Da Artikel gad ibor d Sdadd Metzeng en Bad-Wirddabarg. S Dorf, ma ao Metzingen haesd, isch Dael vo dor Vorwaldong vo dor nidorsachsischa Gmaende Gohrde .

Wappa	Deitschlandkart
	48.536666666667 9.2858333333333 350 Koordinate: 48° 32′  N , 9° 17′  O
Basisdata
Bundesland:	Bade-Wirttebarg
Regierongsbezirk:	Dibenga
Landkroes:	Reitlenga
Heh :	350 m i. NHN
Flach:	34,6 km²
Eiwohner:	22.528 (31. Dez. 2022) [1]
Bevelkerongsdicht:	651 Eiwohner je km²
Boschtloetzahle :	72541?72555
Vorwahl :	07123
Kfz-Kennzoeche :	RT
Gmoedsschlissel :	08 4 15 050
Stadtgliderong:	Charnstadt un 2 Stadtdeil
Adress vo dr Stadtverwaltong:	Stuttgarter Str. 2-4 72555 Metzingen
Webprasenz:	www.metzingen.de
Oberbirgormaesdor :	Ulrich Fiedler (parteilos)
Lag vo de Stadt Metzingen em Landkroes Reitlenga

Metzeng [medseŋ] ^[2] odr Metzenga isch a wirddabargischa Sdadd em Graes Reidleng . Metzeng mid saene 22.000 Aewonor (2017) leid am Fuas vo dor Reidlengor Alb , am Auslaof vom Ermsdaal . Metzeng had zwae Beinama:

Waaga saem Wahrzaecha, de siba Keldora am Keldornblatz, had Metzeng dor Beinama Siba-Keldora-Sdadd . Dor Wae-Abau had scho emmor a gwissa Roll en dor Sdadd gsbiild. Dor Metzengor Wae isch zs?ma mid-em Reidlengor dor sidlichsde en Wirddabarg.

Waaga saene ibor 80 (!) Outlet-Shops vo alle bedeidende Klaedorfirmena ond Premiom-Marga, dor haechsda darardicha Konzendrazio en ganz Deidschland, nennd sich Metzeng ao OutletCity . Agfanga had-s mal mid-em Fabrikvorkaof vo dor Firma Hugo Boss, dui ma bis haed en Metzeng dorhoem isch. Enzwischa isch d Sdadd an jedem Wochaende reglmasich voolgsdobfd mid bis zo zaadaused Schnabbles-Jagor uff oemal, salbsd aus Japan ond China kommed-se.

Geografi ond Geologi [ andere | Qualltaxt bearbeite ]

Metzeng leid zendral en Bada-Wirddabarg , ogfar 30 km sidlich vo Sduagord . Mor ka brima nafaara, ibor d B27/B312 vo dor A8 ( Karlsrua - Sduagord - Ulm ) ond vom Flugblatz Sduagord har, ond mid-em Regional-Express Sduagord - Dibenga all halba Sdond.

Metzeng isch mid-ma Adael vo 80,2 % vo saenor Fleche am Biospharagebiid Schwabisch Alb bedaelichd. Drotzdem isch-s an de Sidheng vom Ermsdaal so warm, dass da no dor Wae waggsd. Om d Sdadd rom had-s ausordem no relativ viil Sdraeobsdwiisa .

Om Metzeng rom geid-s edliche Iborrasd vom so gnannda Schwabischa Vulkan . Am bekanndesda isch dor Jusi (672,8 m i.NN.), em Nachborflagga Kohlbarg glaaga. Abor ao dor Floriansbarg ond dor Grafabarg ghaered dorzua, baede em Nachborflagga Grafabarg glaaga.

Sdadddael [ andere | Qualltaxt bearbeite ]

Zo Metzeng ghaered d Sdadd salbor, ond dia frijor salbsdendiche Flagga Nuihausa ond Glems. Nach-em Zwaeda Waldgriag baud warda send uff Metzengor Gmarkong dia zwae Sidlonga Haugarae (Haugenrain) ond Neigreid (Neugreuth). Fir Nuihausa ond Glems geid-s aegene Ortschaftsrat mid-ma Ortsvorstehor ^[3] .

Ondorgange send em Sdaddgebiid d Wiasdong Brenningen; em Sdadddael Nuihausa on Hof, dar ma vormuadlich em 14. Jarhondord em Glosdor Zwiifalda ghaerd had; ond en Glems d Flagga Ondoror Hof ond Oboror Hof ^[4] .

Nachborgmaendena [ andere | Qualltaxt bearbeite ]

An Metzeng grenzed a (vo Norda aus, em Uhrzaegor nach): Riadrich , Grafabarg (baede Landgraes Reidleng), Kohlberg , Neiffa (baede Landgraes Essleng ), Deddeng , Sankt Johann , ?neng ond Reidlen (alle Landgraes Reidleng).

Metzeng had d Funkzio vom-a Middlzendrom en dor Regio Naggor-Alb fir d Sdadd Aurich , fir Deddeng , Grabasdedda , Grafabarg , Hilba , Riadrich ond Remorsdoe .

Wahla [ andere | Qualltaxt bearbeite ]

Ergabnis vo de Landdaagswahla seid 2006:

¹ 2006: WASG, seid 2011: Die Linke

Schwabisch en Metzeng [ andere | Qualltaxt bearbeite ]

Metzeng ghaerd zom aehaedlicha zendralschwabischa Dialaggdgebiid. Ondor de eldore Leid, ao ondor solche, ma aersd nach-em Zwaeda Waldgriag uff d Wald komma send, ka-mor beim familiara Schwatza no alde Verbalforma wia "ar fluigd" (fliegt), "luigd" (lugt), "schluisd" (schliest) ond so weidor haera.

Als schwabische Schreiborenna aus ond en Metzeng waes-mor:

• Rosemarie Bauer (* 1936), a Kunsdmalore ond Schreibore, dui ma Gedicht em schwabischa Dialaggd vorfassd
• Doris Oswald (* 1936), a schwabischa Mundartdichdore

Bildor [ andere | Qualltaxt bearbeite ]

• 
  S Radhaus vo 1668
• 
  D Martinskirch
• 
  Oena vo de siba Keldora
• 
  D Alda Apothek

Liddratur [ andere | Qualltaxt bearbeite ]

• Wurttembergisches Stadtebuch ; Band IV Teilband Baden-Wurttemberg Band 2 aus ?Deutsches Stadtebuch. Handbuch stadtischer Geschichte ? Im Auftrage der Arbeitsgemeinschaft der historischen Kommissionen und mit Unterstutzung des Deutschen Stadtetages, des Deutschen Stadtebundes und des Deutschen Gemeindetages, hrsg. von Erich Keyser, Stuttgart, 1961
• Metzingen. Informationsbroschure , 12. Auflage, Mering: WEKA-Info-Verlag, 2005, 48 S.

Wabblenks [ andere | Qualltaxt bearbeite ]

  Commons: Metzenga  ? Sammlig vo Multimediadateie

• Offizialla Internetseid vo dor Sdadd Metzeng

Fuasnoda [ andere | Qualltaxt bearbeite ]

1. ↑ Statistisches Landesamt Baden-Wurttemberg ? Bevolkerung nach Nationalitat und Geschlecht am 31. Dezember 2022 (CSV-Datei).
2. ↑ Lutz Reichardt, Ortsnamenbuch des Kreises Reutlingen, 1983, S. 92; alle weidore Flagganama aus-em Graes Reidleng em obicha Ardiggl ao nach-em Reichardt
3. ↑ Hauptsatzig vu dr Stadt Metzenga vum 18. Mai 2006 (PDF)
4. ↑ Das Land Baden-Wurttemberg. Amtliche Beschreibung nach Kreisen und Gemeinden. Band VII: Regierungsbezirk Tubingen. Kohlhammer, Stuttgart 1978, ISBN 3-17-004807-4 . S. 38?41

Stedt ond Gmoinde em Landkrois Reitlenga Aurich  | Blitzhausa  | Deddenga  | Drochdlfenga  | Engschdenga  | ?nenga  | Gommadenga  | Grabaschdedda  | Grofabarg  | Hoegna  | Haoaschdo?  | Hilba  | Lichdaschdo?  | Mahrschdedda  | Metzenga  | Mensenga  | Pfraoschdedda  | Pfullenga  | Reitlenga  | Riadrich  | Remerschdo?  | Sankt Johann  | Sonnabihl  | Walldorfhaslach  | Wannweil  | Zwiifalda  | Guetsbezirk Mensenga (gmoifreis Biet)

Da Artikel basiert uff ere fraie Ubersetzig vu dere Version vum Artikel ? Metzingen “ vu de dutsche Wikipedia. E Liste vu de Autore un Versione isch do z finde.