Us der alemannische Wikipedia, der freie Dialakt-Enzyklopedy
dr Rolf Asal, 1998
Dr
Rolf Asal-Steger
(*
1953
as
Rolf Asal
) isch e
dytsche
,
kadoolische
Theolog
.
Dr Asal isch z
Dodtnau
as jingscht Chind in ere Handwaarcherfamilie mit vier Gschwischter ufgwagse. Wel s im Wiisedaal doodmool no kai Gimnaasium gee het, isch er uf s Erzbischefli Stuudiehaim z
Semmerenga
gange un het deert Abituur gmacht. An dr
Universiteet Fryburg
het er kadoolischi Theology studiert. Fir ai Joor het er au am Institut Catholique z Paris studiert un derno zwai Joor lang an dr Dytsche Schuel z Paris un am Lycee Hoche z Versailles Religioon unterriichtet. Ar isch derno wider retuur uf Fryburg zooge un het vu 1989 bis 1999 as Religionsleerer am Humanistische Gimnasium z Baasel un as paschtorale Mitarbaiter bi dr Kadoolische Universiteetsgmai z Baasel gschafft. Anne 1999 isch er Laiter vu dr Kadoolische Universiteetsgmai woore un 2000 isch er zum Standige Diakoon vum
Bischtum Baasel
gweit woore. Im Septamber 2004 isch er Chuurslaiter im Noodiploomstuudium Beruefsyyfierig (NDS BE) woore un im Meerz 2005 Diakoon in dr Bfarrei St. Michael,
Lozarn
. Im Septamber 2006 isch dr Asal-Steger neie Uusbildigslaiter im Seminar St. Beat, Lozarn woore, as Noofolger vum
Felix Gmur
, wu zum neie Generaalsekreteer vu dr Schwyzer Bischofskumferonz gweelt wooren isch. Uf Andi Juuli 2015 isch er us dam Amt uusgschiide un schafft syterhar as Diakon in dr Bfarrei z
Adlige
.
Vu 1989 bis 1999 isch dr Rolf Asal fir d ODP im Gmairoot vu dr Stadt
Fryburg
ghockt.
Ar isch ghyroote mit dr Schwyzer Hailpedagoogi un Raachtsaawalti Renata Asal-Steger (* 1960) vu Ettiswil. Si han zame zwee Siin, Samuel (* 1997) un Simeon (* 2000). Vu 1997 bis 2005 het d Familie z Fryburg glabt, syterhar labe si z Lozarn im Obergutsch.
Anne 1985 het dr Rolf Asal bim
Wettbewarb
Jungi Mundart 84
vu dr
Muettersproch-Gsellschaft
dr 3. Bryys fir Prosa gwunne. Gediicht vun em uf Alemannisch sin in dr Anthology
D Hailiecher
uusechuu, vu iim isch au s Gediicht, wu dr Anthology dr Name gee het. Syterhar isch dr Asal aber nimi as Dialaktautor in Erschyynig dratte.
- Katholischer Pastoralraum meggerwald pfarreien, Pfarreiblatt, 14/2015, S. 4-5 (
Online
)
