Dr Johann Georg Frech (* 17. Januar 1790 z Kaldadal ? heit a Stadtdoil vo Stuegert ? , † 23. Auguscht 1864 z Esslenga am Necker ) ischt a deitscher Kombonischt, Organischt, Musikpadagog ond Autor vo Sachlitradur gwaa.

Aus seim Leaba [ andere | Qualltaxt bearbeite ]

Dr Johann Georg Frech kommt am 17. Januar 1790 z Kaldadal uff d Welt. Sei Vadder iabt glei zwoi Beruaf aus: er ischt sowohl Uhra- wia au Orglmacher. Drom merkt der Moo au zemlich schnell, was fir a grauß musikalischs Kapsele sei Jonger ischt. Om deam Bua a guada Ausbildong oogedeiha zo lassa, sorgt dr alde Frech drfir, dass sei Soh des ruhmreiche Stuegerter Eberhard-Ludwigs-Gymnasium bsuacha koo. ^[1] Neaba seira Schuelausbildong kriagt der Bua au noh Onderricht em Geiga- , Fleeda- , Cello - ond Klavierschbiila . Em Alder vo sechzaa Johr kriagt’r sei erschda Ostellong: er wuud Hilfslehrer an dr Degerlocher Volksschuel. En dera Zeit kommt’r z Stuegert au mit-em Kombonischda Carl Maria von Weber zamma.

1811 wuud dr Frech oiner vo de erschde Musiklehrer an sellem nuia Lehrerseminar z Esslenga. Nai Johr schbater ernennt Stadt Esslenga dean Moo zom stedtischa Musikdirektr. Neababei vorsiht’r noh s Amt vom Organischda an dr Esslenger Kirch St. Dionysius. 1827 schließlich grendet’r en dera Stadt da Esslenger Liaderkranz. Jetzt kommt dui Zeit, wo dr Frech au em Vorfassa vo Nodabiacher und Kombosiziona eiserscht produkdiv ischt. Wia no 1856 em Ulmer Minschder vo dr renommiirda Ludwigsburger Firma Walcker de greescht Orgl vo dr Welt inschdalliirt worra ischt, wuud dr Frech ausgwehlt, om zom erschda Mol fir d Effentlichkeit uff sellem Inschdrument zo schbiila.

Am 23. Auguscht 1864 schließt dr Johann Georg Frech an seim Hauptwirkongsort Esslenga seine Auga fir emmer. 73 Johr alt ischt’r worra. Heitzodag send der Moo ond seine Werk bloß noh Schbezialischda vo dr Kirchamusik an Begriff.

Ehronga [ andere | Qualltaxt bearbeite ]

• 1860: Verleihong vo dr Ehramiglidschaft em Schwabischa Sangerbund
• 1863: Goldene Medaille fur Kunst und Wissenschaft , vorliha vom Keenich Wilhelm I. vo Wirdaberg
• Noch-em Frech seim Ableaba ischt en seim Geburtsort Kaldadal a Stroß noch-em benannt worra. ^[2]

A Auswahl vo seine Werk [ andere | Qualltaxt bearbeite ]

• 1827: "Vor- und Nachspiele fur die Orgel, nebst 24 Choral-Intonationen und Choral-Schlussen"
• 1828: Vierstimmiges Choralbuch fur Orgel- und Klavierspieler, oder Melodien zu samtlichen Liedern des offentlichen Gesangbuchs der evangelischen Kirche in Wurttemberg (zamma mit seine schwabische Musiker-Kollega Friedrich Silcher ond Konrad Kocher )
• 1844: Neues Wurttembergisches Choralbuch
• 1851: Orgelspielbuch (wiider zamma mit seine zwoi oba erwehnde Kollega)
• Ondr andrem au noh sechs Sinfonia , 67 Kandada, an Haufa Kombosiziona fir Orgl ond s Oratorium Abraham auf Moria ^[3]

Litradur [ andere | Qualltaxt bearbeite ]

• K. Eberhard Oehler: Johann Georg Frech (1790-1864) . En ?Kirchenmusik als Erbe und Auftrag“ - a Feschdschrift zom 50jahriga Jubileom vo dr Hochschuel fir Kirchamusik Esslenga 1955, 583-602;
• Der Esslinger Musiker Johann Georg Frech . En ?Esslinger Studien“. Zeitschrift 35/1996. 20-61.

Quella [ andere | Qualltaxt bearbeite ]

• Gerhard Raff : Vergessener Musikant , a Artikl aus dr Stuegerter Zeidong vom 19. Auguscht 2014, Ausgab fir da Kreis Beblenga, S. 18
• Lueg d Weblink

Weblink [ andere | Qualltaxt bearbeite ]

• Dr Johann Georg Frech uff dr Internet-Seit schwaebische-orgelromantik.de
• A Heerprob bei Youtube

Fuaßnoda ond oinzlne Nochweis [ andere | Qualltaxt bearbeite ]

1. ↑ S Eberhard-Ludwigs-Gymnasium isch dui Schuel, wo z Stuegert de meischde grauße Goischdr hervorbrocht hot, zom Beischbiil da Johann Friedrich Cotta , da Georg Wilhelm Friedrich Hegel , da Gustav Schwab , da Eduard Morike , da Berthold Auerbach , da Karl von Gerok ond da Wilhelm Ganzhorn , om bloß amol a baar vo deane grauße Leichda zo nenna.
2. ↑ Straßennamen in Stuttgart ? Herkunft und Bedeutung , rausgaa vom Nochrichdaamt vo dr Stadt Stuegert, 1974, ISBN 3-7828-1310-3
3. ↑ Also et Maria