Dr
Eberhard I.
, dr ?Erlaucht“, (*
13. Merz
1265
z
Stuegert
; †
5. Juni
1325
ebedo) isch vu 1279 bis 1325 Grof vu
Wirttebarg
gsii.
Em Eberhard syy Halbbrueder un Vorganger
Ulrich II.
het syy Amt scho mit elf Johr aadratte. Mer chaa dervu uusgoh, dass daa as Minderjehrige unter dr Vormundschaft vum Grof
Hartmann I. vu Greanenge
gstanden isch. Dr Ulrich isch anne 1279 gstorbe, syy Vormund Hartmann 1280, so dass dr Eberhard ab dam Zytpunkt d Herrschaft iber d Grofschaft Wirttebarg ohni Yschrankig het chenne uusiebe.
D Wahl vum
Rudolf vu Habsburg
zum Chenig vum
Hailige Remische Ryych
1273 het derzue gfiert, ass di territoriale Uuswytige vum
Ulrichs I.
, wu dur dr Gegechenig
Heinrich Raspe
legitimiert wore sin, an s Ryych zruckgange sin. Dr Rudolf het Ryychslandvogteie errichtet fir d Verwaltig vu dr zruckgforderete Ryychsterritorie. D Landvogtei Niderschwobe het dr Rudolf syym Schwoger
Albrecht vu Hohenberg
gee. Dr Rudolf het s Ziil ghaa, s
Herzogtum Schwobe
wideryyzrichte, w uno dr Hiirichtig vum letschte
Staufer
Konradin
anne 1268 ohni Herrscher gsii isch, un het syy minderjehrige Suhn
Rudolf
zum Herzog ernannt. Dr Eberhard het Widerstand glaischtet gege die Maßnahme. Ar het d Situation noch em Dod vum Rudolf 1291 chenne uusnutze un militerischi Erfolg gege dr Landvogt Albrecht von Hohenberg erziile. Em Rudolf syy Noofolger
Adolf vu Nassau
het z Schobe kai Huusmachtintrasse verfolgt. Noch em Sturz vum Adolf anne 1298 het dr Eberhard dam syym Noofolger Chenig
Albrecht I.
, em eltschte Suhn vum Rudolf vu Habsburg, syy Unterstitzig zuegsicheret. Dr Albrecht het em im Gegezug d Landvogtei Niderschwobe zuegsproche. Dr Eberhard het des fir d Absicherig vu syyne Aasprich gnutzt. Zue neiere chriegerische Ussenandersetzige mit em Albrecht isch s erscht ab 1305 chuu. Dr Eberhard het di behmische Stand in ihrem Kampf geg dr Albrecht un syy Noofolger Chaiser
Heinrich VII.
unterstitzt. S isch zuen eme Chrieg chuu gege dr Ryychslandvogt
Konrad vu Weinsberg
, wu im Ufdrag vum Heinrich VII. ghandlet un Wirttebarg in argi Bedrangnis brocht het. Nume dr Dod vum Heinrich VII. am 24. Augschte 1313 un di bolitisch Situation no dr Chenigswahl 1314 mit em
Ludwig IV.
as Chenig un em
Friedrich em Schene
as Gegechenig han d Niderlag vu Wirttebarg verhinderet. Dr Eberhard het derno gschickt zwische Chenig un Gegechenig taktiert, so dass er di territoriale Verluscht nit nur het chenne uusglyyche, sundern au wyteri Biet het chenne derzuegwinne. Ass er bim Chrieg z Behme mitgmacht het, het em zuesatzligi Finanzmittel yybrocht, wun er gnutzt het go Landereie un Stedt vu verarmte Adelsgschlachter (z. B. vu dr Bfalzgrofe vu Dibenge) z Schwobe ufzchaufe.
Dr Eberhard I. het
Stuegert
zum Herrschaftsmittelpunkt gmacht, wun er au in dr
Stiftschiilche
begrabe lyt.
Dr Eberhard isch dr Suhn vum Grof
Ulrich I. vu Wirttebarg
gsii, wu e baar Wuche vu syre Geburt gstorben isch. Syy Mueter isch d
Agnes vu Schlesie-Liegnitz
, wu wahrschyns bi syre Geburt gstorben isch, e Dail Qualle schrybe vun eme Chaiserschnitt.
Dr Eberhard isch dreimol ghyrote gsii. War syy erschti Frau gsii isch, isch nit sicher. Scho dr
Martin Crusius
het vermuetet, dass es d Adelheid vu Werdenberg mit Sitz z
Simmerenge
gsii isch. Anderi These verwys uf d Hyyser ?vu Hohenberg“ oder ?vu Teck“.
Syy zwooti Frau isch d
Margarethe vu Lothringe
gsii, e Dochter vum Herzog
Friedrichs III.
vu
Lothringe
. Noch ihrem Dod het er am 21. Juni 1296 d Markgrefi
Irmengard vu Bade
ghyrote, e Dochter vum Markgrof
Rudolf I. vu Bade
.
Us syre erschte Eh het dr Eberhard e Suhn un e Dochter ghaa:
- Ulrich (* no 1285; † 1315)
- Agnes (* vor 1300; † vor 1349), Grefi vu Werdenberg
As dr Eh mit dr
Margarete vu Lothringe
het dr Eberhard e Suhn ghaa:
Us dr Eh mit dr
Irmengard vu Bade
het dr Eberhard wahrschyns drei Dechtere ghaa:
- Agnes, Grefi vu Oettingen (* um 1295; † 1317)
- Adelheid Mechthild (* zwische 1295 un 1300; † 13. Septamber 1342) ∞
Kraft II. vu Hohenlohe
(† 3. Mai 1344)
- Irmengard (* nach 1300; † 1329), Grefi vu Hohenberg
Derzue giltet dr Kleriker Ulrich vu Hofingen as nit ehmlige Suhn vum Eberhard.
- Gerhard Raff:
Hie gut Wirtemberg allewege I: Das Haus Wurttemberg von Graf Ulrich dem Stifter bis Herzog Ludwig
. Mit einer Einleitung von Hansmartin Decker-Hauff. Stuttgart 1988,
ISBN 3-89850-110-8
- Dieter Mertens in: Sonke Lorenz, Dieter Mertens, Volker Press (Hrsg.):
Das Haus Wurttemberg. Ein biographisches Lexikon.
Kohlhammer, Stuttgart 1997,
ISBN 3-17-013605-4
, S. 25
- Harald Schukraft:
Kleine Geschichte des Hauses Wurttemberg
. Tubingen 2006,
ISBN 978-3-87407-725-5
- Paul Friedrich von Stalin:
Eberhard der Erlauchte
. In:
Allgemeine Deutsche Biographie
(ADB). Band 5, Duncker & Humblot, Leipzig 1877, S. 554 f.