Us der alemannische Wikipedia, der freie Dialakt-Enzyklopedy
Dr
Gunther Richard Burger
(*
1. Juni
1924
z
Konschtanz
;
27. Dezamber
2017
) isch e
dytsche
Lehrer, Haimetdichter un Naturschitzer gsii.
Dr Burger isch z Konschtanz ufgwachse un dert au uf d Schuel gange. Wel er 1942 im
Zweete Waltchrieg
yygruefe woren isch, het er e ?Chriegsabitur“ gmacht. Bis 1944 isch er an dr Oschtfront yygsetzt gsii, derno isch er no uf d Offiziersschuel. Noch em Chrieg het er zerscht Landwirtschaft glehrt un studiert, derno het er vu 1953 bis 1956 Pedagogik studiert. Ab 1956 het er z
Buesinge
as Lehrer gschafft. Vu 1964 bis 1971 isch er Schuelleiter z
Dalla
gsii. Anne 1971 isch er mit syre Familie uf
Gottmedinge
zoge, wun er e Stell as Raktor an dr Eichendorffhauptschuel aagfange het. Bis zue syre Pensionierig 1984 het er dert gschafft. Anne 1956 het er ghyrote. Sy Frau Ruth isch dodemol Chrankeschweschter gsii. Si han zame drei Dechtere ghaa.
Syter ass er e junge Mann gsii isch, het si dr Burger sozial engaschiert. Scho as Chind, anne 1931, isch er Mitglid vu dr Dytsche Labesrettig-Gsellschaft (DLRG) wore. Derzue isch er aktiv gsii in dr Naarezumft ?Gerstensack“, wun er syter 1972 Zumftrot gsii isch. Fascht 40 Johr lang isch er aktiv gsii bim
Rote Chryz
, unter anderem as Erschthilfs-Uusbilder. Syter 1959 het er au bi dr Dytsche Chriegsgreberfirsorg mitgmacht, derzue isch er Getti vu zwai Chinder im e SOS-Chinderdorf gsii. Au fir d Natur er si langi Johr yygsetzt. Ar isch Mitglid vum
Schwarzwaldverain
gsii un het d Gottmedinger Ortsgruppe mitgrindet, isch dert au Vorsitzer un Wanderfierer gsii. Ar het si bim BUND engaschiert, het dr Naturlehrpfad ?Riederbachtal“ mitgstaltet un si fir dr Rundwag ?Katzental-Ploren-Hilzingen-Dietlishofen“ un dr Gschichtspfad Gebsenstein-Altstatt-Heilsberg un Afrabrunnele yygsetzt. Fir dr Schwebisch Albverain isch er vu 1964 bis 1980 Wanderfierer gsii un au bi dr Volkshochschuel isch er 50 Johr lang Wanderfierer un Raiselaiter gsii.
Dr Burger isch Grindigsmitglid vu dr
Muettersproch-Gsellschaft
gsii. Im Chrieg het er aagfange mit Gedicht schrybe. Syt 1957 het er au uf
Alemannisch
gschriibe. Syni Gedicht un Gschichte het er als bi Laasige vordrait. Ar het im Lauf vu dr Johr e Hufe vu syne Gedicht un Gschichte as Biecher im Aigeverlag uusebrocht.
Vum Land Bade-Wirttebarg isch er mit dr Ehrenodle uuszaichnet wore.
- Nuf un nab durch das Jahr
(Mundart und Schriftdeutsch, Band 1
Fruhling
, Band 2
Sommer
, Band 3
Herbst
, Band 4
Winterv, Band 5
5. Jahreszeit
). Eigenverlag, Gottmadingen 1974-1979
- Kurzes
(Spruch in Mundart). Eigenverlag, Gottmadingen 1981
- De Dag durre ? Vom Fruhlicht bis zum Mondenschein
(Mundart und suddeutsch). Eigenverlag, Gottmadingen 1981
- Suffigs vum See ? Rundreis dur d Johreszitte
(Mundart, Band 1
Sueße Saft un frischs Seewasser
, Band 2
Rachebutzer un Samsekrabsler
, Band 3
Spoot-Las un Bockbier
). Eigenverlag, Gottmadingen 1984-87
- Wir wandern. Vom und furs Wandern.
(Mundart und suddeutsch). Eigenverlag, Gottmadingen 1999
- Land un Luut am See. E heiter-bsinnliche Rundreis mit Gedicht und Gschichtle in seealemannischer Mundart.
Eigenverlag, Gottmadingen 1996
Derzue verschideni Gedicht im Heftli vu dr Muettersproch-.Gsellschaft,
Alemannisch dunkt us guet
un in dr Anthology ?s Johr durre“.