Us der alemannische Wikipedia, der freie Dialakt-Enzyklopedy
dr Sergius I., Darstellig in dr Basilika Sankt Paul vor dr Muure
Dr
Sergius I.
(* z
Palermo
; †
7. Septamber
701
) isch vu 687 bis zue sym Dood
Paapscht
gsii.
Dr Sergius isch dr Suhn vun eme Tiberius un isch us ere syrische Emigrantefamilie chuu. Ar isch z Palermo uf d Walt chuu un z
Sizilie
ufgwachse.
Noch em Dood vum Paapscht
Konon
han zwee Manne um s Paapschtamt gstritte: dr Erzdiakon
Paschalis
un dr Erzprieschter
Theodor II.
S reemisch Volk un dr Klerus han aber dr Sergius gwehlt, vermuetli am 15. Dezamber 687. Fir sy Zuestimmig zum Amtsaadritt het dr
Exarch
vu
Ravenna
, dr Johannes Platys, d Zahlig vu 100 Goldbfund gfoorderet, wun em dr Paschalis versprochen ghaa het.
Dr Sergius het si syner Labdig fir d
Chrischtianisierig
vu
Angland
yygsetzt. Ar het dr weschtsachsisch Cheenig Caedwalla daift, het dr Aldhelm vu Sherborne, dr Abt vu
Malmesbury
, mit allne Chreft unterstitzt, het dr Anglander Willibrord zum Bischof gweit un en zum Breedige uf Fryysland gschickt. Ar het au d Beziehige zum
Frankeryych
gfeerderet.
Um 693 het dr Sergius Handel kriegt mit em
byzantinische
Chaiser
Justinian II.
, wel er si gwaigeret het, d Akte vum
Quinisextum
z unterschryybe. Zue dr strittige Pinkt han d Verurdailig vum Paapscht
Honorius I.
un di protokollarisch Glyychstellig vum
Patriarch
vu
Konstantinopel
mit em Paapscht gheert, dernaabe s Verbot vum Samschigfaschte un d Darstellig vum Chrischtus as
Agnus Dei
gheert. Dr Versuech, dr Paapscht verhafte un uf Konstantinopel verschlaipfe z loo, sch am Widerstand vu dr Milize vu Rom un em Exarchat vu Ravenna gschyteret. Us dr Zyt noo dr Absetzig vum Justinian 695 waißt mer nu no weenig: Dr Sergius isch vylmol unterwags gwsii un het e Hufe Chilche gweit.
Dr Paapscht Sergius het di chilchli Liturgy uusgstaltet: Dr Gsang vum
Agnus Dei
isch vu ihm in d Massliturgy ufgnuuwoore, Di reemische Chilche het er ryych uusschmicke loo un anne 688 het er d Reliquie vum
Leo em grooße
in s Inner vu dr Petersbasilika iberfiere loo.
Sy kadoolische Maandaag isch dr 8. Septamber, s eerscht Moo gnannt im Feschtkalander vum Willibrord.