D Ruth Ida Gattiker (* 22. Mai 1923 z Zur ; † 24. Juuli 2021 ^[1] uf Tafaas ) isch e Schwyzer Aneschtesischti gsii. Si isch aini vu dr eerschte Brofasserne fir Mediziin an dr Uniwersiteet Zuri gsii.

Laabe [ andere | Qualltaxt bearbeite ]

D Ruth Gattiker isch di elter vu zwoo Deechtere vum Ingenieur Paul Gattiker (1881?1961) un dr Bertha Gattiker-Frischknecht (1888?1975) gsii un isch z Oerlike am Rand vu dr Stadt Zuri ufgwagse. Wel dr Vater dergeege gsii isch, ass si uf s Gimnaasium gangen isch, het si d Handelsschuel vu dr Heechere Deechterschuel vu dr Stadt Zuri absolwiert un het 1943 d Handelsmatura abglait. Derno het si duuregsetzt, ass si mit eme Zuesatzjoor an ere Privaatschuel e kantonaali Matura het chenne mache. Si het welle Dokteri gee, aber dr Vater isch dergeege gsii. Au het ere dooderzue di Aidgnessisch Matura gfaalt. Anne 1944 hetr si aafange Mathematik studiere an dr Uniwersiteet Zuri. Wel si aber alne het welle Dokteri waare, het si no fimf Joor no haalige di Aidgnessisch Matura gmacht un het si fir Mediziin immatrikuliert. Dr Vater het doodruf sy Wiiderstand ufgee.

Ab 1946 het si Mediziin studiert. Anne 1951 isch si fir ai Semeschter an dr Sorbonne z Paris gsii. 1952 het si s Aidgnessisch mediziinisch Staatsexaame z Zuri gmacht un 1953 an dr Uniwersiteet Lausanne promowiert , wu si bis 1955 as wisseschaftlgi Mitarbaiteri gschafft het. Derno isch si an s Chrankehuus vu dr Schwyzerische Bflaagerneschuel Zuri as Assischtanzdokteri fir Chirurgy gwagslet. Wel ere di deertig Schefdokteri fir Chirurgy Marie Luscher ? doodmool di ainzig Schefdokteri in dr Schwyz ?, het si dr Wunsch ufgee, Chirurgi z gee. Si isch dervu uusgange, ass si as Frau nume gringi Ufstiigsschangse in dr mannedomoinierte Chirurgy het, un het het si derno us doodmool no nei Fach Aneschtesiology kunzantriert.

Anne 1956 isch si an s Kantoonsspital Zuri as Assischtanzdokteri fir Aneschtesy gwagslet, 1960 isch si Ooberdokteri woore. 1961 isch dr schweedisch Haarzchirurg Ake Senning Laiter vu dr Chirurgische Klinik A vum Kantoonsspital Zuri woore un d Ruth Gattiker aini vu syne angschte Mitarbaiter*ne. Si het si in haarzchirurgischer Aneschtesy spezialisiert un dr Senning het iri akadeemisch Karrieere gfeerderet. 1963/1964 het si an dr Mayo Clinic z Rochester (Minnesota) bim John Webster Kirklin gschafft. 1969 isch si bi dr eerschte Schwyzer Haarztransplantazioon mit derbyy gsii, wu dr Ake Senning duuregfiert het. Im namlige Joor het si iri Habilitazioonsschrift Anasthesie in der Herzchirurgie yygee. D Ruth Gattiker isch e Pionieri in irem Fachbiet gsii, s Buech isch zum Standardwaarch woore.

Anne 1976 isch si Laitendi Dokteri woore un Titulaarbrofasseri an dr Uniwersiteet Zuri. Si isch dodermit aini vu dr eerschte Brofasserne an dr Mediziinische Fakulteet gsii un zame mit dr Augedokteri Anne-Catherine Martenet di eerscht, wu us dr kliinisch Praxis chuu isch un e akadeemischi Karrieere gmacht het. Anne 1986 isch d Ruth Gattiker pansioniert woore. Vu 1995 bis 2006 het si no Musikwisseschafte un Filosofy an dr Uniwersiteet Zuri studiert. Mit ire voormoolige Voorgsetzte, dr Chirurgi Marie Luscher , isch si, bis zue daare Dood 1991, 36 Joor lang liiert bliibe. ^[2] Si isch im Juuli 2021 im Alter vu 98 Joor uf Tafaas gstoorbe. ^[3]

Eerige [ andere | Qualltaxt bearbeite ]

• 2006: Eeremitgliid vu dr Schwyzerische Gsellschaft fir Aneschtesiology un Reanimazioon (SGAR).
• Anne 2018 het d SAMW dr Stern-Gattiker-Bryys in s Laabe gruefe, gnannt no dr Lina Stern , dr eerschte Brofasseri fir Mediziin an dr Uniwersiteet Gamf, un no dr Ruth Gattiker. Mit dam Bryys waare wyybligi Voorbilder in dr akadeemische Mediziin uuszaichnet.

Literatur [ andere | Qualltaxt bearbeite ]

• Denise Schmid: Ruth Gattiker. Pionierin der Herzanasthesie. Hier und Jetzt, Baden 2016, ISBN 978-3-03919-409-4 .

Weblink [ andere | Qualltaxt bearbeite ]

• Urs Buhler: Wissensdurst, Willenskraft und ein paar Glaser Wein . In: Neue Zurcher Zeitung , 8. Septamber 2016
• Ruth Gattiker zu Gast bei Kurt Aeschbacher , SRF, 13. Oktoober 2016.
• Ruth Gattiker ? Pionierin der Anasthesie , SRF, 2. April 2017
• Ruth Gattiker: eine der ersten Medizin Professorinnen . uf dr Websyte vu dr Alumni vu dr Uniwersiteet Zuri, 14. Mai 2015.
• Publikatione vo und uber Ruth Gattiker im Katalog Helveticat vo dr Schwiizerische Nationalbibliothek

Fueßnote [ andere | Qualltaxt bearbeite ]

1. ↑ Traueranzeige , Neue Zurcher Zeitung , 30. Juli 2021.
2. ↑ Denise Schmid: Fraulein Doktor. Das Leben der Chirurgin Marie Luscher . Hier und Jetzt, Zurich 2022.  
3. ↑ Urs Buhler: Zum Tod von Ruth Gattiker: Als Pionierin der Anasthesie war sie an der schweizweit ersten Herztransplantation beteiligt. Und sie blieb aktiv bis ins hohe Alter. In: Neue Zurcher Zeitung. 30. Juli 2021, abgruefen am 30. Juli 2021 .  

Da Artikel basiert uff ere fraie Ubersetzig vu dere Version vum Artikel ? Ruth_Gattiker “ vu de dutsche Wikipedia. E Liste vu de Autore un Versione isch do z finde.