D Muhterem Aras (* 2. Janner 1966 z Elmaagaca bi Bingol, Tirkei ) isch e dytschi Bolitikeri ( Bindnis 90/Di Griene ). Si giltet as di erscht Abgeordnet mit Migrationshintergrund , wu dirakt in e dytsche Landdag gwehlt woren isch ^[1] un di erscht Muslima im Landdag vu Bade-Wirttebarg . Syt em 11. Mai 2016 isch si Landdagsbresidanti.

Uusbildig un Beruef [ andere | Qualltaxt bearbeite ]

D Aras isch in dr Tirkei in eme anatolische Dorf as Dochter vu alevitische Kurden uf d Walt chuu un isch anne 1978 mit ihre Eltere un Gschwister uf Filderstadt chuu. Si het z Nirdenge di Mittler Ryfi un derno 1989 am berueflige Gymnasium Friedrich-von-Cotta-Schule z Stuegert s Abitur gmacht. No dr Schuel het si an dr Universitat Hohenheim Wirtschaftswisseschafte studiert. Anne 1999 het si z Stuegert e Styyrberotigsbiro grindet. Si isch Mitglid vum Ufsichtsrot vu dr staatlige Toto-Lotto GmbH un vum Byrot Sid vu dr SV vu SparkassenVersicherungen.

Bolitik [ andere | Qualltaxt bearbeite ]

Ihri bolitisch Laufbahn het anne 1992 mit em Yydritt bi dr Grienen aagfange. E erscht Mandat het si no dr Kommunalwahl 1999 im Gmaindsrot vu Stuegert ibernuu. Dert isch si vu 2007 bis 2011 Fraktionsvorsitzeri vu ihre Bartei gsii. Syt Juli 2014 ich si Vorsitzeri vum Kraisverband vu dr Griene z Stuegert.

Bi dr Landdagswahl z Bade-Wirttebarg 2011 het si s Diraktmandat im Wahlkrais Stuegert I mit 42,5 % vu dr Stimme gwunne. ^[2] Si isch Mitglid un dr Uusschiss fir Finanzen un Wirtschaft un fir Kultur, Juged un Sport. Derzue isch si au finanzbolitischi Spracheri in dr Griene-Fraktion.

Anne 2016 het si wider im Wahlkrais Stuegert I kandidiert un het s Mandat mit 42,4 Brozant gwunne, wie sco 2011 wider mit em landeswyt beschte Ergebnis fir ihri Bartei. ^[3]

Am 11. Mai 2016 isch d Aras mit 96 Stimme zue dr neie bade-wirttebargische Landdagsbresidanti gwehlt wore. Si isch dodermit dytschlandwyt s erscht Mitglid vu dr Grienen un z Bade-Wirttebarg di erscht Frau in dam Amt.

Ehreamt [ andere | Qualltaxt bearbeite ]

D Aras isch Mitglid vu dr Heinrich-Boll-Stiftung Baden-Wurttemberg e. V. , vum Bund fur Umwelt und Naturschutz Deutschland (BUND) , vum Tollhaus e. V. , vu dr Freunde und Forderer des Altenzentrums Zamenhof und Haus Hasenberg e. V. , vum Forderverein der Nesin-Stiftung (FoNes) e. V. un vum MTV Stuttgart 1843 e. V.

Familie [ andere | Qualltaxt bearbeite ]

D Muhterem Aras isch syt 1986 ghyrote mit em Sami Aras un het mit em e Suhn un e Dochter.

Fueßnote [ andere | Qualltaxt bearbeite ]

1. ↑ "Wir stehen grundsatzlich zur Volksabstimmung" , Deutschlandradio Kultur, Artikel vum 9. April 2011
2. ↑ Rudiger Soldt: Die grune Stimmkonigin. faz.net, 1. April 2011, abgruefen am 3. Marz 2013 .  
3. ↑ Statistisches Landesamt Baden-Wurttemberg: Wahl zum 16. Landdag vu Bade-Wirttebarg am 13. Merz 2016. Vorlaifigi Ergebnis. Reihe Statistische Analysen, 1/2016, online, (Memento vom 25. Marz 2016 im Internet Archive ) S. 24

Weblink [ andere | Qualltaxt bearbeite ]

  Commons: Muhterem Aras  ? Sammlig vo Multimediadateie

• Internetbresanz vu dr Muhterem Aras
• Uuszug us em Abgordnete-Handbuech vum Landtag vu Bade-Wirttebarg fir di 15. Wahlperiod
• Profilsyte Landdagsfraktion
• Muhterem Aras uf abgeordnetenwatch.de
• Vom anatolischen Madchen zur schwabischen Politikerin , Deutsche Islamkonferenz
• Michael Schwarz: Die Expertin furs liebe Geld , Mannheimer Morgen, 4. Merz 2014

Da Artikel basiert uff ere fraie Ubersetzig vu dere Version vum Artikel ? Muhterem_Aras “ vu de dutsche Wikipedia. E Liste vu de Autore un Versione isch do z finde.