medium . ^[4] Schuu wahrend ihra Schtudia isch sa ans chileenischa Paranal-Observatorium ganga, wo vu dr Oiropaischa Sudschtarnwarta glaita wird.

Vu 2013 bis 2016 isch d’ Anderl Forschera gsii am Inschtitut vu Planetologii un Astrophysik vu Grenoble im Frankrich, wo sa um d’ Antschtehung vu da Schtarna un d’ Astrokemii gforscht hat. Drzua hat sa am Interferometer (hitt em Noema) gschafft un hat im Raahma vum CALYPSO-Projakt ( Continuum And Lines in Young Proto Stellar Objects ) mit’ra Forschergruppa d’ molekulara Schtrahlung um d’ Protoschtarn IRAM 04191+1522 beobachtet. ^[5] In dam Inschtituut isch sa noch hitt Gaschtwissaschaftlera. Im Wintersemaschter 2018 isch sa Profassera gsii an Uniwarsiteet vu da Kinschta vu Berlin, un im Wintersemaschter hat sa am Munchner Zantrum fir d’ Filosofii vu dr Mathematik vu dr Ludwig-Maximilians-Uniwarsiteet unterrichtet.

Ab 2010 isch d’ Anderl fraija Mitarwaitera in dr Abtailung Natuur un Wissaschaft vu dr Frankfurter Allgmaina Zittung (FAZ) gsii. Sitter 2017 isch sa doo Uffsatzera in dr Feuilleton-Abtailung Natuur un Wissaschaft. Anna 2020/2021 hat sa mit’m Redakzioonskolleeg Joachim Muller-Jung arklaart, was dr Coronavirus SARS-CoV-2 isch. In dr Anderl ihra Uffsatzerkirzel in dr FAZ isch ?sian“. Zuadam laadt ma-n-oft d’ Anderl in Wissaschaftssandungssandunga un uff Podia ii. In dr Sandaraihja ARD-alpha vu dr Bairischa Rundfunk reedet d’ Anderl mit Physiker, wo dr Nobelpriis bikumma han. ^[6] Fir d’ saalwa Sandung hat sa fimf Episooda gmacht, wu sa d’ Gschicht vu dr Mondforschung arklaart hat. ^[7]

Im Joohr 2017 isch in dr Anderl ihra aarscht Buach, ?Das Universum und ich“, ussaganga. In dam Wark bschribt sa d’ Gmainsamkaita zwischa-n-Astrophysik un Filosofii. ^{[8] [9] [10]}

Anna 2019 hat sa dr Hanno un Ruth Roelin-Priis fir Wissaschaftsschurnalischmus vu dr Max-Planck-Inschtitut fir Astronomii gwunna.

D’ Anderl wohnt z’ Frankfurt am Main im Ditschland.

d’ Biacher, wo sa gschriewa hat [ andere | Qualltaxt bearbeite ]

• Das Universum und ich: Die Philosophie der Astrophysik , Hanser, Muncha 2017, ISBN 978-3-446-25663-7 (2. Ufflaag, hochditsch)

  uff Italianisch iwwersatzt vu dr Silvia Albesano: L'universo e io. Una filosofia dell'astrofisica , Solferino 2018, ISBN 978-8-828-20037-6

• Kampf der Egos: Von der Selbstuberschatzung der Inkompetenten und den Selbstzweifeln der Leistungstrager , Kursusbuach 199, Hamburg 2019, ISBN 978-3-96196-118-4 (hochditsch)
• Physik des Lebens: Reflexionen kosmischen Ausmaßes , Kursbuch 203, Hamburg 2020, ISBN 978-3-96196-196-2 (hochditsch)

d’ Biacher, wo sa bebildert hat [ andere | Qualltaxt bearbeite ]

• Die Feuersalamanderin (gschriewa vum Kain Karawahn, bebildert vu dr Sibylle Anderl), Edition FeuerKinderBuch, Berlin, 2. Ufflaag 2015 (hochditsch)
• mit dr Gabriele Hoeltzenbein (Tackscht) ?Fipsi & Maxi ? und die Kinder vom See“, Band 1, Auer Verlag, Augsburg 2002, ISBN 978-3-403-03587-9 (hochditsch)
• mit dr Gabriele Hoeltzenbein (Tackscht) ?Fipsi & Maxi ? auf abenteuerlicher Reise“, Band 2, Auer Verlag, Augsburg 2002, ISBN 978-3-403-03589-3 (hochditsch)
• mit dr Gabriele Hoeltzenbein (Tackscht) ?Fipsi & Maxi ? und die Sache mit Willi“, Band 3, Auer Verlag, Augsburg 2003, ISBN 978-3-403-03588-6 (hochditsch)
• mit dr Gabriele Hoeltzenbein (Tackscht) ?Fipsi & Maxi ? Rettung in letzter Sekunde“, Band 4, Auer Verlag, Augsburg 2005, ISBN 978-3-403-03590-9 (hochditsch)

Weblinks [ andere | Qualltaxt bearbeite ]

• D’ Sibylle Anderl , uff dr Websitta vu dr Frankfurter Allgmaina Zittung (hochditsch)
• D’ Sibylle Anderl in dr Databank vum Philosophicum Lech (hochditsch)
• In dr Sibylle Anderl ihra veraffentligta filosoofischa Forschungsartickel in dr PhilPeople -Databank (anglisch)
• In dr Sibylle Anderl ihra latschta Veranschtaltunga bi dr Schtiftung Kunscht un Natuur (hochditsch)
• In dr Sibylle Anderl ihra parseenliga Websitta (hochditsch)

Ainzelnohwiisa [ andere | Qualltaxt bearbeite ]