Dr Eberhard III. , gnannt ?dr Mild“, (* no 1362 vermuetli z Stuegert ; † 16. Mai 1417 z Geppenge ) isch Grof vu Wirttebarg vu 1392 bis 1417 gsii. Ar isch dr Suhn vum Grof Ulrich vu Wirttebarg (* no 1340; † 1388) un dr Elisabeth vu Bayern (* 1329; † 1402), Dochter vum Chaiser Ludwig em Bayern gsii.

Anne 1380 het er d Mailander Grefi Antonia Visconti ghyrote, d Dochter vum Bernabo Visconti. S ainzig Chind us dare Eh, wu elter woren isch, isch dr speetere Grof Eberhard IV. gsii. Noch em Dod vu dr Antonia am 26. Merz 1405 het dr Eberhard d Elisabeth vu Nirnberg ghyrote, d Dochter vum Burggroof Johann III. vu Nurnberg, (Ehabred am 27. Merz 1406, Bylager erscht 1412).

Syy Regierigszyt isch bregt gsii dur syni Bindnisbolitik mit andere Firschtehyyser un Rychsstedt go dr Friid z halte, zem Byschpel s Bindnis mit 14 oberschwebische Stedt, wu am 27. Augschte 1395 gschlosse woren isch, un dr Marbacher Bund vu 1405. E wichtige militerische Erfolg isch dr Siig gege dr Schleglerbund anne 1395 bi Heimsheim gsii. Di wichtigscht territorial Erwarbig vum Eberhard isch d Grofschaft Mompelgard gsii, wu dur d Verlobig vu sym Suhn, em spetere Grof Eberhard IV. mit dr Henriette vu Mompelgard zstand chuu isch. D Henriette isch di eltscht un erbbrachtigt Dochter vum Grof Heinrich vu Mompelgard gsii. Dr Eberhard III. het d Grofschaft Mompelgard bis 1409 regiert un het si derno an sy Suhn Eberhard IV. ibergee.

Literatur [ andere | Qualltaxt bearbeite ]

• Paul Friedrich von Stalin:  Eberhard der Milde . In: Allgemeine Deutsche Biographie (ADB). Band 5, Duncker & Humblot, Leipzig 1877, S. 556 f.

Weblink [ andere | Qualltaxt bearbeite ]

  Commons: Eberhard III.  ? Sammlig vo Multimediadateie

Vorganger Eberhard II.

Grof vu Wirttebarg 1392?1417

Nochfolger Eberhard IV.

Herrscher vo Wirtteberg (1081?1918) Aafang ond Grofschaft bis 1495: Konrad I.  | Konrad II.  | Ludwig I.  | Ludwig II.  | Hartmann I.  | Ludwig III.  | Ulrich I.  | Ulrich II.  | Eberhard I.  | Ulrich III.  | Ulrich IV.  | Eberhard II.  | Eberhard III.  | Eberhard IV. Stuegerter Linie: Ulrich V.  | Eberhard VI. Uracher Linie: Ludwig I.  | Ludwig II.  | Eberhard V. Herzogtom vo 1495 bis 1806: Eberhard I.  | Eberhard II.  | Ulrich  | Christoph  | Ludwig  | Friedrich I.  | Johann Friedrich  | Eberhard III.  | Wilhelm Ludwig  | Eberhard Ludwig  | Karl Alexander  | Carl Eugen  | Ludwig Eugen  | Friedrich Eugen  | Friedrich II. Kenigreich vo 1806 bis 1918: Friedrich I.  | Wilhelm I.  | Karl I.  | Wilhelm II.

Da Artikel basiert uff ere fraie Ubersetzig vu dere Version vum Artikel ? Eberhard_III._(Wurttemberg,_Graf) “ vu de dutsche Wikipedia. E Liste vu de Autore un Versione isch do z finde.