E Traach ( ahd . traccho us lat . draco und agr . δρ?κων, drak?n ≫Traach, Schlange≪) isch e Fabeltier wo weltwiit bikannt isch. Je noch Kultur chonde si recht verschide uusgsie.

Germane [ andere | Qualltaxt bearbeite ]

Bi de Germane sind Traache recht biliebt, bsunders i de Heldesaage. Debii isch di usem Latiin entleenti Bizaichnig verbraiteter as iihaimisch Binennige, wi tutsch Lindwurm . S Bild wo d Germane vomene Traach ghaa hend, underschaidet sich starch vom moderne Traachebild, wo vo asiatische Vorstellige starch beiflusst isch. Traache sind schlangeaanlich gsii und hend Gold ober ales gliebt, da gsammlet und druf gnestet. Si sind gfoorlichi Tier gsii und s Tote vomene Traach e Heldetaat sondergliiche.

Noch de nordische Mythologii nagt de Traach Nidhoggr a de Worzle vom Weltbomm Yggdrasill . De biruemtisch Traach isch aber de Fafnir , wo vom Sigurd totet woren isch.

I de Kunst vo de Wikinger sind Traache wichtig gsii und eri Schiff sind mit Traachechopf verzeirt gsii, werum die Schiff Traacheschiff gnennt were. Au d Dachfirst vo de skandinavische Stabchile sind mit Traachechopf verziert.