Glen Velez

Us der alemannische Wikipedia, der freie Dialakt-Enzyklopedy
Glen Velez
Dr Glen Velez, 2007
Dr Glen Velez, 2007
Date
Uf d Walt cho 1949
Instrument Rammedrummle
Aktiv syt 1967
Het gspiilt mit Suzanne Vega, Pat Metheny, Zakir Hussain, Rabih Abou-Khalil
Website Glen Velez

Dr Glen Velez (* 1949 ) isch e US-amerikanische Jazz -Perkussionischt un Komponischt mit eme waltwyte Ruef as Meischter uf dr Rammedrummle .

Dr Velez isch e Suhn vu mexikanische Yywanderer un isch z Texas ufgwagse. Scho as Chind het er sich fir Perkussionsinschtrumant intrassiert, vor allem wel syy Unkel Schlagzyyger gsi isch. Anne 1967 isch er uf New York gange, wun ere an dr Manhattan School of Music klassischi Perkussion bim Fred Hinger studiert het. Zwei Johr speter, 1969, isch er uf Dallas returchuu un het in syyre Militerzyt Schlagzyyg in ere Band vu dr US Army gspiilt.

1973 isch er wider uf New York un het derno fufzeh Johr lang im Ensemble vum Steve Reich gspiil. 1983 isch er Mitglid vum Paul Winter Consort wore, wun ere bis 1998 din gspilt het.

Derzue het dr Velez aagfange as Solischt ufzdratte. Anne 1984 isch syy erscht Album Handance erschine, wun ere verschideni Perkussionsinschtrumant spiilt un derzue Obertongsang singt. Handance isch au dr Name vu syyre Lehrmethod fir Perkussionsinschtrumant, wu im Video The Glen Velez Handance Method zeigt wird.

Anne 1989 het dr John Cage fir ihn d Composed Improvisation for One-sided Drum with or without Jangles komponiert. 1996 het dr Velez am Projakt Temura vum spanische Saxofonischt un Klarinettischt Javier Paxarino mitgmacht. Wun er sich vum Paul Winter drannt gha het, het er derno vor alem as Solischt gschafft, derzue au as Partner vu dr Sangeri Suzanne Vega], em Gitarrischt Pat Metheny, em klassische Klarinettischt Richard Stoltzman, em Tablaspiiler Zakir Hussain, em Bassischt Jonas Hellborg, em Layne Redmond, em Howard Levy, em Rabih Abou-Khalil, em Fletischt Steve Gorn un em Hackbrattspiiler Malcolm Dalglish.

Zue dr vile Inschtrumant, wu dr Velez spiilt, ghere vor allem di irisch Bodhran, s brasilianisch Pandeiro, s arabisch Riq, s nordafrikanisch Bendir un di aserbaidschanisch Ghaval.

Dr Velez het e jedes Inschtrumant uf klassischi Wyys studiert, derzue aber au syy eigeni Tachnike entwicklet, wun er Yyfliss us dr verschidene Musikstil us dr ganze Walt zammemischlet.

Anne 1999 het en s DRUM!-Magazin zum Best World Beat Percussionist ernannt.

Diskografii (Uuswahl) [ andere | Qualltaxt bearbeite ]

  • Handdance: Frame Drum Music mit Layne Redmond, 1984
  • Seven Heaven mit Layne Redmond, Steve Gorn, 1987
  • Assyrian Rose mit John Clark, Steve Gorn, Howard Levy, Layne Redmond, 1989
  • Ramana mit Jan Hagiwara, Howard Levy, Layne Redmond, 1990
  • Mokave Vol. 1 (1991) ? mit Larry Karush, Glen Moore
  • Songs of Kabir mit Eva Atsalis, Amitava Chatterjee, Geraldine James, Gerry James, 1993
  • Pan Eros mit Gianni Gebbia, Enzo Rao, 1994
  • Doctrine of Signatures mit Eva Atsalis, Ed Brunicardi, Randy Crafton, Steve Gorn, Jan Hagiwara, 1994
  • Border States mit Howard Levy, Randy Crafton, 1994
  • Rhythmcolor Exotica mit Eva Atsalis, Art Baron, Jan Hagiwara, Yousif Sheronick, 1996
  • Rhythms of the Chakras , Soloalbum, 1998
  • Breathing Rhythms mit Damian Dragichi, Eugene Friesen, 2000
  • Rhythms of Awakening mit Randy Crafton, Zohar Fresco, Steve Gorn, Howard Levy, Shane Shanahan, Yousif Sheronick, 2005
  • Luminosity Len & Vani Greene, 2011

Weblink [ andere | Qualltaxt bearbeite ]

Vun " https://als.wikipedia.org/w/index.php?title=Glen_Velez&oldid=809979 "