Dr Antisemitismus , au Judehass , isch an Art vo Rassismus . Es isch d Ablehnung vo de Jude as religiosi oder ethnischi Gruppe oder as ≪ Rasse ≫ us verschidnige Grund.

Uurschbrung vom Begriff [ andere | Qualltaxt bearbeite ]

Dr Begriff Antisemitismus isch gege s Andi vom 19. Johrhundert erfunde worde und wird im allgemeine nume in Bezug uf Jude bruucht, und nid gegen anderi Lut, wo a semitischi Schbrooch rede wie d Araber. 1879 het dr Wilhelm Marr s Wort Judehass in sim Buech Der Sieg des Judenthums uber das Germanenthum. Vom nicht confessionellen Standpunkt aus betrachtet bruucht. S Johr druf het er s Wort Antisemitismus erfunde. Z Dutschland isch dr Begriff popular worde und d Antisemiten Liga isch grundet worde, wo zum Ziil gha het d Jude us em Land z verdriibe. Interessanterwiis isch s Wort Semitismus erscht schboter erfunde worde.

Gschicht [ andere | Qualltaxt bearbeite ]

Antijudaismus [ andere | Qualltaxt bearbeite ]

Es het kuum Zite ga wo d Jude nid Opfer vo Antisemite worde sii. Bsundrigs schlimm isch d Juudeverfolgig im chrischtlige Europa gsi vo dr Zit vo de Chruzzuug aa. Im Middelalter und in dr frueje Noizit si d Grund fur e Judehass, wo man offe aga het fur zum d Jude z verfolge, im allgemeine religios gsi: dass d Jude schuld sige am Dod vom Jesus , dass si chrischtligi Symbol nid wurde verehre, und sogar dass si Ritualmord an chrischtlige Chinder wurde bedriibe.

In dr islamische Walt isch d Laag vo de Juude nid ganz eso schlacht gsi wie im christlige Europa. D Juude, wie d Christe au, hai as Dhimmis ? ?Schutzbefooleni“ e bsundrigi Stuur muesse zaale, hai aber iirer Religion chonne folge. Vor allem in de muslimisch beherrschte Dail vo dr Iberische Halbinsle hai Juude, Christe und Muslim zum grosste Dail friidlig zammeglabt. In Marokko und Persie hai d Juude wie spooter au in Oiropa in Juudeghetto muesse woone und es het Zite gee, won ene e Chlaiderornig ufzwunge worde isch (→ Gaale Ring ). 1033 si z Fes Duusigi vo Juude vo Moslime umbrocht worde, und 1066 het s z Granada e Bluetbaad gee. No di noo isch die judischi Minderhait in alle islamische Lander usgranzt worde.

Antisemitismus und Rassismus [ andere | Qualltaxt bearbeite ]

In dr neuere Zit si neui, nid religiosi Begrundige erfunde worde: dass es a Waltjudetum gab, wo brobieri die ganzi Walt z beherrsche, dass d Jude religionsfindligi Kommunischte sige, und ass d Jude blutokratischi Kapitalischte sige. D Nazi , wo alle Antisemitismus uberdroffe hai, wo vor ihne exischtiert het, han d Jude as " Rasse " dargschdellt wo aso schlacht isch, as dr einzig Wag, wie ma d Walt vo ihrer Bosheit chonnt befreie, ihri Vernichtig sig.

Antisemitismus und Antizionismus [ andere | Qualltaxt bearbeite ]

Wo immer mee Jude im 19. und 20. Johrhundert uf Paleschtina iigwanderet si, hai sich im Middlere Oschde bi de Nidjude die antijudische Gfuehl verschderkt. D Araber si zum e groosse Deil noch em Erschte Waltchrieg de Anglander, wo uber Agypte, Paleschtina und dr Irak gherrscht hai, findlig gegenubergschdande und hai in de dutsche Nazi naturligi Verbundeti gseh und d Jude mit de Anglander identifiziert. Antisemitischi und antizionistischi Motiv warde in dr arabische Brobaganda gege d Jude, und sit 1948 gegen a Schdaat Israel bruucht. Antisemitischi Machwark wie ?D Protokol vo de Wiise vo Zion“ warde frei in arabische Lander verchauft, antisemitischi Karikature in Zitige veroffentligt und au in Schuelbuecher het s antisemitischs Material. Sit obbe 2000 hai die paleschtinensische Behorde afo neui Buecher iifuehre, wo in dr Meinig vom Nathan Brown vo dr George Washington University wenig aaschdoossigs Material enthalte. ^[1] Aber dr arabisch Antisemitismus blibt witverbreitet und isch jetzt hufig e Beschdandeil vom Antiamerikanismus, wo vor allem in de islamische Lander sehr schdark verbreitet isch. ^[2]

Antisemitischi Koodworter mit Bezug uf e Zionismus [ andere | Qualltaxt bearbeite ]

S anglische Schlaagwort Zionist Occupied Government (ZOG) grift die alte Verschwoorigstheorie uf, ?d Juude“ wurde konspirieren, zum e Waltregierig z errichde. Dr Begriff Zionist wird vo Antisemite as Koodwort brucht, so dass si sich nit offe muesse zu iirer Juudefindligkait bekenne. ^{[3] [4]} 2015 het s Amtsgricht Esse dr Begriff ?Zionist“ in dr Parole ?Tod und Hass den Zionisten“ damentsprachend klassifiziert und het en Aaklagte doorum wage Volksverhetzig verurdailt. ^[5] Zum suggeriere ass d Verbrache vom Nazireschiim und d Politik vo Israel s Gliiche sig und eso Israel z delegitimiere, verwande Antisemite au s Kofferwort ?Zionazi“. So het dr juudisch Holocaustlugner J. G. Burg aim vo sine Wark dr Ditel ?Zionazi-Zensur in der BRD“ gee und het eso gliichzitig au d ZOG-Verschworigstheorii bedient. S Buech isch 1980 erschiine und 1989 indiziert worde. ^[6]

Bsundrigs s islamistische iranische Reschiim brucht in sinere antizionistische Rhetorik regelmaassig aidutig antisemitischi Konnotazioonen und Bilder, fur dass dr ?Underschiid vo Zioniste und Jude, wo immer wider gmacht wird, ad absurdum“ gfuert wurd. ^[7]

Fuessnote [ andere | Qualltaxt bearbeite ]

1. ↑ Study of Palestinian Textbooks (Uf Anglisch) Archivlink (Memento vom 12. Janner 2008 im Internet Archive )
2. ↑ Dr Bricht vom Stephen Roth Institute vo dr Universidat vo Tel-Aviv fur s Johr 2003-2004 (Uf Anglisch) Archivlink (Memento vom 13. Mai 2012 im Internet Archive )
3. ↑ Brian Klug : Antisemitismus: Kehrt das Monster zuruck? Blatter fur deutsche und internationale Politik Nr. 4/2004, Site 394 ff.
4. ↑ Bundesamt fur Verfassungsschutz : Islamismus aus der Perspektive des Verfassungsschutzes , Koln 2008, S. 7.
5. ↑ Stefan Laurin: Wer "Zionisten" den Tod wunscht, ist Volksverhetzer , Die Welt vom 30. Januar 2015.
6. ↑ Jurgen Graf und Carlo Mattogno Concentration Camp Majdanek: A Historical and Technical Study (Holocaust Handbooks Series, Vol. 5) , Chicago 2003, ISBN 9781591480068 S. 12 f.
7. ↑ Beispiel Al-Quds-Tag ? Islamistische Netzwerke und Ideologien unter Migrantinnen und Migranten in Deutschland und Moglichkeiten zivilgesellschaftlicher Intervention (Memento vom 23. Septamber 2015 im Internet Archive ) (PDF; 625 kB) Gutachten von Udo Wolter fur den Integrationsbeauftragten der Bundesregierung, Berlin im November 2004.