Us der alemannische Wikipedia, der freie Dialakt-Enzyklopedy
dr Konon, Darstellig in dr Basilika Sankt Paul vor dr Muure
Dr
Konon
(†
21. Septamber
687
z
Rom
) isch vu 686 bis zue sym Dood
Paapscht
gsii.
Wu dr Paapscht
Johannes V.
im Augschte 686 gstoorben isch, isch s zue Stryt zwisch em un dr Birgermiliz chuu. Boodi Fraktione han si au kai gmainsame Kandidate chenne ainige. Wu si dr Konflikt zwische dr boode Fronte zuegspitzt het, d Militeerbartei dr Presbyter
Theodor II.
zum Paapscht gwehlt ghaa het un em Klerus dr Waag zue dr
Lateranbasilika
verspeert het, han di Gaischtlige noogee unmer het noch eme neie Kompromisskandidat gluegt.
Daa Kompromisskandidat isch dr alt Prieschter Konon gsii. Wel er e Suhn vun eme General gsii isch, het mer au d Miliz fir dar Kandidat chenne gwinne un eso isch er 21. Oktober 686 ohni Gegestimme gwehlt woore.
Dr nei Paapscht het kai Intrassi an waltlige Frooge zaigt, het e schlicht Gmiet ghaa un isch standig chrank gsii, was wahrschyns an sym hoche Alter glaagen isch. D ?schlicht Gmiet“ vum Konon isch wohl aa d Ursach vun eme sizilianische Buurenufstand gsii. Dr Paapscht het namli ne Diakon vu dr Chilche vu
Syrakus
, en gwisse Konstantin, zum Verwalter vum paapschtlige Bsitz z
Sizilie
gmacht. Zum aine het dr Paapscht dodermit dr hoch Klerus gege si ghaa, wel daa s Amt vun eme sizilianische Rektor as sy Bsitzstand aagluegt ghaa het, zum andere het si rusgstellt, ass salle Konstantin nit basst het. Dr Verwalter vum Paapscht het d Buure uusbytet un en Ufstand unter dr paapschtlige Paachter aagstiftet.
Wie dar Rektor vorgangen isch, isch eso umstritte gsii, ass en dr Gouverneur vu Sizilie het verhafte un schließli uuswyyse loo, was seli pyynli gsii isch fir dr Paapscht.
Noch eme elfmoonetige Pontifikat isch dr Konon z Rom gstoorbe.
- Ph. Levillain:
Dictionnaire Historique de la Papaute
. 1994
