Dr Dieter Eppler ? mit-em volla Nama hot’r Heinz Dieter Eppler ghoißa ? (uf d Welt komma am 11. Februar 1927 z Stuegert , wo-nr am 12. April 2008 au gstorba ischt), ischt a deitscher Theater- ond Filmschauschbiiler gwaa, wo em schbadra Alter au hin- ond wiidr mit Rolla em schwabischa Dialekt eigsetzt worra ischt, z. B. en dr Fernsehserie Der Konig von Barenbach . Manchmol hot’r au selbr Reschii gfihrt.

Aus seim Leaba [ andere | Qualltaxt bearbeite ]

Sei erschda Bihnaerfahrong hot dr Dieter Eppler am Stuegerter Opernhaus gmacht, wo-nr em Kendrchor mitgsonga ond Stadischdarolla ibrnomma hot. Sei Wonsch ischt emmr gwaa, schbatr amol beruaflich mit-em Theater vrbonda zo sei. Drom hot’r noch-em Abi Schauschbiilondricht gnomma. Om dean zahla zkennet, hot’r neabaher uf-em Bau gschafft ond sich als Schnapsvorkaifr betadigt. Em Johr 1947 isch’r zom erschda Mol z Heidaheim ond en Sigmarenga uf de Bihna gstanda. Do drnoch ischt’r drei Johr lang mit Wanderbihna durch d Lande tinglet, bis’r schliaßlich vom Wirdabergischa Staatstheater en Stuegert fir siiba Johr an Vrtrag kriagt hot. Seine Rolla send deet dr Tempelherr em Lessing seim Schauschbiil Nathan der Weise , dr Hartmann em Zuckmayer seim Drama Des Teufels General ond dr Hyppolytos em Jean Racine seira Trageede Phadra gwaa.

Em Dieter Eppler seine weitre Staziona send am Badischa Staatstheater z Karlsruha , an dr ?Komeede em Marquardt“ z Stuegert ond am Deitscha Schauschbiilhaus en Hamburg gwaa. Deet hot’r da Walpo em Shaw seira Komeede Der Arzt am Scheideweg gschbiilt. No hot’s en ans Theater ?Die Kleine Freiheit“ en Mincha vrschlaga, gfolgt vom Kammertheater Karlsruha, vom Theater Bada-Bada ond vo dr ?Kleina Komeede“ z Mincha, wo-nr zamma mit dr Sonja Ziemann em Shaw seim Kalifornischa Roulette uf dr Bihne gstanda ischt.

Zeitweilich hot dr Dieter Eppler au als Schbrecher beim domoliga Siddeitscha Rondfonk gschafft. Em Johr 1956 schliaßlich isch’r fir da Film entdeckt worra. Dr erscht Stroifa, wo-nr mitgschbiilt hot, isch Dr Hexer noch-ma Krimi vom Edgar Wallace gwaa. Em Lauf dr Zeit send 37 nazionale ond endrnazionale Produkzioona zammakomma. Am Ofang send-em hauptsachlich Rolla obodda worra, wo-nr an Soldat em Zwoida Weltkriag hot schbiila kenna. Da graischda Erfolg hot’r do drbei 1957 mit dr Titlroll em Film U 47 ? Kapitanleutnant Prien ghet.

Ab-em Johr 1970 hot-mr da Dieter Eppler au oft em Fernseh ogugga kenna. Er ischt oinr vo de erschde Schauschbiiler gwaa, wo an Tatort-Ermittler gschbiilt hend: da Kommissar Liersdahl beim Saarlendischa Rondfonk. Au en de Krimiseria Der Alte , Polizeiinspektion 1 , Großstadtrevier ond Derrick hot’r efders Mol a Roll kriagt. En dr ZDF-Vorobedserie Der Landarzt hot’r da Hugo Cornelsen gschbiilt.

Neaba seira schauschbiilerischa Arbet hot dr Dieter Eppler au en meh wia 40 Heerschbiil Reschii gfihrt. Sein Wohnsitz en Stuegert hot’r s ganz Leaba lang beibhalda. Er ischt au emmr bloß mit oira Frau vorheiradet gwaa, seit 1947 mit dr Magdalene Schnaitmann. Zamma hend-se fenf Kendr ghet. Wia sei Familie dr Presse mitteilt hot, isch dr Dieter Eppler em Altr vo 81 Johr durch da Dod am 12. April 2008 vo-ra langa schwera Kranket erleest worra.

Film, wo-nr dren mitgschbiilt hot [ andere | Qualltaxt bearbeite ]

Weblink [ andere | Qualltaxt bearbeite ]

• Dieter Eppler in de Internet Movie Database (anglisch)
• Dr Dieter Eppler uf-em filmportal.de
• Biografii mit-ma Bild vo-nem

Da Artikel basiert uff ere fraie Ubersetzig vu dere Version vum Artikel ? Dieter_Eppler “ vu de dutsche Wikipedia. E Liste vu de Autore un Versione isch do z finde.