Erste bim Giro d’Italia 2006 Erste bim Giro d’Italia 2010
Dr Ivan Basso (* 26. Novamber 1977 z Gallarate, Provinz Varese) isch en italianische Velorennfahrer.
1998 het er d U-23 Stroosse-Waltmeisterschaft gwunne und 1999 het er agfange as Profi z fahre. 2004 het er die 12. Etappe in dr Tour de France gwunne und isch in dr Gsamtwartig Dritte worde. Bi dr Tour de France im Johr druf isch er Zweite worde, druf het er s Criterium International gwunne. 2006 isch er Erste bim Giro d’Italia worde, het denn aber bi dr Tour de France nit dofe mitfahre, will er in Dopingskandal um dr spanisch Dokter Fuentes verwigglet gsi isch und isch im Johr druf fur zwei Johr wage Doping gsperrt worde. 2010 het er dr Giro no einisch gwunne.