D Janine Wissler (aigetli Janine Wißler ^[1] ; * 23. Mai 1981 z Langen , Hesse ) isch e dytschi Bolitikeri ( Die Linke ). Am 27. Februar 2021 isch si zame mit dr Susanne Hennig-Wellsow zur Barteivoorsitzeri gwehlt woore. Syter anne 2008 isch si Abgordneti im Hessische Landdaag un deert Fraktionsvorsitzeri vu ir Bartei.

Harmchumft, Uusbildig un Beruef [ andere | Qualltaxt bearbeite ]

D Janine Wissler isch z Dreieich un z Neu-Isenburg (boodi im hessische Landkrais Offenbach) in ere Mittelschichtsfamilie ufgwagse. Ire Vater isch Verchaufslaiter bi re Boumaartchette un Gwaarkschafter gsii, d Mueter Aagstellt bi re Autoversicheri. ^[2] Iri Mueter isch bolitisch in dr 1970er Johr in dr DKP aktiv gsii un het speeter mit dr Griene simpathisiert. ^[3] D Janine isch vu 1987 bis 1991 uf d Wingertschuel z Dreieich un vu 1991 bis 2001 uf d Ricarda-Huch-Schuel gange, wu si s Abitur gmnacht het. ^[4] Derno het si vu 2001 bis 2012 an dr der Universiteet Frankfurt Bolitikwisseschafte studiert un as Diploom-Bolitoloogi abgschlosse. ^[5] Im Studium het si vu 2002 bis 2007 in Dailzyt as Verchaiferi in eme Boumart gschafft. Derzue het si vu 2005 bis 2008 im Wahlkraisbiro vum Bundesdaagsabgordnete Werner Dreibus gschafft. No as Studanti het si anne 2004 us Brotescht gege d Agenda 2010 vu dr rot-griene Bundesregierig mit andere di hessisch WASG grindet. ^[2]

Bolitik [ andere | Qualltaxt bearbeite ]

No dr Verschmelzig vu dr WASG mit dr PDS zur Bartei Die Linke im Juni 2007 isch d Wissler Mitgliid vum Bundesvorstand un vum hessische Landesvoorstand woore. Bi dr Landdaagswahl im Janner 2008 isch d Wissler iber d Landeslischt in s Barlemant yyzooge, un au bi dr Neiwahl 2009 isch si wider in Landdaag gwehlt woore. Bi boode Wahle het si im Wahlkrais Frankfurt am Main VI kandidiert. Vu 008 bis 2009 isch si stellverdrattendi Vorsitzeri vu dr Linksfraktion im Hessische Landdaag gsii, ab 2009 het si dr Vorsitz zame mit em Willi van Ooyen ghaa. Syt salle uf s Mandaat verziichtet het, sisch si elainigi Vorsitzeri. Bi dr Landdaagswahle 2013 un 2018 isch si im Wahlkrais Frankfurt am Main II aadratte un isch wider iber d Landeslischt in Landdaag yyzooge. Syt em Janner 2019 isch si Voorsitzeri vum Uusschuss fir Wiirtschaft, Energy, Verchehr un Wohne im Hessische Landdaag.

Syter 2011 isch d Wissler Voorsitzeri vum Linke-Kraisverband Frankfurt am Main. 2012 het si bi dr Ooberbuurgermaischterwahlen kandidiert isch im eerschte Wahlgang am 25. Februar 2012 uf 3,8 % vu dr Stimme chuu. ^[6] Bi dr Frankfurter Ooberbuurgermaischterwahl 2018 het si im eerschte Wahlgang 8,8 Brozant vu dr Stimme ghoolt. ^[7]

Uf em 4. Bundesbarteidaag im Mai 2014 z Berlin isch d Wissler zur stellverdrattende Voorsitzeri vu ire Bartei gwehlt wore. ^[8]

Am 4. Septamber 2020 het si verchindet, ass si fir dr Bundesvoorsitz wett kandidiere. ^[9] Uf em 7. Bundesbarteidaag im Februar 2021 isch d Janine Wissler mit 84,2 % vu dr Stimme zur Bundesvoorsitzeri vu dr Bartei Die Linke gwehlt woore. ^[10]

Si isch Mitgliid vu Attac un Verdi . Us em Unterstitzerkrais vum trotzkistische Netzwaarch Marx21 un us dr Sozialistische Linke , zwoo linksextremi Gruppierige vu dr Bartei, wu vum Verfassigsschutz bschaut waare, isch si uusdratte im Rame vu ire Kandidatur fir dr Barteivoorsitz. ^[11]

Weblink [ andere | Qualltaxt bearbeite ]

  Commons: Janine Wissler  ? Sammlig vo Multimediadateie

• Websyte vu dr Janine Wissler
• Biografi uf dr Websyte vum Hessische Landtag. Hessischer Landtag, abgruefen am 28. April 2013 .  
• Janine Wissler (stellvertretende Parteivorsitzende). In: die-linke.de. Abgruefen am 14. Januar 2017  
• Janine Wissler. Linksfraktion im Hessischen Landtag ; abgruefen am 14. Januar 2017  

Fueßnote [ andere | Qualltaxt bearbeite ]

1. ↑ Janine Wissler: Tweet vom 25. Februar 2018, 14:34. In: Twitter. 25. Februar 2018, abgruefen am 25. Februar 2018 : ?Im Personalausweis steht es im Namensfeld mit ß und unten mit Doppel-S, weil es ja kein großes ß gab. In Zeiten von Internet und E-Mail ist ein ß im Namen schwierig und ich nutze die Doppel-S-Schreibweise, damit es einheitlich mit Website und E-Mail ist.“  
2. ↑ ^{2,0 2,1} Anja Maier: Die Vorzeigefrau. In: taz. 28. Dezember 2008, abgruefen am 27. Februar 2021 .  
3. ↑ Matthias Bartsch, Kevin Hagen, Jonas Schaible: Kann sie die Linke retten? In: Der Spiegel , 21. Dezamber 2020, abgruefen am 27. Februar 2021.
4. ↑ Uber mich ? Janine Wissler. Abgruefen am 30. August 2020 .  
5. ↑ Janine Wissler. In: hessischer-landtag.de. Abgruefen am 11. April 2017 .  
6. ↑ Ergebnisse Oberburgermeisterwahl 2012 Frankfurt, hr-online.de, 28. Meerz 2012
7. ↑ OB-Wahl 2018: Die Ergebnisse der Frankfurter Oberburgermeisterwahl, hessenschau.de, 25. Februar 2018
8. ↑ Timo Frasch: Klassenkampferin im Parlament. In: faz.net. 12. Mai 2014, abgruefen am 10. Juli 2020 .  
9. ↑ Wissler will Bundesvorsitzende der Linken werden. In: hessenschau, 4. Septamber 2020.
10. ↑ Janine Wissler ist neue Linken-Vorsitzende. In: Zeit Online. Abgruefen am 27. Februar 2021 .  
11. ↑ Katharina Schuler: Janine Wissler beendet Mitgliedschaft in Netzwerk Marx21. In: Die Zeit, 8. Septamber 2020.

Da Artikel basiert uff ere fraie Ubersetzig vu dere Version vum Artikel ? Janine_Wissler “ vu de dutsche Wikipedia. E Liste vu de Autore un Versione isch do z finde.