De St. Kolumban. Bobbio Abbey.
De
St. Kolumban vo Luxeuil
(*um
540
z
Irland
; †
23. November
615
z
Bobbio
,
Italie
) isch en irische Wandermonch gsii und ghort zu de erste
Missionare
vo de
Alemane
. Er werd au Kolumban vo Bobbio oder Kolumban de Jungeri gnennt und tar nod mitem Kolumban vo Iona (521-597) verwechslet were, wo z
Schottland
missioniert het.
De Kolumban isch um 540 im irische Landtail Leinster uf d Welt choo. Er isch Monch wore und isch e Schueler vom Abt Sinell wore und nochene vom St. Comgall, wo Abt im nordirische Chloster Bangor gsii isch. Spooter isch er de Laiter vo de Chlosterschuel vo Bangor wore.
Ane 591 isch er mit zwolf Schueler uufbroche, drunder de
St. Gallus
, de Comininus, de Domoal, de Equonanus und de Eunocus. Si sind mitem Schiff a d Chuste vo de
Bretagne
gseglet und hend den vom frankische Konig
Childibert II.
d Uufforderig obercho, i de
Vogese
bim Ort Annegray (Dep. Haute-Saone) e Chloster z grunde. Die Gmainschaft isch schnell gwachse und drum hend si 15 km wiiter suudlich bi Luxovium (
Luxeuil
) im
Jura
e nois Chloster grundet und spoter no ais z Fontanae (Fontaine). De Kolumban, wo Abt vo Luxeuil gsii isch, isch under de Gunst vom Konig Childibert II. gstande. Won er aber dem sin Noofolger, de
Theuderich II.
, kritisiert het, weg sinere Lebeswiis, het er muese noch guet zwanzg Joor sis Chloster im Jura verloo und er isch mit sinene Junger uf
Austrasie
zum Konig
Theudebert II.
und het e zittli am Konigshoof z
Metz
glebt.
Ane 610 isch d Monchsgmainschaft aber wider loszoge. Si sind vo Metz uf
Mainz
und denn em
Rhii
und a de
Limet
no an
Zorisee
cho, wo si mitem Schiff uf
Tugge
gfaare sind. De Ort het em Kolumban gfale und d Missionare hend afange Zele baue. De Gallus het aber im Iifer di haidnische Tempel vo de Iihaimische aazunde. Drufabe hend d Wandermonch muese vo Tugge fluche und sind uf
Arbe
am
Bodesee
choo. Vo dai uus sinds mit em Schiff uf
Bregez
, wo si no im Joor 610 s erscht tutschi Chlooster ggrundet hend.
D Biwooner vo Bregez hend aber i de Chile vo de St. Aurelia drai isigi Gotterbilder ghaa und die nebetem Christegott vereert. De Gallus het die Statue aber gnoo und in See ine gruert und druf aber het sich e Tail vo de Bivolkerig bichere loo. D Alemane, wo i de Umgebig glebt hend, sind aber no Haide gsii und amene Tag isch de Kolumban anes Bieropfer an Gott
Wodan
choo und het s Bierfass dor blosses Aapuste zerstort und so d Oberlegehait vo sinere Religioo offebaart. Doch isches mit de Ziit immer mee zu Konflikt mit de Iihaimische choo und im End sind zwee Monche erschlage wore. De alemannische Herzog
Gunzo
, wo z
Uberlinge
residiert het, het ene den as Herz glait, s Land z verloo. Dezue isch no choo, as de Konig Theudbert II., de Bschutzer vom Kolumban, vo sim Brueder Theuderich II., e Find vom Kolumban, umbroocht woren isch. So hend d Monch Bregez verloo und sind uf Italie. Nume de St. Gallus isch blibe und uf Arbe zrugg, woner im Urwald en Aisidelai ggrundet het, am Ort vom spotere
Chloster Sanggalle
.
De Kolumban isch mit sinene Junger uf
Italie
cho und de
Agilulf
, de Konig vo de
Langobarde
, het em erlobt, bi
Bobbio
e Chloster z grunde. D Konigin
Theodelinda
het em ghulfe drbii. Z Bobbio isch de Kolumban am 23. November 615 gstorbe.
Um 640 het denn de Monch
Jonas vo Bobbio
s Lebe vom St. Kolumban uufgschirbe.
- Sancti Columbani Opera
. Ed. by G.S.M. Walker: The Dublin Institute for Advanced Studies, 1970.