Die Amerikanischi Revolution , au dr Unabhangikeitschrieg vo de Vereinigte Staate , isch dr Ufstand wahred de Johr 1775 bis 1783 gsi, wo drizaa vo de nordamerikanische Kolonie vo Grossbritannie ihri Unabhangikeit vo ihrem Mueterland gwunne und die Vereinigte Staate vo Amerika bildet hai.

Gschicht [ andere | Qualltaxt bearbeite ]

Dr Chrieg isch usbrooche noch eme Johrzahnt vo politische Handel, wo sich d Koloniste meh und meh vo dr Britische Chrone entfremdet hai, wil die brobiert het, ihri Kontrolle uber d Kolonie z versterke. Bis 1778 isch es e Burgerchrieg innerhalb vom Britische Riich gsi. Denn hai sich anderi europaischi Macht afo iimische, wo die ufstandische Kolonie understutzt hai: Frankriich im Johr 1778, Spanie im Johr druf und Holland 1780. Dr Chrieg isch uf em Land vor allem gege d Koloniste gfuehrt worde, und uf de Meer gege die europaische Seemacht. Grossbritannie het dank siner Flotte lang d Understutzig, wo vor allem d Franzose gschiggt hai, chonne iischrangge. Dr britische Soldnerarmee si schlacht usbildeti, amerikanischi Soldate und Milize under em George Washington gegenubergstande, wo aber mit dr Hilf vo Duusige vo franzosische Soldate schliesslig am 19. Oktober 1781 d Kapitulation vo de Anglander z Yorktown hai chonne erzwinge. Die letzte britische Soldate hai New York am 25. Novamber 1783 verloo, nochdam am 3. Septamber 1783 dr Friide vo Paris abgschlosse worden isch. In dam het Grossbritannie d Unabhangikeit vo de Vereinigte Staate bis zum Mississippi anerkennt und Florida an Spanie abdratte.