Dr Rudolf-Gunther Lapple (* 26. Okdobr 1928 z Heilbronn , † 9. Juli 2004 ) ischt a deitscher Kirchamusiker (Landeskirchamusikdirekdr, Kantor, Organischt) gwaa.

Aus seim Leaba [ andere | Qualltaxt bearbeite ]

Dr Rudolf-Gunther Lapple kommt em Johr 1928 z Heilbronn uff d Welt, wo-nr e-ma musikalischa Eldernhaus uffwechst. Drom isch’s et vrwonderlich, dass der Bua scho bald noch seira Konfrmazioo vo dr Heilbronner Friidenskirch zom neabamtlicha Organischda bstellt wuud. Em Alder vo 16 Johr ? dr Zwoide Weltkriag ischt em volla Gang ? wuud’r vo de Nazionalsozialischda zom Kriagsdenscht vorpflichdet, zerscht als Luftwaffahelfer, no zom Reichsarbeitsdenscht ond no noh zo dr Wehrmacht. Deam schliaßt sich a franzeesischa Kriagsgfangaschaft oo.

Wiidr zruck en dr Hoimet, bsuecht dr Lapple vo 1946 oo drei Johr lang dui evangelisch kirchlicha Lehreroberschuel z Michlbach an dr Bilz , wo-nr mit-em Abidur abschliaßt. Hendrher belegt’r als Student s Fach Evangelischa Kirchamusik an dr Stuegerter Musikhochschuel. So ganz neabaher vorsiht’r noh d Uffgab vom Kantor ond Organischda en [[Goppingen[Gebbenga]]. 1952 kriagt’r sei erschda hauptamtlicha Stell als Kantor ond Organischt an dr Ludwigsburger Stadtkirch. Do drmit vrbonda isch d Uffgab vom Bezirkskantor fir da ganza Kirchabezirk Ludwigsburg. Sei Arbet vrsiht’r deet zwanzg Johr lang mit-ra wahra Leidaschaft, was zor Folge hot, dass sich d Kirchamusik z Ludwigsburg em Lauf dr Zeit zo-ra graußa Bliade entfalda koo.

1971 beruaft dr Evangelische Obrkircharat da Lapple zom Gschaftsfihrer fir sei Amt fir Kirchamusik. Siiba Johr spader wudd’r Nochfolger vom Hermann Stern als Landeskirchamusikdirekdr vo dr Evangelischa Landeskirch en Wirdaberg .

Am 9. Juli 2004 macht dr Lapple seine Auga fir emmer zua. 75 Johr send-em zom Leaba vorgennt gwaa.

Ehronga [ andere | Qualltaxt bearbeite ]

• 1980 isch dr Lapple vom Landesbischof vo dr Evangelischa Landeskirch en Wirdaberg weaga seine Vordinscht uff-em Gebiit vo dr Kirchamusik zom Landeskirchamusikdirekdr ernannt worra. ^[1]
• 1988 ischt em Lapple vom domoliga Bundesprasident Richard von Weizsacker weaga seine außergewehnliche Leischdonga om d evangelischa Kirchamusik s Bundesvordinschtkreiz am Bande vorliha worra. ^[2]

Quell [ andere | Qualltaxt bearbeite ]

• Siegfried Bauer: Wurttembergische Großen der Kirchenmusik , a Ardikel en dr Festschrift Landeskirchenmusikfest 2017 , rausgaa vo de Wurttembergische Blatter fur Kirchenmusik , Ausgab 3/2017, S. 64?73

Oinzlne Nochweis [ andere | Qualltaxt bearbeite ]

1. ↑ Ludwigsburger Kreiszeidong vom 1. Juni 1980
2. ↑ Ludwigsburger Kreiszeidong vom 20. Januar 1988