Dr Miguel Primo de Rivera y Orbaneja, Marques de Estella (* 8. Januar 1870 z Jerez de la Frontera ; † 16. Merz 1930 z Bariis ) isch e schbanische Generaal und vo 1923 bis 1930 Diktator gsi.

Dr Miguel Primo de Rivera isch an dr Milidaarakademii z Madrid usbildet worde. Er het sich vo 1895 bis 1913 in de Kampf in de domoolige schbanische Kolonie Kuba , Filippine und Schbanisch Marokko uszaichnet. Won er z Marokko gsi isch, het er d Regierigspolitik in dr Kolonii kritisiert. Er isch wage dam meermols entloo worde, aber denn het man en wider iigstellt. 1922 und 1923 isch er Generalkapitan vo Katalonie gsi, won er d Bevolkerig gege sich ufbrocht het mit dr Art, wien er gege die Ufstandische vorgangen isch.

Fur zum de Staatskrisene, wo sich die ganz Zit widerhoolt hai, en And mache, het er, understutzt vom Koonig Alfons XIII. , am 13. Septamber 1923 e Milidaardiktatuur errichdet, wo saggs Joor duurt het. Zerst het er as Regierig e Direktorium iigsetzt, wo nume mit Milidaar bsetzt gsi isch. 1925 si au Ziviliste drzue choo, und dr de Rivera het denn dr Ditel "Ministerbresidant" aagnoo. Dr de Rivera het vo Aafang aa bedoont, ass d Diktatuur sott befristet si. Am Aafang het s Erfolg gee wie dr entschaidendi Siig uber die Ufstandische in Marokko bi Alhucemas und e gwusse wirtschaftlige Ufschwung, denn het dr Primo de Rivera am 28. Januar 1930 aber muesse zruggdrate, zum Unruejene und Ufstand vermiide. Denn hai d Republikaner bi de Kommunalwaale gwunne und am 14. April 1931 isch die Zwaiti Schbanischi Republik usgrueft worde.

Em Primo de Rivera sini Chinder, dr Jose Antonio (1903?1936) und d Pilar (1907?1991), hai 1933 die schbanischi faschistischi Bewegig Falange grundet.

Weblingg [ andere | Qualltaxt bearbeite ]

  Commons: Miguel Primo de Rivera  ? Sammlig vo Multimediadateie